मोदी सरकार विद्यार्थ्यांसाठीही शाप, NEET पेपर फुटीमुळे 23 लाख विद्यार्थ्यांच्या स्वप्नांचा चुराडा; वर्षा गायकवाडांचा आरोप
Varsha Gaikwad : काँग्रेस सत्तेत आल्यानंतर पेपर फुटीविरोधात कठोर कायदा करणार असल्याचं मुंबई उत्तर मध्यच्या उमेदवार प्रा. वर्षा गायकवाड यांनी आश्वासन दिलं.
मुंबई: मोदी सरकारने तरुणांना दरवर्षी 2 कोटी नोकऱ्या देण्याचे आश्वासन देऊन फसवले, नोकर भरती केली नाहीm परीक्षा देऊन भविष्य उज्वल करु पाहणाऱ्या लाखो मुलांच्या स्वप्नावरही सातत्याने पाणी फेरण्यात आले. आता NEET परीक्षेचा पेपर फुटल्याने 23 लाखांहून अधिक विद्यार्थी आणि त्यांच्या कुटुंबrयांच्या स्वप्नांचा चुराडा आणि विश्वासघात केला असा आरोप मुंबई काँग्रेसच्या प्रदेशाध्यक्षा आणि मुंबई उत्तर मध्यच्या उमेदवार प्रा. वर्षा गायकवाड (Varsha Gaikwad) यांनी केला.
मोदी सरकार विद्यार्थांसाठीही शाप ठरले आहे असा घणाघाती हल्ला करत काँग्रेस पक्ष सत्तेत आल्यास पेपरफुटी विरोधात कठोर कायदा करण्याची काँग्रेसची गॅरंटी आहे असा विश्वास मुंबई प्रा. वर्षा गायकवाड यांनी व्यक्त केला.
प्रा. वर्षा गायकवाड म्हणाल्या की, मोदी सरकारने 10 वर्षांत विद्यार्थ्यांसाठी काहीही केलेले नाही. मोदी सरकारच्या नाकर्तेपणाची किंमत आजचा तरुण वर्ग चुकवत आहे. शिक्षण क्षेत्रालाही धार्मिक रंग देण्याच्या नादात भाजपा सरकारने विद्यार्थ्यांच्या भविष्याचा खेळखंडोबा केला आहे. उत्तर प्रदेशात पोलीस भरतीचा पेपर फुटला, विद्यार्थ्यांनी तीव्र आंदोलन केले, या आंदोलनाला राहुल गांधी यांनी पाठिंबा दिला शेवटी जनतेचा रोष लक्षात घेऊन योगी सरकारला नमते घ्यावे लागले. महाराष्ट्रातही तलाठी भरतीचा पेपर फुटला असताना गृहमंत्री फडणवीसांनी मात्र तपास करण्याऐवजी पुरावे मागण्याचा निर्लज्जपणा केला. भाजपा सरकारमुळे तरुण पिढीचे अतोनात नुकसान झाले आहे. पेपरफुटी विरोधात कठोर कायदा बनवून करोडो प्रामाणिक तरुणांचे भविष्य वाचवण्यास काँग्रेस कटिबद्ध आहे.
मंगळवारी सकाळी महाविकास आघाडीचे उत्तर मुंबई लोकसभा मतदार संघाचे उमेदवार भूषण पाटील यांच्या मध्यवर्ती निवडणूक कार्यालयाचे उद्घाटन प्रभारी रमेश चेन्नीथला यांच्या हस्ते करण्यात आले. दुपारी वाकोला, सांताक्रुज पूर्व येथील व्यापारी व स्थानिक रहिवाशी यांच्याशी संवाद साधला. कलिना विधानसभा मतदारसंघात रामदास चौक ते मॅच फॅक्टरी तसेच कुर्ला विधानसभा मतदारसंघातील पंचशील नगर ते पंढरीनाथ सेवा मंडल अशी जनसंवाद यात्रा काढण्यात आली. या जनसंवाद यात्रेला जनतेचा उत्स्फूर्त प्रतिसाद मिळाला.
उत्तर मध्य मुंबईतून काँग्रेसच्या माजी मंत्री आणि काँग्रेस नेत्या वर्षा गायकवाड आणि भाजपच्या उज्ज्वल निकम यांच्यात लढत होणार आहे. तर एमआयएमकडूनही शेवटच्या दिवशी अर्ज दाखल करण्यात आला आहे
ही बातमी वाचा:
महत्त्वाच्या बातम्या
