शरद पवारांचा पठ्ठ्या सरसावला, हातात बंदूक घेऊन सीमेवर जाण्यास तयार, तरुणांची मोठी फौज संघटीत
भारत पाकिस्तान युद्धजन्य (India Pakistan War) परिस्थितीमध्ये भारतीय सेनेला बॅकअप फोर्स पुरवण्यासाठी शरद पवारांचा चेला सज्ज झाला आहे. तरुणांची मोठी फौज संघटीत करण्यास सुरुवात केली आहे.
India Pakistan War : भारत पाकिस्तान युद्धजन्य (India Pakistan War) परिस्थितीमध्ये भारतीय सेनेला बॅकअप फोर्स पुरवण्यासाठी शरद पवारांचा चेला सज्ज झाला आहे. तरुणांची मोठी फौज संघटीत करण्यास सुरुवात केली आहे. माढा विधानसभा मतदारसंघाचे शरद पवार गटाचे तरुण आमदार अभिजीत पाटील (Abhijeet Patil) यांनी सध्या भारत पाकिस्तान युद्धाच्या पार्श्वभूमीवर सोलापूर जिल्ह्यातून तरुणांची फौज बनवण्याचे काम हाती घेतले आहे. हे छत्रपतींचे मावळे भारतीय सैन्य दलाला सर्व प्रकारची बॅकअप रसद पुरवतील असे पाटील यांनी सांगितले.
सैन्य दलाला लागणारी कोणत्याही प्रकारची मदत आम्ही तरुण पुरवणार
सैन्य दलाला लागणारे अन्नधान्य रक्त किंवा कोणत्याही प्रकारची मदत आम्ही तरुण पुरवणार असून सरकारने आमच्या हातात हत्यार दिल्यास सीमेवर जाऊन लढण्याची आमची तयारी असल्याचे आमदार अभिजीत पाटील यांनी सांगितले. आम्ही छत्रपतींचे मावळे असून आज देशाला आणि सैन्याला तरुणाची गरज असताना आम्ही त्यासाठी सज्ज आहोत असेही त्यांनी सांगितले. यासाठी अनेक तरुण आमच्यासोबत एकत्र येत असल्याचे आमदार पाटील यांनी सांगितले. ज्या पद्धतीने वारंवार पाकिस्तानकडून आपल्या बांधवांवर दहशतवादी हल्ले होतात याचा कायमचा बिमोड करायची वेळ आता आली आहे. यासाठी सर्व तरुणाई उत्सुक असल्याचे आमदार पाटील यांनी सांगितले.
राज्यभरातील हजारो लाखो तरुण देशासाठी लढायला तयार
सध्या सोलापूर जिल्ह्यातील तरुणांना एकत्रित करण्यास सुरुवात केली असून या मोहिमेत राज्यभरातील हजारो लाखो तरुण देशासाठी लढायला पुढे येतील असा विश्वास अभिजीत पाटील यांनी व्यक्त केला. आम्ही यासाठी शासनाला साकडे घालणार असून महाराष्ट्रातल्या तरुणाईला देशाची सेवा करण्याची संधी मिळावी यासाठी प्रयत्नशील असल्याचेही आमदार पाटील यांनी सांगितले.
भारताने जर पाकिस्तानविरुद्ध पूर्ण क्षमतेनं युद्ध सुरु केले तर शेजारी देशाला शरणागती पत्करण्याशिवाय पर्याय राहणार नाही. अशा परिस्थितीत, भारतीय सैन्याची रणनीती सध्या पाकिस्तानसाठी येणाऱ्या वादळासारखी आहे. पाकिस्तानी सैन्य सध्या दारुगोळ्याच्या तीव्र टंचाईचा सामना करत आहे, ज्यामुळे त्यांची लढाऊ क्षमता फक्त चार दिवसांपर्यंत मर्यादित आहे. एएनआयच्या वृत्तानुसार, पाकिस्तानच्या तोफखान्यातील दारुगोळ्याचा साठा इतका कमी झाला आहे की ते केवळ 96 तासच युद्ध करू शकतात.
महत्वाच्या बातम्या:
India vs Pakistan War: मोठी बातमी! IMF पाकिस्तानला कर्ज देणार नाही; बेलआउट पॅकेजबद्दल परराष्ट्र सचिव विक्रम मिस्री स्पष्टच बोलले
महत्त्वाच्या बातम्या
