साराची भक्ती, प्रतिज्ञापत्राची सक्ती; केदारनाथ मंदिर प्रवेशासाठी आता प्रतिज्ञापत्र द्यावं लागणार?
Kedarnath Badrinath Entry Rule : केदारनाथ-बद्रीनाथ धाम उघडण्याआधी मंदिर समितीने एक मोठा निर्णय घेतला असून गैर सनातनींना प्रवेश करण्यासाठी अट घालण्यात आली आहे.
मुंबई : येत्या एप्रिल महिन्यात उत्तराखंडमधील प्रसिद्ध केदारनाथ आणि बद्रीनाथ धामचे दरवाजे खुले होणार आहेत. मात्र त्याआधी बद्री-केदार मंदिर समितीच्या एका निर्णयाची देशभरात चर्चा सुरू झाली आहे. या चर्चेच्या केंद्रस्थानी राहिलं एक नाव म्हणजे सारा अली खान... काय आहे हे नेमकं प्रकरण?
दरवर्षी लाखो भाविक ‘बद्रीकेदार’च्या दर्शनासाठी येतात. मात्र यंदा गैर सनातनींना प्रवेश देऊ नये, अशी मागणी समोर आल्यानंतर समितीने यावर गंभीर भूमिका घेतली आहे. मात्र त्याचा फटका बसलाय तो अभिनेत्री सारा अली खानला (Sara Ali Khan).
Kedarnath Temple Entry Rule : गैर सनातनींसाठी नवा नियम
काही जणांच्या मागणीच्या पार्श्वभूमीवर बद्रीनाथ-केदारनाथ मंदिर समितीने एक समिती स्थापन केली. या समितीने ज्यांची सनातन धर्मावर श्रद्धा नाही, अशा व्यक्तींना प्रवेश नाकारला जाईल, असा निर्णय घेतल्याचे समोर आले आहे.
Sara Ali Khan : अभिनेत्रीमुळे वाढली चर्चा
दरम्यान, या निर्णयानंतर चर्चेच्या केंद्रस्थानी सारा अली खान हे नाव आले. एका प्रश्नाला उत्तर देताना समितीच्या अध्यक्षांनी स्पष्ट केलं की, “केदारनाथमध्ये प्रवेशासाठी सारा अली खानला प्रतिज्ञापत्र देऊन सनातन धर्मावर श्रद्धा असल्याचे सांगावे लागेल.”
मंदिर समितीच्या अध्यक्षांनी केलेल्या या वक्तव्यामुळे देशभरात चर्चेला उधाण आलं आहे.
Sara Ali Khan Kedarnath Connection : ‘केदारनाथ’ सिनेमातून बॉलिवूड एन्ट्री
सारा अली खानचा केदारनाथशी खास संबंध आहे. तिने केदारनाथ (Kedarnath) या चित्रपटातून बॉलिवूडमध्ये पदार्पण केलं होतं. त्यानंतर ती अनेकदा केदारनाथ धामाला भेट देत असून, तिने स्वतः या ठिकाणाशी असलेले आध्यात्मिक नातंही व्यक्त केलं आहे. 'केदारनाथला जाणं हा दिखावा नाही, मला इथे मानसिक शांतता आणि आनंद मिळतो' असं सारा अली खानने स्पष्ट केलं.
Sara Ali Khan Religious Visits : इतर तीर्थक्षेत्रांनाही भेट
सारा अली खानने केवळ केदारनाथच नाही, तर अमरनाथ मंदिर यात्राही केली आहे. तसंच महाकालेश्वर मंदिर येथे भस्मारतीतही ती सहभागी झाली होती.
Sara Ali Khan Kedarnath Entry : प्रवेश मिळणार की अट पूर्ण करावी लागणार?
मंदिर समितीच्या नव्या निर्णयामुळे आता प्रश्न उपस्थित झाला आहे की, सारा अली खानसारख्या व्यक्तींना थेट प्रवेश मिळणार की त्यांना ‘श्रद्धेचं प्रतिज्ञापत्र’ द्यावं लागणार? केदारनाथ मंदिर समितीच्या या निर्णयामुळे धार्मिक स्थळांवरील प्रवेश नियमांबाबत नवीन वादाला तोंड फुटण्याची शक्यता व्यक्त केली जात आहे.
ही बातमी वाचा:
महत्त्वाच्या बातम्या
