Solapur Accident : ...अन् वाटेतच मृत्यूनं गाठलं; पंढरपूरला निघालेल्या वारकऱ्यांवर सोलापुरात काळाचा घाला, चौघांचा दुर्दैवी मृत्यू
Solapur Accident News Update : पंढरपूरला निघालेल्या वारकऱ्यांवर सोलापुरात काळाचा घाला, अपघातात 4 जणांचा दुर्दैवी मृत्यू, तर 6 जण गंभीर जखमी
Solapur Accident News Update : सोलापुरात वारकऱ्यांच्या ट्रॅक्टरचा भीषण अपघात झाला. या अपघातात चौघांचा मृत्यू झाला आहे. तर 6 जण गंभीर जखमी झाले आहेत. मृतांमध्ये 3 पुरुष आणि एका महिलेचा समावेश आहे. सर्व प्रवासी तुळजापूर तालुक्यातील कदमवाडी गावातील रहिवाशी असून एकादशीनिमित्त पंढरपूरला दर्शनासाठी निघाले होते. त्यावेळी ही घटना घडली. सोलापूर-पुणे राष्ट्रीय महामार्गावरील कोंडी गावजवळ हा अपघात झाला.
सोलापूरमध्ये वारकऱ्यांच्या दिंडीच्या ट्रॅक्टरचा भीषण अपघात झाला. मालट्रकने वारकऱ्यांच्या ट्रॅक्टरला मागून धडक दिल्यामुळे हा अपघात झाल्याची प्राथमिक माहिती मिळत आहे. या अपघातात 6 जण जखमी झाले असून चार जणांचा मृत्यू झाल्याची प्राथमिक माहिती मिळत आहेत. ट्रॅक्टरमध्ये एकूण 22 प्रवासी होते. अपघातातील सर्व वारकरी तुळजापूर तालुक्यातील कदमवाडी गावचे रहिवाशी आहेत. सोलापूर-पुणे राष्ट्रीय महामार्गावरील कोंडी जवळ हा अपघात झाला आहे.
सोलापुरात झालेल्या अपघातातील मृतांची नावं :
- तुकाराम सुदाम शिंदे (वय 13)
- ज्ञानेश्वर दत्तात्रय साळुंखे (वय 14 )
- भागाबाई जरासंद मिसाळ (वय 60)
- जरासंद माधव मिसाळ (वय 70)
अपघात इतका भीषण होता की, या अपघातात चार जण दगावले आहेत. दरम्यान अपघाताला कारणीभूत असलेल्या व्यक्ती विरोधात सदोष मनुष्यवधाचा गुन्हा दाखल करण्यात यावा अशी मागणी अखिल भारतीय वारकरी मंडळाचे अध्यक्ष सुधाकर महाराज इंगळे यांनी केली आहे.
अपघाताची माहिती मिळताच स्थानिक नागरिकांनी घटनास्थळी धाव घेत अपघातग्रस्तांना मदत केली. अपघात स्थळावरुन जखमींना तात्काळ सोलापूर येथील शासकीय रुग्णालयात हलविण्यात आलं आहे. तसेच, सध्या जखमींवर उपचार सुरु आहेत. अपघातामुळे महामार्गावर वाहतूक कोंडी झाली होती. त्यानंतर अपघातातील दोन्ही वाहानं रस्त्यावरुन बाजूला काढून वाहतूक सुरळीत करण्यात आली आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
