एसटी संपामुळं चिंतेत असणाऱ्या वारकऱ्यांना रेल्वेकडून दिलासा, कार्तिकी यात्रेसाठी विशेष गाड्या
पंढरपूर येथे कार्तिकी एकादशीनिमित्त होणाऱ्या जत्रेत प्रवाशांची अतिरिक्त गर्दी लक्षात घेऊन मध्य रेल्वे लातूर - पंढरपूर, पंढरपूर - मिरज आणि लातूर - मिरज दरम्यान अनारक्षित विशेष गाड्या चालविणार आहे.
Karthiki Yatra : एसटीच्या संपामुळे कार्तिकी यात्रेची वाट खडतर होत असताना रेल्वे विभाग वारकऱ्यांच्या मदतीला धावला आहे. पंढरपूर येथे कार्तिकी एकादशीनिमित्त होणाऱ्या जत्रेत प्रवाशांची अतिरिक्त गर्दी लक्षात घेऊन मध्य रेल्वे लातूर - पंढरपूर, पंढरपूर - मिरज आणि लातूर - मिरज दरम्यान अनारक्षित विशेष गाड्या चालविणार आहे. तपशील खालीलप्रमाणे-
१. लातूर - पंढरपूर विशेष (८ फेऱ्या)
ट्रेन क्र. 01281 अनारक्षित विशेष ट्रेन दि. 12.11.2021, 15.11. 2021, 16. 11. 2021 आणि 17.11. 2021 रोजी लातूर येथून 07.45 वाजता सुटेल आणि त्याच दिवशी 11.30 वाजता पंढरपूर येथे पोहोचेल.
गाडी क्रमांक 01282 अनारक्षित विशेष दि. 12.11.2021, 15.11. 2021, 16. 11. 2021 आणि 17.11. 2021 रोजी 14.00 वाजता पंढरपूर येथून सुटेल आणि त्याच दिवशी 17.30 वाजता लातूर येथे पोहोचेल.
थांबे: हरंगुळ, औसा, ढोकी, येडशी, उस्मानाबाद, बार्शी टाउन, कुर्डुवाडी आणि मोडलिंब.
संरचना: ६ शयनयान आणि ६ द्वितीय आसन श्रेणी.
२. पंढरपूर - मिरज विशेष (६ फेऱ्या)
ट्रेन क्रमांक 01283 अनारक्षित विशेष पंढरपूर आसन दि. 13.11. 2021, 15. 11. 2021 आणि 16. 11. 2021 रोजी १०.१० वाजता पंढरपूर येथून सुटेल आणि मिरज येथे त्याच दिवशी 13.10 वाजता पोहोचेल.
ट्रेन क्रमांक 01284 अनारक्षित विशेष दि. 13.11.2021, 15.11. 2021 आणि 16. 11. 2021 रोजी 13.35 वाजता मिरज येथून सुटेल आणि पंढरपूर येथे त्याच दिवशी 15.45 वाजता पोहोचेल.
थांबे: सांगोला, जत रोड, ढालगाव, कवठे महांकाळ, सलगरे आणि अरग.
संरचना: ६ शयनयान आणि ६ द्वितीय आसन श्रेणी.
३. लातूर - मिरज विशेष दैनिक (१२ फेऱ्या)
ट्रेन क्र. 01285 अनारक्षित विशेष दि. 12.11.2021 ते 17.11. 2021 पर्यंत दररोज 09.35 वाजता लातूर येथून सुटेल आणि मिरज येथे त्याच दिवशी 17.00 वाजता पोहोचेल.
ट्रेन क्रमांक 01286 अनारक्षित विशेष दि. 12.11.2021 ते 17.11. 2021 पर्यंत दररोज 20.30 वाजता मिरज येथून सुटेल आणि लातूर येथे दुसऱ्या दिवशी 03.30 वाजता पोहोचेल.
थांबे: हरंगुळ, औसा, ढोकी, येडशी, उस्मानाबाद, बार्शी टाउन, कुर्डुवाडी, मोडलिंब, पंढरपूर, सांगोला, जत रोड, ढालगाव, कवठे महांकाळ, सलगरे आणि अरग.
संरचना: १४ द्वितीय आसन श्रेणी.
प्रवाशांना विनंती करण्यात येत आहे की, त्यांनी बोर्डिंग, प्रवास आणि गंतव्यस्थानी कोविड-१९ शी संबंधित सर्व नियमांचे, एसओपी चे पालन करावे.
महत्त्वाच्या बातम्या
