Janmashtami Dahi Handi 2023 : राज्यभरात दहीहंडीचा उत्साह; मुंबई, ठाण्यात थरांचा थरार
Janmashtami 2023 : आज श्रीकृष्ण जन्माष्टमी... या निमित्ताने देशभरातील मंदिरांमध्ये काल मध्यरात्रीपासून उत्सवाला सुरुवात झाली आहे. मुंबईतील अनेक भागात दहीहंडी फोडण्याचा कार्यक्रम पार पडला.
LIVE
Background
Janmashtami 2023 : आज श्रीकृष्ण जन्माष्टमी... या निमित्ताने देशभरातील मंदिरांमध्ये काल मध्यरात्रीपासून उत्सवाला सुरुवात झाली आहे. या निमित्ताने देशातील श्रीकृष्णाच्या लाखो मंदिरांमध्ये भाविकांनी दर्शनासाठी गर्दी केली आहे. रांचीमध्ये जन्मोत्सवाचा उत्सवानंतर मध्यरात्री दहीहंडी फोडण्यात आली. मथुरेतही कृष्णजन्माष्टमीचा जोरदार जल्लोष करण्यात आला. ठिकठिकाणी श्रीकृष्णाच्या मंदिरांना आकर्षक रोषणाई करण्यात आली आहे. तर मुंबईसह देशभरातील इस्कॉन मंदिरांमध्ये भक्तीचा सागर दिसून येत आहे. आज कृष्णजन्माष्टमीच्या निमित्ताने देशभर उत्साह आहे.
श्रीकृष्ण जन्माष्टमीच्या निमित्ताने मुंबईमध्ये सर्वत्र उत्साहाचे वातावरण पाहायला मिळाले. रात्री बारा वाजता मुंबईतील अनेक भागात मोठ्या उत्साहात दहीहंडी फोडण्याचा कार्यक्रम पार पडला. यावेळी तरुणांनी अनेक थर रचत दहीहंडी फोडली आणि आनंद घेतला. मुंबईतील दादर, नायगाव, वरळी, लोअर परळ आणि मुंबईतील सर्वच परिसरात मोठ्या उत्साहाने दहीहंडी फोडून कृष्ण जन्माष्टमी साजरी केली. आजही मुंबई ठाण्यासह ठिकठिकाणी थरांचा थरार पाहायला मिळेल.
देशभरात श्रीकृष्ण जन्माष्टमीचा (Janmashtami 2023) उत्सव मोठ्या प्रमाणात सुरु आहे. दरम्यान, मध्यरात्री 12 च्या सुमारास श्रीकृष्णाचा जन्म झाला आणि हाच उत्साह आपल्याला सगळीकडे पाहायला मिळतोय. भाद्रपद महिन्यातील कृष्ण पक्षातील अष्टमीला हा उत्सव साजरा केला जातो. या दिवशी भगवान श्रीकृष्णाचा (Shri Krishna) जन्म मथुरा नगरीत देवकीच्या आठव्या अपत्याच्या रुपात कंसाच्या कैदेत झाला. जन्माष्टमीच्या दिवशी घरोघरी श्रीकृष्णाच्या बालस्वरुपाची पूजा केली जाते. भाविक भजन आणि कीर्तन गात या दिवशी उपवास करतात, तसेच भव्य सजावटही करतात.
श्रीकृष्ण जयंतीच्या निमित्ताने घरोघरी बाल गोपाळांचा जन्म झाला आहे. सर्वत्र अभिनंदनाचा वर्षाव होत आहे. हाती घोडा पालखी जय कन्हैया लाल कीच्या जयघोषाने संपूर्ण मंदिर परिसर भक्तिमय झाले आहे. श्रीकृष्णाचा भक्त बालगोपाळांच्या पूजेत तल्लीन असतो. भगवान श्रीकृष्णाचा जन्म होताच घराघरात अभिनंदनाचा वर्षाव सुरु झाला. असं मानलं जातं की ज्या पद्धतीने तुम्ही घरातील लहान मुलाला झोपण्यासाठी अंगाई गाता. त्याचप्रमाणे बाळ कृष्ण गोपाळांनाही एक अंगाई गा. कारण आई यशोदा सुद्धा कान्हाची झोप उडवण्यासाठी लोरी गात असे. लोरीमध्ये तुम्ही भक्तीगीते किंवा फक्त कान्हाची लोरी गाऊ शकता.
विठ्ठल मंदिरात जन्माष्टमीचा उत्सव साजरा
विठ्ठल मंदिरात रात्री 12 वाजता कृष्ण जन्मोत्सव साजरा झाला. यावेळी शेकडो विठ्ठल भक्ताने या सोहळ्यासाठी हजेरी लावली होती. यापूर्वी विठुरायाला अनोख्या रुपात सजविण्यात आले होते. डोक्यावर पगडी, अंगावर अंगी, धोतर आणि त्यावर मोठी कुंची घालण्यात आली होती. गुरख्याचे रूप दिलेल्या विठुरायाच्या हातात चांदीची काठी देऊन देवाच्या मागे मोरपिसे लावण्यात आली होती. विठुराया हा विष्णूचा अवतार असल्याने विठ्ठल मंदिरात जन्माष्टमीचा उत्सव मोठ्या उत्साहात साजरा होत असतो . विठ्ठल सभामंडपात जन्माष्टमीचे कीर्तन सुरू असताना रात्री 12 वाजता पाळण्यात कृष्ण जन्माचा उत्सव करण्यात आला. यावेळी भाविकांनी देवाच्या पायावर गुलाल, अष्टगंध वहात दर्शन घेतले.
शिर्डीच्या साई मंदिरात कृष्णजन्माष्टमीचा उत्साह
देशभरात आज श्रीकृष्ण जन्माष्टमीचा उत्सव भक्तीभावात साजरा केला जात आहे. शिर्डीच्या साईबाबा मंदिरातही हा उत्सव श्रद्धने आणि उत्साहात साजरा करण्यात येत आहे. रात्री बारा वाजता चांदीच्या पाळण्यात बाल कृष्णाची मूर्ती ठेवून कीर्तन झाल्यानंतर कृष्णजन्माचे स्वागत करण्यात आले. आज दिवसभर साई समाधी शेजारी गोपाल कृष्णाचा फोटो ठेवून त्याची पूजा केली जाईल. साईबाबांना श्रीकृष्णाचा अवतार मानणारे हजारो भाविक आज साई समाधीचे दर्शन घेतील.
महत्त्वाच्या बातम्या :
मुंबईत 107 गोविंदा जखमी; 14 जण गंभीर, रुग्णालयात उपचार सुरू, आकडा वाढण्याची शक्यता
मुंबईत गोविंदा साजरा करताना थर कोसळून झालेल्या अपघातात 107 गोविंदा जखमी झाले आहेत. रात्री 9 वाजेपर्यंतची आकडेवारी मुंबई महापालिकेने दिली. अधिक बातमी वाचण्यासाठी क्लिक करा...
ठाण्यात दहीहंडी उत्सवात 17 गोविंदा जखमी; कोणीही गंभीर जखमी नाही
ठाण्यात दहीहंडी उत्सवात 17 गोविंदा जखमी...
जखमींवर कळवा रुग्णालय व सिव्हील रुग्णालयात उपचार सुरू...
गोविंदांच्या पायाला, हाताला तर कमरेला काही प्रमाणात दुखापत झाली आहे...
कोणताही गोविंदा गंभीर जखमी नाही...
Palghar-Chinchani Dahi Handi 2023 : चींचणीची आगळी वेगळी दहीहंडी... दहीहंड्या फोडण्यासाठी कसरत
चींचणी : पालघर जिल्ह्यात यंदा दहीहंडीचा उत्साह पाहायला मिळत असून यावर्षी पालघरमध्ये दहीहंडी उत्साहात साजरी करण्यात येत आहे. पालघर जिल्ह्यातील चिंचणी येथील कोळी वाड्यातील दहीहंडी पारंपारिक पद्धतीने साजरी करण्यात येत असून या भागात पारंपरिक पद्धतीने लाकडी खांबावर वर्तुळाकार आकारात 101 दहीहंडी बांधण्यात येतात. हंडी बांधल्यानंतर खांबाला वंगण म्हणजेच ग्रीस लावण्यात येते. स्थानिक कोळीबांधव गोविंदा ह्या लाकडी खांबाभोवती वर्तुळाकार पद्धतीने एकत्र येत एकमेकांच्या खांद्यावर चढत हंडी फोडण्याचा प्रयत्न करतात. अखेर 2 ते 3 तासांच्या प्रयत्नानंतर गोविंदांना हंडी फोडण्यात यश येते.
Dahi Handi 2023 : मीरा-भाईंदर येथील दहीहंडी उत्सवात अभिनेत्री अमिषा पटेलची हजेरी
भाईंदर : मीरा-भाईंदर येथील भारतीय जनता पक्षाचे माजी जिल्हाध्यक्ष अॅड. रवी व्यास यांच्या दहीहंडी उत्सवात गदर 2 ची अभिनेत्री अमिषा पटेल हिने हजेरी लावली.
Dahi Handi Ratnagiri : साखळी दहीहंडीची परंपरा, गावात घरोघरी जाऊन दहीहंडी फोडण्याची पद्धत
रत्नागिरी : गुहागरमधील जानवळे येथे गेली अनेक वर्षांपासून साखळी दहीहंडीची परंपरा आहे. मानवी साखळी करत संपूर्ण गावातल्या घरोघरी जाऊन दहीहंडी फोडण्याची मागील अनेक वर्षांची परंपरा आजही कायम आहे. यावर्षी देखील पारंपरिक पद्धतीने गोविंदा उत्सव मोठ्या थाटात संपन्न झाला. गुहागर मधील हा गोविंदा उत्सव पाहण्यासाठी अनेक भागातून मोठी गर्दी गेली जाते.
महत्त्वाच्या बातम्या
ट्रेंडिंग न्यूज
