Girish Mahajan : खडसेंच्या घरातलीच गोष्ट आहे, मी त्याचा खुलासा केला तर लोक त्यांना जोड्याने मारतील: गिरीश महाजन
Girish Mahajan Vs Eknath Khadse : खडसेंचा जावई तीन वर्षे तुरुंगात जाऊन आला, त्यांच्या पत्नी महिला असल्याने आम्ही त्यांना जेलमध्ये जाऊ दिले नाही असं मंत्री गिरीश महाजन म्हणाले.
वाशिम : एकनाथ खडसे यांनी मंत्री गिरीश महाजन यांच्यावर केलेल्या आरोपाला आता महाजन यांनीसुद्धा जोरदार उत्तरं दिलं असून. मी जर त्यांच्याबद्दल तोंड उघडलं तर लोक त्यांना बाहेर आल्यावर जोड्याने मारतील. एक नंबरचे महाचोर आहेत. कमरेच्या खाली वार केल्याशिवाय त्यांना दुसरं काही जमत नाही असा पलटवार गिरीश महाजन यांनी केला. आपल्यावर झालेल्या आरोपांवर एक तरी पुरावा दाखवावा, सक्रिय राजकारणातून बाहेर पडेन असं आव्हानही त्यांनी दिलं. मी जर एका गोष्टीचा खुलासा केला तर खडसे तोंड काळ करतील. घरातलीच गोष्ट आहे पण मी बोलणार नाही, मला बोलायला लावू नका अशा स्पष्ट शब्दात महाजन यांनी खडसेंना इशारा दिला.
राष्ट्रवादी शरद पवार गटाचे आमदार एकनाथ खडसे यांनी एका बातमीचा संदर्भ देऊन महाजनांवर आरोप केले होतं. गिरीश महाजन यांचे एका महिला आयएएस अधिकाऱ्याशी संबंध असून तिचे नाव आपल्याला माहिती आहे असं खडसे म्हणाले होते. त्यावर गिरीश महाजन यांनी प्रत्युत्तर दिलं आहे.
नेमकं काय म्हणाले गिरीश महाजन?
'कमरेच्या खाली वार केल्याशिवाय त्यांना दुसरं काही जमत नाही. त्यांची अवस्था किती वाईट आहे हे महाराष्ट्राला माहीत आहे. त्यामुळे मी इतक्या खालच्या पातळीवर जाऊ शकत नाही. मला बोलायचं असेल तर त्यांना बाहेर पडणं मुश्किल होईल. त्यांचं सगळं संपलेलं आहे. त्यांचे दुकान बंद झालेलं आहे, त्यामुळे वाटेल तशी भाषा करतात आणि बरळतात. महाराष्ट्राला माहीत आहे मी काय आहे.'
ते एक नंबरचे महाचोर
'ते नेहमी म्हणतात पुरावे आहेत सीडी आहेत. मी वारंवार त्यांना आव्हान दिलं आहे. त्यांचे जावई तीन वर्षे जेलमध्ये जाऊन आले होते. त्यांच्या पत्नीला मात्र महिला आहे म्हणून आम्ही तुरुंगात जाऊ दिले नाही. त्यांच्याबद्दल लवचिकता दाखवली. विनाकारण कमरेखालची भाषा करायची, घाणेरडे बोलायचं. स्वतः नंबर एकच महाचोर आहेत. त्यांचे सगळे धंदे लोकांना माहित आहेत. मी जर त्यांच्याबद्दल एका गोष्टीची वाच्यता केली तर लोक त्यांना बाहेर आल्यावर जोड्याने मारतील.'
मी तोंड उघडलं तर लोक त्यांना जोड्याने मारतील
'ते ज्येष्ठ आहेत, वयाने मोठे आहेत. बोलताना त्यांनी माझ्या कामाबद्दल बोलावं, माझ्या भ्रष्टाचाराबद्दल बोलावं. जे सत्य असेल ते बोला. मात्र काही नसताना लोकांना खोट्या बातम्या द्यायच्या. वारंवार ते म्हणतात, त्यांच्याकडे हे आहे, ते आहे. मात्र कशासाठी ते असे करतात? ते लोकांची दिशाभूल करतात. मात्र मी जर काही सांगितलं तर लोक त्यांना जोड्याने मारतील. मी त्यांच्या प्रमाणे खालच्या पातळीवर जाऊ शकत नाही. मला कमरेखालची भाषा शोभत नाही.'
'मी सात वेळा आमदार आहे, मंत्री आहे. त्यामुळे हे बघून त्यांची जळफळाट होत आहे. त्यांचे खूप वाईट दिवस आले आहेत. हे सर्व बघून त्यांची जळफळाट होत आहे. त्यामुळे ते वाटेल ते बेभान स्टेटमेंट करत आहेत. मला वाटतं त्यांच्याकडे एक जरी पुरावा असेल तर त्यांनी द्यावा, बडबड नाही करायची.'
माझा अंत पाहू नका
'गेल्या अनेक वर्षांपासून वारंवार घाणेरडी भाषा करायची. काही सिद्ध करता येत नाही. काहीतरी चरित्रहणन करायचं, याशिवाय त्यांच्याकडे दुसरं काही राहिलेलं नाही. त्यांनी एक पुरावा दाखवावा, मी सक्रिय राजकारणातून बाहेर पडेन. अमित शहा यांना काय पुरावा दाखवता? तुमच्याकडे पुरावा असेल तर तो लोकांना दाखवा. यांना दिले, त्यांना दिले माझ्या मोबाईलमध्ये होते, डीलिट झाले, मोबाईल हरवला हे खोटं बोलताना लाज वाटत नाही का? माझं आव्हान आहे त्यांनी एक पुरावा दाखवावा. माझा अंत बघू नका.'
महत्त्वाच्या बातम्या
