Aai Tuljabhavani Marathi Serial Track: ताम्रासूरासमोर उलगडलं तुळजाभवानीचं अष्टभुजा रूप, इकडे महिषासुराच्या आयुष्यात शुंभाचा प्रवेश; पुढे काय घडणार?

Aai Tuljabhavani Marathi Serial Track: कलर्स मराठीवरील 'आई तुळजाभवानी' मालिका सध्या उत्कंठावर्धक वळणावर आहे. महिषासुराला अनुभूतीच्या आश्रमात भेटलेली तुळजाच देवी असल्याचा साक्षात्कार होणार आहे.

Aai Tuljabhavani Marathi Serial Track

महिषासुराचा दूत ताम्रासूर याला देवीनं करून दिलेली अष्टभुजा रूपातली ओळख आणि त्यानं कथानकाला मिळालेली कलाटणी, या दैवी अध्यायाचा विलक्षण टप्पा सध्या सुरू आहे.

या कथानकाच्या वळणावर नियतीची अनपेक्षित रचना पाहायला मिळणार आहे.

यातच महिषासुराच्या आयुष्यात शुंभा नावाच्या स्त्रीचा प्रवेश घडणार आहे, ही शुंभा नेमकी कोण? तिचं महिषासुराच्या आयुष्यात अचानक येण्याचे प्रयोजन काय? हा रंजक कथाभाग आई तुळजाभवानीच्या आगामी भागात उलगडणार आहे.

बिग बॉस मराठी फेम लोकप्रिय मराठी अभिनेत्री सोनाली पाटील ही भूमिका साकारणार आहे.

नव्या भूमिकेबाबत बोलताना सोनाली पाटील म्हणाली की, "आजवर तुम्ही मला अनेक वेगवेगळ्या भूमिकांमध्ये पहिले आहे. आता बिग बॉस मराठीनंतर मी पुन्हाएकदा कलर्स मराठीशी जोडली गेली आहे याचा मला आनंद आहे."

आई तुळजाभवानी मालिकेत मी शुंभा म्हणजेच असूर राज महिषासुराच्या आयुष्यात येणाऱ्या एका महत्वपूर्ण स्त्रीच्या भूमिकेत दिसणार आहे. ही महत्वपूर्ण भूमिका कोणती हे मालिकेत आता उलगडत आहे, असं सोनाली म्हणाली.

देवीवर असलेल्या आस्थेमुळे मी हि मालिका करण्याचा निर्णय घेतला. शुंभा तटस्थ, देखणी आहे तुम्हांला नक्की बघायला आवडेल याची मला खात्री आहे, असंही सोनालीनं सांगितलं.

सोनालीनं पुढे बोलताना सांगितलं की, अतिशय सुंदर लूक केला आहे शुंभाचा, विविध प्रकारची आभूषणं, साड्या... साडी परिधान करण्यासाठी खूप वेळ लागतो, जवळपास मला तयार होण्यासाठी दीड तास लागतो.

रोल खुपचं वेगळा आहे त्यामुळे मला तयारी तर नक्कीच करावी लागली कारण अश्याप्रकाराची भूमिका पहिल्यांदाच करते आहे. पण, मला खात्री आहे तुम्हाला नक्कीच आवडेल, असं सोनाली म्हणाली.