Aparna Yadav Joins BJP: मुलायमसिंह यादवांच्या सूनबाई अपर्णा यादवांचा भाजप प्रवेश, अखिलेश यादवांना मोठा धक्का

Aparna Yadav Joins BJP: उत्तर प्रदेश निवडणुकीच्या (UP Election 2022) तोंडावर समाजवादी पक्षाला मोठा धक्का बसलाय.

Mulayam Singh Yadav's daughter-in-law Aparna Yadav joins BJP

Mulayam Singh Yadav's daughter-in-law Aparna Yadav Joins BJP: उत्तर प्रदेश निवडणुकीच्या (UP Election 2022) तोंडावर समाजवादी पक्षाला मोठा धक्का बसलाय. मुलायम सिंह यादव यांची धाकटी सून अपर्णा यादव यांनी आज भाजपमध्ये प्रवेश केलाय. उपमुख्यमंत्री केशव प्रसाद मौर्य यांच्या उपस्थितीत  अपर्णा यादव यांनी भाजपमध्ये प्रवेश केलाय. 

अपर्णा यादव यादेखील उत्तर प्रदेशचे मुख्यमंत्री योगी आदित्यनाथ यांच्याप्रमाणे गायप्रेमी आहेत, असं त्यांनी स्वत: एका मुलाखातीत वक्तव्य केलं होतं. "गाई वंश हा आपल्या सनातन परंपरा आणि संस्कृतीचा महत्त्वाचा भाग आहे. याला राजकारणाशी जोडणं अजिबात योग्य नाही. माझ्या मनात मुख्यमंत्री योगी अदित्यनाथ यांच्याबद्दल आदर आहे. योगी आदित्यनाथ उत्तर प्रदेशचे मुख्यमंत्री आहेत म्हणून नव्हेतर, ते मोठे महंत आहेत म्हणून!", असंही त्यांनी मुलाखतीत म्हटलं होतं.

दरम्यान, अपर्णा यांनी योगी सरकारच्या विकासकामांचेही अनेकदा कौतूक केलं आहे. कोरोना काळात योगी सरकारनं केलेल्या कामाचं भरभरून कौतूक केलं होतं. "एक सामान्य नागरिक म्हणून मला भाजप सरकारचे अनेक निर्णय आवडले आहेत. भाजप सरकारनं जनहिताचं अनेक चांगले निर्णय घेतले जे योग्यही ठरले आहेत", असं अपर्णा यांनी एबीपी माझाला दिलेल्या मुलाखतीदरम्यान म्हटलंय. 

Koo App

अपर्णा जी का भाजपा परिवार में स्वागत है...

View attached media content

- Yogi Adityanath (@myogiadityanath) 19 Jan 2022

 

भाजपमध्ये प्रवेश करताच सपावर निशाणा
अपर्णा यादव यांनी भाजपमध्ये प्रवेश करताच सपावर जोरदार हल्ला चढवलाय. सपा राजवटीत गुंडगिरीला इतके महत्त्व दिले जाते की बहिणी-मुली सुरक्षित नाहीत. संध्याकाळ होताच घरांचे दरवाजे बंद होतात. माझ्यासाठी राष्ट्र हे सर्वात महत्त्वाचे आहे, त्यामुळेच माझ्यावर नेहमीच पंतप्रधानांचा प्रभाव राहिलाय, असं अपर्णा यादव यांनी म्हटलंय. 

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha