मोठी बातमी : श्रीकांत शिंदे यांना मंत्रिपद द्या, सर्व खासदारांची एकनाथ शिंदेंना विनंती, मुख्यमंत्री काय निर्णय घेणार?
Lok Sabha Election Result 2024: नुकतंच श्रीकांत शिंदे यांची शिवसेनेचे लोकसभेतील गटनेतेपदी नियुक्ती झाली आहे. आता या तरुण खासदाराला मंत्रिपद द्यावं अशी विनंती शिवसेनेच्या खासदारांनी मुख्यमंत्र्यांकडे केली आहे.
NDA Government Formation: नवी दिल्ली : लोकसभा निवडणूक निकालानंतर (Lok Sabha Election Result 2024) आता केंद्रात सत्तास्थापनेच्या हालचाली सुरु आहेत. नरेंद्र मोदी (Narendra Modi) हे तिसऱ्यांदा पंतप्रधानपदाची शपथ घेणार आहेत. रविवारी 9 जूनला संध्याकाळी 7 वाजता दिल्लीत (Delhi) हा शपथविधी होणार आहे. यानंतर आता मोदींच्या कॅबिनेटमध्ये (Modi Cabinet) कोणकोण असणार याची चर्चा आहे. एनडीएतील (NDA) घटकपक्षांना 4 खासदारांमध्ये एक कॅबिनेट मंत्रिपद असं सूत्र ठरल्याची चर्चा आहे. त्यानुसार एकनाथ शिंदे (Eknath Shinde) यांच्या शिवसेनेला (Shiv Sena) दोन कॅबिनेट आणि दोन राज्यमंत्रिपदं मिळण्याची चिन्हं आहेत. आता शिवसेनेच्या वाट्याला येणाऱ्या मंत्रिपदामध्ये श्रीकांत शिंदे (Shrikant Shinde) यांचा समावेश करावा अशी मागणी शिवसेनेच्या सर्व खासदारांनी मुख्यमंत्री एकनाथ शिंदे यांच्याकडे केली आहे.
नुकतंच श्रीकांत शिंदे यांची शिवसेनेचे लोकसभेतील गटनेतेपदी नियुक्ती झाली आहे. आता या तरुण खासदाराला मंत्रिपद द्यावं अशी विनंती शिवसेनेच्या खासदारांनी मुख्यमंत्र्यांकडे केली आहे. काल शिवसेनेच्या सर्व खासदारांची दिल्लीत बैठक झाली. यावेळी या बैठकीत खासदारांनी मुख्यमंत्र्यांकडे श्रीकांत शिंदे यांच्या मंत्रिपदासाठी आग्रह धरला.
शिवसेनेच्या वाट्याला दोन मंत्रिपदं येण्याची शक्यता आहे. वरिष्ठ नेत्यांमध्ये कोणताही वाद नको म्हणून काही खासदारांनी ही भूमिका घेतली. शिवसेनेच्या विजयी खासदारांमध्ये बुलढाण्याचे प्रतापराव जाधव, मावळचे खासदार श्रीरंग बारणे, हातकणंगलेचे धैर्यशील माने, छत्रपती संभाजीनगरचे संदीपान भुमरे, मुंबई उत्तर पश्चिमचे रविंद्र वायकर असे सर्व वरिष्ठ नेते आहेत.
एकनाथ शिंदे यांना 7 जागा
लोकसभा निवडणूक 2024 च्या निकालात एकनाथ शिंदे यांच्या शिवसेनेला 7 जागांवर विजय मिळवता आला. यामध्ये कल्याणचे श्रीकांत शिंदे, ठाण्याचे नरेश म्हस्के यांच्यासह सात जणांचा समावेश आहे.
शिवसेनेचे खासदार
- कल्याण लोकसभा - श्रीकांत शिंदे
- ठाणे लोकसभा - नरेश म्हस्के
- मुंबई उत्तर पश्चिम - रवींद्र वायकर
- हातकणंगले - धैर्यशील माने
- छत्रपती संभाजीनगर - संदीपान भुमरे
- बुलढाणा लोकसभा - प्रतापराव जाधव
- मावळ लोकसभा - श्रीरंग बारणे
लोकसभा निवडणुकीत कोणाला किती जागांवर विजय मिळाला?
देशपातळीवरील समीकरणं
- एनडीए आघाडी- 293
- इंडिया आघाडी- 232
- इतर-17
महाराष्ट्रातील खासदारांचे पक्षीय बलाबल
- महाविकास आघाडी- 30
- महायुती- 17
- अपक्ष- 1
महायुतीमधील पक्षीय बलाबल
- भाजप- 9
- शिवसेना (शिंदे गट)-7
- राष्ट्रवादी काँग्रेस (अजित पवार)-1
महाविकास आघाडीत कोणाला किती जागा?
- काँग्रेस- 13
- ठाकरे गट-9
- शरद पवार गट-8
अपक्ष - 1
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
