Pahalgam Terror Attack मोठी बातमी : पाकव्याप्त काश्मीरमध्ये हमासची एन्ट्री; धडकी भरवणारा व्हिडीओ, नवं कनेक्शन उघड?
Pahalgam Terror Attack: हमास आणि पाकिस्तान समर्थित संघटनांचा संपर्कात असल्याची माहिती मिळत आहे.
Pahalgam Terror Attack: जम्मू काश्मीरमधील पहलगाम हल्ल्याचा (Pahalgam Terror Attack) तपास करणाऱ्या एनआयएच्या हाती महत्वाचे पुरावे लागले आहेत. दहशतवाद्यांनी त्यांची हत्यारं बेताब खोऱ्यात लपवली होती. तसेच पहलगाम हल्ला लश्कर ए तैयबा, आयएसआय आणि पाकिस्तानचा कट होता असंही तपासात समोर आलं आहे. याचदरम्यान पहलगाम हल्ल्याबाबत धक्कादायक माहिती समोर आली आहे.
हमास आणि पाकिस्तान समर्थित संघटनांचा संपर्कात असल्याची माहिती मिळत आहे. हमासने पाकव्याप्त काश्मीरमध्ये लष्कर-ए-तैयबा आणि जैश-ए-मोहम्मदसह एका रॅलीत भाग घेतला होता. पाकव्याप्त काश्मीरमधील रॅलीत हमास सामील झाला होता. तसेच पहलगाम हल्ल्यतील संशयितही पाकव्याप्त काश्मीरमधील रॅलीत सहभागी होता, अशी माहिती सूत्रांकडून मिळत आहे.
पाकव्याप्त काश्मीरमध्ये हमासची एन्ट्री-
5 फेब्रुवारी 2025 रोजी हमासने पाकव्याप्त काश्मीर (पीओके) मध्ये लष्कर-ए-तैयबा आणि जैश-ए-मोहम्मदसह एका रॅलीत भाग घेतला होता. या रॅलीला 'काश्मीर सॉलिडॅरिटी अँड हमास ऑपरेशन अल-अक्सा फ्लड कॉन्फरन्स' असे नाव देण्यात आले. पहलगाम हल्ल्याच्या नियोजनात सहभागी असलेले दहशतवादी या कार्यक्रमाला उपस्थित होते, अशी माहिती देखील मिळत आहे. या कार्यक्रमात हमासचे प्रतिनिधी डॉ. खालेद अल-कदौमी यांनी शिष्टमंडळाचे नेतृत्व केले. इतर अनेक पॅलेस्टिनी दहशतवाद्यांसह पाकिस्तान समर्थित जिहादी संघटनांनी त्यात भाग घेतला. यावेळी, व्यासपीठावरून भारताविरुद्ध धमक्या देण्यात आल्या.
#WATCH | #HAMAS in #KASHMIR: #Pahalgam terror plotters attended a joint #Hamas-JeM-LeT rally in #Pakistan-occupied #Kashmir on Feb 5, 2025.
— 🎙The Milli Chronicle (@millichronicle) May 1, 2025
Held at Shaheed Sabir Stadium, the event marked Hamas' first formal presence in PoK. Chilling threats were issued: "Blood will be spilled… pic.twitter.com/FImEufzPk2
हमास ही पॅलेस्टिनी इस्लामी दहशतवादी संघटना-
हमास ही पॅलेस्टिनी इस्लामी दहशतवादी संघटना आहे, जी गाझा पट्टीवर पूर्णपणे राज्य करते. हमासने इस्रायलला नेस्तनाबूत करण्याची शपथ घेतलेली आहे. 2007मध्ये गाजामध्ये सत्ता हाती घेतल्यानंतर इस्रायलसोबत हमासने अनेकवेळा युद्ध केले. या युद्धांमध्ये हमासने इस्रायलवर हजारो रॉकेट डागले. इतर घातल हल्लेही केले. त्याला इस्रायलने तोडीस तोड देताना अनेकदा हवाई हल्ले केले. इजिप्तसोबत मिळून इस्रायलने सुरक्षेसाठी 2007मध्ये गाजा पट्टी ब्लॉक केली होती. हमासमध्ये वेगवेगळे विंग तयार झाले आहेत, त्यातील सर्वात धोकादायक मिलिट्री विंग आहे, ज्याला अनेक देशांनी दहशतवादी संघटना म्हणून घोषित केलं आहे. मोहम्मद दीब अल-मसरी यांचंही एक नाव हमासच्या लष्करी कमांडरच्या यादीत टॉपला आहे, ज्याला अबू खालिद या नावानेही ओळखलं जातं. अबू खालिद हा हमासची लष्करी संघटना आयजे अल-दिन अल-कासम ब्रिगेडचा प्रमुख आहे. इस्रायली या खतरनाक कमांडरला मॅन ऑफ डेथ म्हणतात.
हमासने 300 पेक्षा जास्त निष्पाप नागरिक मारले, शेकडोंचं अपहरण-
- पॅलेस्टिनची जिहादी दहशतवादी संघटना
- इस्रायलविरोधात अनेक जिहादी अतिरेकी हल्ले, हिंसाचारात हमासचा समावेश
- गाझापट्टीत इस्रायल विरोधात सतत संघर्ष
- मुस्लिम ब्रदरहुडच्या इस्लामी विचारसरणीवर हमासची स्थापना
- 1987 साली पासून वेगळी चूल
- 2007 पासून गाझापट्टीवर हमासची सत्ता
- हमासमध्ये इराण, सीरिया आणि लेबनॉनमधील शिया इस्लामी गट हिजबुल्ला अतिरेक्यांचा समावेश
- हमासला शियापंथीय इराणचा पाठींबा
- जगभरातील अनेक देशातील मुस्लिमांचं हमासला समर्थन
- इस्रायल, अमेरिका, युरोपियन युनियन, कॅनडा, इजिप्त आणि जपान अशा काही देशांमध्ये हमास दहशतवादी संघटना म्हणून घोषित.
- 7 ऑक्टोबर 2023 ला हमासने इस्रायलवर सर्वात मोठा अतिरेकी हल्ला करत 300 पेक्षा जास्त निष्पाप नागरिक मारले, हजारो जखमी तर शेकडोंचं अपहरण केलं
- यानंतरच इस्रायलने युद्ध घोषित करुन गाझापट्टीचा विध्वंस केला
- पहलगाममधील अतिरेकी हल्ल्यावर हमासने 7 ऑक्टोबरला इस्रायलमध्ये केलेल्या हल्ल्याची छाप
संबंधित बातमी:
महत्त्वाच्या बातम्या
