मोठी बातमी! अंजली दमानिया यांची मोठी घोषणा, परिवर्तनासाठी महाराष्ट्रात काढणार नवीन राजकीय पक्ष

Anjali Damania : सामाजिक कार्यकर्त्या अंजली दमानिया (Anjali Damania) यांनी एक मोठी घोषणा केलीय. अंजली दमानिया यांनी नवीन राजकीय पक्ष (New Political Party) स्थापन करण्याची घोषणा केली आहे.

Social activist Anjali Damania

Source : Social activist Anjali Damania

Anjali Damania : सामाजिक कार्यकर्त्या अंजली दमानिया (Anjali Damania) यांनी एक मोठी घोषणा केली आहे. अंजली दमानिया यांनी नवीन राजकीय पक्ष (New Political Party) स्थापन करण्याची घोषणा केली आहे. परिवर्तन करण्यासाठी हा निर्णय घेतल्याची माहिती त्यांनी दिली आहे. तत्व सिद्धांत यावर काम करणारे लोक या पक्षात असतील. इथून तिथून उड्या मारणारे लोक यात नसतील असे दमानिया म्हणाल्या. 

पक्ष नव्हे ही क्रांती असणार

दरम्यान, अंजली दमानिया यांनी दिलेल्या माहितीनुसार, ग्रामपंचायत ते स्थानिक स्वराज्य संस्था या निवडणुकीपासून आम्ही निवडणुका लढवणार आहोत. हा पक्ष नव्हे ही क्रांती असणार आहे. हा सामन्यांचा पक्ष असणार आहे, असंही दमानिया म्हणाल्या. दरम्यान, अंजली दमानिया यांच्या पक्ष काढण्याच्या निर्ँणयानं महाराष्ट्रात आणखी एका नवीन राजकीय पार्टीचा उदय झाला आहे. दरम्यान, अंजली दमानिया यांच्या नवीन पक्षाचे नेमकं नाव काय असणार? याबाबतची माहिती अद्याप मिळालेली नाही. 

महाराष्ट्रच राजकारण एक गटारगंगा

महाराष्ट्रच राजकारण एक गटार गंगा झाली आहे. निवडणुकीत मोठ्या पक्षाचा जनरल सेक्रटरी पैसे पाठताना पकडले गेल्याचे अंजली दमानिया म्हणाल्या. हे चौथी पास असणारे नेते देशाला कोणती दिशा देणार अशी टीका देखील अंजली दमानिया यांनी केली. ज्या लोकांना देशासाठी तळमळ आहे, त्यांना घेऊन सामान्य माणसासाठी हा पक्ष काढला जाईल. जनतेची क्रांती काय असते, आमचा पक्ष आल्यावर हे इतर पक्ष हादरतील असेही दमानिया म्हणाल्या. 

अजित पवार आणि छगन भुजबळ हे फक्त आणि फक्त पैशांच्या बळावर निवडून आले

अजित पवार आणि छगन भुजबळ हे फक्त आणि फक्त पैशांच्या बळावर निवडून आले आहेत. राजकारण हे घाण आहे पण ते करावं लागणार असल्याचे दमानिया म्हणाल्या. लाडकी बहीण योजना बहिणींना सक्षम बनवण्यासाठी वापरली असती तर बरे झाले असते. ही लाच दिली गेली आहे. महाराष्ट्राच्या जनतेला भिकारी बनवू नका. हे कराचे पैसे आहेत असे दमानिया म्हणाल्या. 

कोण आहेत अंजली दमानिया?

अंजली दमानिया या एक सामाजिक कार्यकर्त्या आहेत. त्यांनी 2012 मध्ये आरटीआय कायद्याद्वारे (RTI Act) कोंढाणे धरण प्रकल्पातील भ्रष्टाचार प्रकरण उघडकीस आणले होते. त्यावेळी त्या आम आदमी पक्षाच्या सदस्या आणि प्रवक्त्या होत्या. याच काळात त्यांनी भारतीय जनता पार्टीचे माजी अध्यक्ष नितीन गडकरी आणि राष्ट्रवादी कॉंग्रेस पक्षाचे अध्यक्ष शरद पवार (Sharad Pawar) या दोन दिग्गज नेत्यांमध्ये व्यावसायिक संबंध असल्याचे आरोप केले होते. त्यानंतर त्यांनी 2014 मध्ये भाजपाचा बालेकिल्ला असलेल्या नागपुरामधून लोकसभा निवडणूक लढवली होती. यात त्यांचा मोठा पराभव देखील झाला होता. 2015 मध्ये त्यांनी आम आदमी पार्टीचे सर्वेसर्वा आणि दिल्लीचे मुख्यमंत्री अरविंद केजरीवाल यांच्यावर देखील भष्ट्राचाराचे आरोप केले होते. यामुळे त्यांनी आप पक्ष सोडला. पुढे त्यांनी छगन भुजबळ आणि एकनाथ खडसे (Eknath Khadse )यांच्या विरोधात अनेक जनहित याचिका दाखल केल्या होत्या. 2016 मध्ये त्यांनी खडसेंच्या राजीनाम्याची मागणी करत अनिश्चित काळासाठी उपोषणही केले होते. या प्रकरणामुळे एकनाथ खडसेंना नाईलाजाने राजीनाामा द्यावा लागला होता.

महत्वाच्या बातम्या: