Tomato : दिल्लीत प्रतिकिलो टोमॅटोसाठी 200 रुपये

दिल्लीत (Delhi) सध्या टोमॅटोची 'लाली' अधिक वाढल्याचं चित्र दिसत आहे. प्रतिकिलो टोमॅटोसाठी 200 रुपयांचा दर आहे.

Tomato Price

सध्या टोमॅटोच्या दरात (Tomato Price) मोठी वाढ झाल्याचे चित्र दिसत आहे. मागणी वाढून पुरवठा कमी झाल्यामुळं दरात मोठी वाढ होत आहे.

देशाची राजधानी दिल्लीत (Delhi) सध्या टोमॅटोची 'लाली' अधिक वाढल्याचं चित्र दिसत आहे. प्रतिकिलो टोमॅटोसाठी 200 रुपये द्यावे लागत आहेत.

दिल्लीतील मदर डेअरीने सफाल रिटेल आउटलेटवर टोमॅटोची 259 रुपये प्रतिकिलो दराने विक्री केली.

प्रमुख टोमॅटो उत्पादक राज्यांमध्ये अतिवृष्टीमुळं पुरवठा विस्कळीत झाला आहे. त्यामुळं टोमॅटोचे भाव एक महिन्याहून अधिक काळ झालं वाढले आहेत.

सध्या देशभरात टोमॅटो दरात मोठी वाढ झाली आहे. ज्या शेतकऱ्यांकडे विक्रीसाठी टोमॅटो आहे, त्यांना मोठा फायदा होत आहे.

सध्या ज्या प्रमाणात टोमॅटोला मागणी आहे ,या प्रमाणात पुरवठा होताना दिसत नाही. परिणामी टोमॅटोचे दर मोठ्या प्रमाणात वाढत आहेत. प्रतिकिलो टोमॅटोसाठी 170 ते 200 रुपये द्यावे लागत आहेत.

राष्ट्रीय राजधानीतील किरकोळ किंमती अलीकडेच खाली येऊ लागल्या होत्या. परंतू कमी पुरवठ्यामुळे पुन्हा टोमॅटोच्या किंमती वाढल्या आहेत. ग्राहक व्यवहार मंत्रालयाच्या आकडेवारीनुसार, टोमॅटोची किरकोळ किंमत बुधवारी 203 रुपये प्रति किलोपर्यंत पोहोचली

गेल्या दोन महिन्यांपासून खराब हवामानामुळं टोमॅटोच्या पुरवठ्यावर परिणाम झाला असल्याची माहिती मदर डेअरीच्या प्रवक्त्याने दिली आहे.

गेल्या दोन दिवसांत आझादपूर मंडईत टोमॅटोची आवक लक्षणीयरीत्या कमी झाली आहे. त्यामुळं घाऊक दरात मोठी वाढ झाली आहे.