Bharat Gogawale On Sunil Tatkare: सुनील तटकरेंनी आम्हाला पाडण्यासाठी सेटलमेंट केली; भरत गोगावलेंचा धक्कादायक आरोप
Bharat Gogawale On Sunil Tatkare: मी पालकमंत्रिपदाच्या शर्यतीत असल्यामुळे सुनील तटकरेंना ते नकोय, असं भरत गोगावले म्हणाले.
Bharat Gogawale On Sunil Tatkare रायगड: रायगडमधील पालकमंत्रिपदाबाबत आम्ही आमच्या नेत्यांना परिस्थितीबाबत कल्पना दिली आहे. कदाचित आज किंवा उद्या मुख्यमंत्री देवेंद्र फडणवीस (Devendra Fadnavis) उपमुख्यमंत्री एकनाथ शिंदे (Eknath Shinde) आणि उपमुख्यमंत्री अजित पवार (Ajit Pawar) याबाबत निर्णय घेतील, अशी प्रतिक्रिया मंत्री आणि शिंदे गटाचे नेते भरत गोगावले (Bharat Gogawale) यांनी दिली.
एकनाथ शिंदे यांनी आमची नावे पालकमंत्रिपदासाठी दिली होती. आमचा वाद मुळात वेगळा कारणाने सुरू झाला. आम्ही युतीतील उमेदवारांनी सुनील तटकरे यांचं मनापासून काम केलं होत. एक इंच सुद्धा कामात चूक झाली नाही. मात्र सुनील तटकरेंनी आमच्यावर चुकीचा ठपका ठेवून काम केलं. मी पालकमंत्रिपदाच्या शर्यतीत असल्यामुळे सुनील तटकरेंना ते नकोय, असं भरत गोगावले म्हणाले.
सुनील तटकरेंनी आम्हाला पाडण्यासाठी वेगवेगळ्या व्यक्तींशी सेटलमेंट केली- भरत गोगावले
सुनील तटकरे यांनी आम्हाला पाडण्यासाठी वेगवेगळ्या व्यक्तींशी सेटलमेंट केली आहे. अलिबागचे आमदार महेंद्र दळवी यांना पाडण्यासाठी शेकापचे जयंत पाटील यांच्याशी हातमिळवणी केली. माझ्यासाठीसुध्दा सुनील तटकरेंनी विरोधकांशी हातमिळवणी केली होती, असा आरोप भरत गोगावले यांनी केला आहे. आमची त्यांच्या निवडणूकीत कोणती चूक केली असेल तर त्यांनी दाखवून द्यावी. सुनील तटकरे यांचं आज खरं स्वरूप पहायला मिळालं आणि म्हणूनच आमचा त्यांच्यावर राग आहे, असं भरत गोगावले यांनी स्पष्ट केलं. तसेच अदिती तटकरे यांना निवडून आणण्यासाठी देखील आम्ही झोकून काम केलं. आम्ही सगळं त्यांच्यासाठी करत असताना ते जर का असे वागत असतील तर कितपत योग्य आहे?, असा सवालही भरत गोगावले यांनी उपस्थित केला आहे.
रायगड पालकमंत्री पदावरून टीका करणाऱ्या थ्री इडीयटसला एकनाथ शिंदेंनी आवरावं- सूरज चव्हाण
राष्ट्रवादी काँग्रेस अजित पवार गटाचे नेते सूरज चव्हाण यांनी भरत गोगावले यांच्यावर टीका केली आहे. रायगड पालकमंत्री पदावरून टीका करणाऱ्या थ्री इडीयटसला तत्काळ एकनाथ शिंदे यांनी आवरावं ही माझी त्यांना विनंती आहे. जर त्यांचं म्हणणं आहे की, सुनील तटकरे यांनी महायुतीच काम केल नाही तर मग हा विषय आधीच निवडणुका संपल्यानंतर भरत गोगावले यांनी बोलायला हवं होतं. आता त्यांना कुठून बुद्धी सुचली. आता पालकमंत्री पदाचा विषय आला की काहीही आरोप करणार का? हे खपवून घेतलं जाणार नाही. पालकमंत्री हा विषय तिन्ही नेत्यांनी समन्वयाने घेतला होता. आज भरत गोगावले या विषयावर बोलत असतील तर ते महायुतीच्या तिन्ही वरिष्ठ नेत्यांचा निर्णयाला चॅलेंज करत आहेत, असं सूरज चव्हाण म्हणाले.
भरतशेठ पालकमंत्री होईपर्यंत तटकरेंना कायम अंगावर घेईन, VIDEO:
संबंधित बातमी:
महत्त्वाच्या बातम्या
