मोठी बातमी! धनराज शिंदे विधानसभेच्या आखाड्यात? रमेश शिंदेंनी घेतली शरद पवारांची भेट, माढ्यात शिंदे कुटुंबात राजकीय संघर्ष  

जित पवार गटाचे माढ्याचे आमदार बबनदादा शिंदेचे (MLA Babandada Shinde) बंधु रमेश शिंदे (Ramesh Shinde) यांनी मुलगा धनराज शिंदे (Dhanraj Shinde) समवेत शरद पवार यांची भेट घेतली आहे.

Ramesh Shinde met Sharad Pawar in mumbai

Source : Ramesh Shinde met Sharad Pawar in mumbai

Madha Vidhansabha Election : विधानसभा निवडणुकीच्या (Vidhansabha Election) पार्श्वभूमीवर माढा विधानसभेतील (Madha Vidhansabha) राजकीय वातावरण चांगलच तापत असल्याचं पाहायला मिळत आहे. अजित पवार गटाचे माढ्याचे आमदार बबनदादा शिंदेचे (MLA Babandada Shinde) बंधु रमेश शिंदे (Ramesh Shinde) यांनी मुलगा धनराज शिंदे (Dhanraj Shinde) समवेत शरद पवार यांची भेट घेतली आहे. मुंब॔ईत ही भेट  घेतली आहे. भेटीत तब्बल एक तास चर्चा झाली आहे. 

आमदार बबनदादा शिंदे यांच्या घरात राजकीय संघर्ष निर्माण होण्याची शक्यता

दरम्यान, आमदार बबनराव शिंदे यांचे बंधू रमेश शिंदे यांचे पुत्र धनराज शिंदे माढा विधानसभा निवडणूक लढवण्यासाठी इच्छुक आहे. त्याच पार्श्वभूमीवर ही भेट घेतल्याचे बोलले जात आहे.  या भेटीनं आमदार बबनदादा शिंदे यांच्या घरात राजकीय संघर्ष निर्माण होण्याची शक्यता वर्तवली जात आहे. रमेश शिंदे हे आपला मुलगा धनराज शिंदेसाठी विधानसभेचे तिकीट मिळवण्यासाठी प्रयत्न करत आहेत. 

आमदार बबनराव शिंदेचे पुत्र रणजितसिंह शिंदे विधानसभा निवडणूक लढवणार

आमदार बबनराव शिंदे हे गेल्या 35 वर्षापासून सलग माढ्या तालुक्याचे आमदार आहेत. साखर कारखाना, बँका, कृषी उत्पन्न बाजार समिती, जिल्हा दूध संघ हे बबनदादा शिंदे यांच्या ताब्यात आहेत. त्यांचे पुत्र रणजितसिंह शिंदे हे सध्या सोलापूर दूध संघाचे अध्यक्ष आहेत. रणजितसिंह शिंदे हे यंदा विधानसभा निवडणुक लढवणार आहेत. त्यांच्याच विरोधात आमदार शिंदेंचे बंधु रमेश  शिदे यांचा मुलगा धनराज शिंदे माढा विधानसभा निवडणुकीच्या आखाड्यात उतरणार आहे. धनराज शिंदे हे तुतारीकडून निवडणूक लढवण्यासाठी इच्छुक आहेत.  

विधानसभा निवडणुकीच्या पार्श्वभूमीवर राजकीय घडामोडींना वेग

विधानसभा निवडणुकीच्या पार्श्वभूमीवर राजकीय घडामोडींना वेग आला आहे. माढ्यातून विधानसभेची निवडणूक लढवण्यासाठी अनेकजण इच्छुक आहेत. शरद पवार गटाकडून धनराज शिंदे, संजय पाटील घाटणेकर, संजय कोकाटे, शिवाजी कांबळे हे इच्छुक आहेत. तसेच अभिजित पाटील यांच्यासह मिनल साठे यांच्या नावाची देखील चर्चा सुरु आहे. दरम्यान, शरद पवार हे नेमकं कोणाला तिटीट देणार हे पाहणं देखील महत्वाचं ठरणार आहे. कारण मागच्या आठवड्यापूर्वीच आमदार बबनदादा शिंदे यांनी पुत्र रणजितसिंह शिंदे यांच्यासह शरद पवार यांची पुण्यात भेट घेतली होती. आता लगेच त्यांचे बंधू रमेश शिंदे यांनी देखील पुत्र धनराज शिंदे यांच्यासह शरद पवार यांची भेट घेतली आहे. त्यामुळं राजकीय वातावरण चांगलच तापल्याचं पाहायला मिळत आहे. 

महत्वाच्या बातम्या: