Goa Election Result 2022 : अपक्षांना आम्ही सोबत घेणार, विजयानंतर गोव्याचे मुख्यमंत्री प्रमोद सावंत यांची प्रतिक्रिया

Goa Election Result 2022: विजयाचं श्रेय माझ्या कार्यकर्त्यांना, पार्टीला जातं. मी नसतानाही त्यांनी काम केलं. असे सावंत म्हणाले

pramod_sawant

Goa Election Result 2022: गोव्याचे मुख्यमंत्री प्रमोद सावंत (Pramod Sawant) यांचा विजय झाला आहे. साखळी मतदारसंघात प्रमोद सावंत 500 मतांनी विजयी झाले. सुरुवातीच्या कलांमध्ये प्रमोद सावंत पिछाडीवर होते, परंतु त्यांनी जोरदार मुसंडी मारुन विजय मिळवला. आज पाच राज्यांच्या विधानसभा निवडणुकांचा निकाल जाहीर होत आहे. मतदारांनी कोणाच्या पारड्यात जनमताचा कौल दिला ते स्पष्ट होत आहे. विजयानंतर प्रमोद सावंत यांनी प्रतिक्रिया दिली आहे. दरम्यान गोव्यात भाजपचा शपथविधी 14 मार्चला होणार असल्याची माहिती मिळत आहे. 

अपक्षांना आम्ही सोबत घेणार

माझ्या विजयांचं श्रेय माझ्या कार्यकर्त्यांना, पार्टीला जातं. मी नसतानाही त्यांनी काम केलं. गोव्याच्या विकासासाठी जनतेचा कौल पुन्हा भाजपाला मिळाला आहे.  विजयानंतर अपक्षांना आम्ही सोबत घेऊन सरकार स्थापन करणार अशी प्रतिक्रिया भाजपाचे प्रमोद सावंत यांनी दिली आहे.  एक्झिट पोलमध्ये दाखवलेल्या अंदाजानंतर प्रमोद सावंत काल म्हणाले होते की, आम्हाला पूर्ण विश्वास आहे की गोव्यात भाजप पुन्हा बहुमताने सरकार स्थापन करणार आहे. 10 मार्चला निकाल भाजपच्या बाजूने येईल असा विश्वास यावेळी सावंत यांनी व्यक्त केला आहे. यावेळी भाजपची काँग्रेसशी थेट स्पर्धा आहे. काँग्रेसच्या मनात नेहमीच भीती असते. यावेळी त्यांनी ज्याप्रकारचे उमेदवार निवडले आहेत, ते पाहता कुठेतरी त्यांना असे वाटले असेल की, ते पुन्हा पळून जाऊ नये असा टोलाही सावंत यांनी लगावला. दरम्यान, याआधी प्रमोद सावंत यांनी पंतप्रधान नरेंद्र मोदी यांची दिल्लीत भेट घेतली होती. याबाबत त्यांनी ट्विटही केले आहे. ज्यामध्ये सावंत म्हणाले की, गोव्यात भाजपच्या दमदार कामगिरीची माहिती पंतप्रधान मोदींना देण्यात आली आहे. त्यामुळे जनतेच्या आशीर्वादाने गोव्यात पुन्हा सरकार स्थापन करण्याची संधी मिळेल. पंतप्रधान मोदींच्या नेतृत्वाखाली आम्ही लोकांच्या हितासाठी काम करत राहू असेही सावंत यांनी सांगितले.

जनतेच्या आशीर्वादाने गोव्यात पुन्हा सरकार स्थापन करण्याची संधी - प्रमोद सावंत 

भाजपाचे डॉ. प्रमोद सावंत हे व्यवसायाने आयुर्वेदिक डॉक्टर आहेत. प्रमोद सावंत हे दोन वेळा आमदार म्हणून निवडून आले आहेत. सावंत हे मार्च 2017 पासून गोवा विधानसभेचे सभापती आहेत. ते यापूर्वी कधीही मंत्री झाले नाहीत. परंतु 2019 साली गोव्याचे मुख्यमंत्री मनोहर पर्रिकर यांच्या निधनानंतर रिक्त झालेल्या पदावर भाजप नेते आणि गोवा विधानसभेचे अध्यक्ष प्रमोद सावंत विराजमान झाले होते. 

इतर महत्त्वाच्या बातम्या: