Fukrey 3 Box Office Collection: बॉक्स ऑफिसवर फुकरे-3 चा धमाका; 100 कोटींच्या क्लबमध्ये सामील झाला चित्रपट

केवळ भारतातीलच नाही तर जगभरातील प्रेक्षकांची फुकरे-3 या चित्रपटाला पसंती मिळत आहे.

Fukrey 3 Box Office Collection

'फुकरे 3' हा चित्रपट 28 सप्टेंबर रोजी रिलीज झाला. केवळ भारतातीलच नाही तर जगभरातील प्रेक्षकांची या चित्रपटाला पसंती मिळत आहे.

फुकरे-3 या चित्रपटाचं वर्ल्ड वाइड कलेक्शन 100 कोटी एवढे झाले आहे. अनेकांनी या चित्रपटाचं कौतुक केलं आहे.

भारतातील बॉक्स ऑफिसवर या चित्रपटानं जवळपास 77.96 कोटींची एकूण कमाई केली आहे.

रिलीजनंतर 12 व्या दिवशी फुकरे-3 या चित्रपटानं भारतातील बॉक्स ऑफिसवर जवळपास 1.50 कोटींची कमाई केली आहे.

पुलकित सम्राट, ऋचा चढ्ढा, पंकज त्रिपाठी, वरुण शर्मा आणि मनजोत सिंग या चित्रपटात मुख्य भूमिकेत आहेत.

'फुकरे 3' या चित्रपटामधील कलाकारांच्या विनोदी शैलीला प्रेक्षकांची पसंती मिळत आहे. तसेच या चित्रपटामधील कलाकारांच्या अभिनयाचं देखील अनेक जण कौतुक करत आहेत.

'फुकरे' हा चित्रपट 2013 मध्ये प्रेक्षकांच्या भेटीला आला होता. त्यानंतर 2017 मध्ये 'फुकरे रिटर्न्स' हा चित्रपट रिलीज झाला.

'फुकरे-3' हा चित्रपट 100 कोटींच्या क्लबमध्ये सामील झाल्यानंतर या चित्रपटामधील अभिनेत्री रिचा चड्ढानं एक खास पोस्ट शेअर करुन प्रेक्षकांचे आभार मानले आहेत.

फुकरे-3 या चित्रपटाची 'द व्हॅक्सिन वॉर', 'चंद्रमुखी 2' या चित्रपटांसोबत बॉक्स ऑफिसवर टक्कर झाली होती.