एक्स्प्लोर

निवडणूक निकाल २०२४

(Source: ECI/ABP News/ABP Majha)

Narendra Modi Cabinet : मोदींच्या तिसऱ्या मंत्रिमंडळाचा चेहरा कसा असेल? कोणत्या राज्यातून कोण-कोण मंत्री असणार?

Narendra Modi 3.0 Cabinet : मोदींच्या नव्या मंत्रिमंडळात प्रादेशिक समतोल साधला जाणार असून मंत्र्यांची निवड करताना त्याचे शिक्षण आणि अनुभव विचारात घेतलं जाणार असल्याची माहिती आहे.

By : एबीपी माझा ब्युरो | Edited By: अभिजीत जाधव | Updated at : 08 Jun 2024 09:30 PM (IST)

Narendra Modi new Cabinet list of ministers in central government who will be minister from which state marathi news update Narendra Modi Cabinet : मोदींच्या तिसऱ्या मंत्रिमंडळाचा चेहरा कसा असेल? कोणत्या राज्यातून कोण-कोण मंत्री असणार?

Narendra Modi 3.0 Cabinet

Source : PTI

नवी दिल्ली : नरेंद्र मोदी हे तिसऱ्यांदा शपथ घेणार असून रविवारी संध्याकाळी 7.15 वाजता त्यांचा शपथविधी होणार आहे. नरेंद्र मोदींसोबत जवळपास एकूण 52 ते 55 मंत्री (Narendra Modi Cabinet) शपथ घेऊ शकतात. त्यामध्ये 19 ते 22 कॅबिनेट मंत्री आणि सुमारे 33 ते 35 राज्यमंत्री शपथ घेऊ शकतात अशी माहिती आहे. एनडीए आघाडीतील टीडीपी, जेडीयू, एलजेपीसह आरएलडी, जनसेना, जेडीएस आणि अपना एनडीएचे घटक म्हणून सरकारमध्ये सामील होऊ शकतात. सूत्रांनी दिलेल्या माहितीनुसार, टीडीपीला कॅबिनेट, दोन राज्यमंत्री मिळू शकतात. तर जेडीयूला कॅबिनेट आणि राज्यमंत्रीपद मिळू शकते.

शिवसेना, एलजेपी, आरएलडी आणि राष्ट्रवादी काँग्रेसचे प्रत्येकी एक मंत्री सरकारमध्ये सामील होणार असल्याची माहिती आहे. मोदी सरकारच्या मंत्रिमंडळात जातीपेक्षा प्रादेशिक समतोलावर भर दिला जाणार आहे. मंत्रिमंडळात उत्तर, दक्षिण, पूर्व आणि पश्चिम भागातल्या खासदारांना संधी मिळणार आहे. मंत्र्यांची निवड करताना त्यांचा अनुभव आणि शिक्षणही विचारात घेतले जात आहे.

एनडीएमध्ये भाजपनंतर चंद्राबाबूंच्या तेलुगू देसम आणि नितीशकुमारांच्या जेडीयूचं महत्त्व वाढलं आहे. त्यामुळे तेलुगू देसमला 4, जेडीयूला 4, लोकजनशक्ती पार्टीला 2 मंत्रिपदं मिळू शकतात. तेलुगू देसम आणि जेडीयू अर्थमंत्रालयासह सभापतीपदाची मागणी करत असल्याचं समजतंय. मात्र संरक्षण, अर्थ, गृह आणि परराष्ट्र मंत्रालय भाजप स्वत:कडे ठेवणार असल्याची माहिती आहे.