Chornobyl Nuclear Power Plant : चेर्नोबिल अणुभट्टीवर रशियाचा ड्रोन हल्ला, चौथ्या पॉवर युनिटला लक्ष्य; युक्रेनचे राष्ट्राध्यक्ष झेलेन्स्कींचा दावा
युक्रेनचे राष्ट्राध्यक्ष वोलोडिमिर झेलेन्स्की यांनी या घटनेला दहशतवादी हल्ला म्हटले आहे. त्यांनी रशियावर आंतरराष्ट्रीय नियमांकडे दुर्लक्ष करून आण्विक स्थळांना लक्ष्य केल्याचा आरोप केला
Chornobyl Nuclear Power Plant : रशियाने ड्रोनच्या मदतीने हल्ला करून चेर्नोबिल न्यूक्लिअर पॉवर प्लांटच्या चौथ्या पॉवर युनिटला लक्ष्य केले आहे. रशियन ड्रोनने चेर्नोबिलच्या बंद केलेल्या अणुऊर्जा प्रकल्पावर हल्ला केल्याने जागतिक आण्विक सुरक्षा धोक्यात आल्याचा दावा युक्रेनचे राष्ट्राध्यक्ष झेलेन्स्की यांनी केला आहे. रशियाच्या या हल्ल्याला तज्ज्ञ जागतिक सुरक्षेसाठी मोठा धोका मानत आहेत. चेर्नोबिलवर बांधलेले हे विशेष युनिट युक्रेन, युरोप, अमेरिका आणि इतर देशांच्या मदतीने बांधले गेले होते, ज्याचा उद्देश रेडिएशनचे धोके टाळणे हा होता.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
— Volodymyr Zelenskyy / Володимир Зеленський (@ZelenskyyUa) February 14, 2025
This shelter was built by Ukraine together with other countries of Europe and the world,… pic.twitter.com/mLTGeDYgPT
युक्रेनचे राष्ट्राध्यक्ष वोलोडिमिर झेलेन्स्की यांनी या घटनेला दहशतवादी हल्ला म्हटले आहे. त्यांनी रशियावर आंतरराष्ट्रीय नियमांकडे दुर्लक्ष करून आण्विक स्थळांना लक्ष्य केल्याचा आरोप केला, जो संपूर्ण जगासाठी गंभीर धोका आहे. झेलेन्स्की यांनी भर दिला की अशा हल्ल्यांमुळे जागतिक सुरक्षा बिघडू शकते आणि त्वरित प्रतिसाद आवश्यक आहे.
During the night of 13-14 Feb, at around 01:50, IAEA team at the Chornobyl site heard an explosion coming from the New Safe Confinement, which protects the remains of reactor 4 of the former Chornobyl NPP, causing a fire. They were informed that a UAV had struck the NSC roof. pic.twitter.com/Ee5NSRgDo8
— IAEA - International Atomic Energy Agency ⚛️ (@iaeaorg) February 14, 2025
आग आटोक्यात आणली
राष्ट्राध्यक्ष झेलेन्स्की यांच्या पुष्टीनंतर अग्निसुरक्षा अधिकाऱ्यांनी सांगितले की, चेर्नोबिल प्लांटवर ड्रोन हल्ल्यानंतर लागलेली आग पूर्णपणे नियंत्रणात आली आहे. मात्र, या घटनेने चेर्नोबिलसारख्या संवेदनशील ठिकाणांसमोरील धोक्यांबाबत पुन्हा एकदा जगाला सतर्क केले आहे.
रेडिएशनचा धोका नाही
रशियन ड्रोन हल्ल्यानंतर चेरनोबिल प्लांटमधील रेडिएशनच्या पातळीची तपासणी करण्यात आली. तपासणीनंतर, तज्ञांनी पुष्टी केली आहे की सध्या रेडिएशनची कोणतीही असामान्य पातळी आढळली नाही. प्लांटचे अधिकारी परिस्थितीवर लक्ष ठेवून आहेत जेणेकरून भविष्यात कोणत्याही धोक्याचा सामना करता येईल.
इतर महत्वाच्या बातम्या
महत्त्वाच्या बातम्या
