Coronavirus LIVE UPDATES | LIVE UPDATE | कोरोनाचा देशातला दुसरा बळी, दिल्लीत 68 वर्षीय महिलेचा मृत्यू

Background

राज्यातील कोरोनाग्रस्तांपैकी एका वृद्धाची प्रकृती चिंताजनक असली तरी, अन्य रुग्णांची प्रकृती उत्तम असल्याची माहिती आरोग्य मंत्री राजेश टोपे यांनी दिली आहे. शिवाय, नागरिकांनी सरसकट कोरोना चाचणीचा आग्रह करु नये, असंही टोपेंनी सांगितलंय. तसेच, शाळांसंदर्भात लवकरच निर्णय घेऊ असंही त्यांनी सांगितलंय. राज्यात कोरोना रुग्णांची संख्या आता 14 वर गेली असून कोरोनाचा देशातील पहिला बळी कर्नाटकात गेला आहे. दरम्यान, नागरिकांनी घाबरुन जाऊ नये. मात्र, स्वतःची काळजी घ्यावी, असं आवाहनही आरोग्यमंत्री डॉ. राजेश टोपे यांनी केलंय.

राज्यात कोरोनाग्रस्तांचा आकडा 14 वर, परदेशातून येणाऱ्या संशयितांवर प्रशासनाची नजर, कर्नाटकातल्या कलबुर्गीत कोरोनानं एका वृद्धाचा मृत्यू

सलग दुसऱ्या दिवशी शेअर बाजारात घसरण, सेन्सेक्स 3100 अंकांनी उसळली, निफ्टीत 950 अंकांची घसरण, गुंतवणूकदार चिंतेत, सोन्याच्या दरातही घसरण

कॉलेज-शाळांना सुट्टी जाहीर करा, कोरोनाच्या भीतीपोटी पालक संघटनेची मुख्यमंत्र्यांकडे मागणी, तर प्रस्ताव आल्यास विचार करु, शिक्षणराज्यमंत्री बच्चू कडूंचं आश्वासन

साताऱ्यातील बगाड यात्रा रद्द करा, कोरोनाच्या पार्श्वभूमीवर जिल्हाधिकाऱ्यांचे आदेश, यात्रा साजरी करण्यावर कमिटी ठाम

जगभरात सव्वा लाख लोकांना कोरोनाची लागण, मृतांचा आकडा साडेचार हजाराच्या घरात, तर चीननंतर इटलीत सर्वाधिक बळी, 1016 जणांचा मृत्यू

23:07 PM (IST)  •  13 Mar 2020

कोरोनामुळे नुकसान करावं लागत असल्याच्या उद्विगनेतून पोल्ट्री व्यावसायिकाने जीवंत कोंबड्या खड्ड्यात पुरल्या आहेत. सोलापुरातल्या डोणगाव येथील फिरोज मनियार असे या लघु पोल्ट्री उद्योजकाचे नाव आहे. फिरोज गेल्या काही वर्षांपासून पोल्ट्रीचा व्यवसाय करतात. जवळपास 1 हजार कोंबड्याच्या माध्यमातून दर 45 दिवसाला साधारण 20 हजार रुपये इतका त्यांना नफा मिळतो. मात्र कोरोनाच्या भितीमुळे चिकन व्यावसायावर मोठा फटका बसतोय. त्यामुळे उत्पन्न न होता मोठ्या प्रमाणात आर्थिक नुकसान होत आहे. त्यामुळे जवळपास 750 कोंबड्या फिरोज मनियार यांनी खड्यात पुरल्या. कोरोना व्हायरसच्या भितीमुळे अनेक क्षेत्रांना मोठा फटका बसत आहे. कुक्कुटपालन करणाऱ्या व्यावसायिकांना ही कोरोनामुळे मोठा फटका सहन करावा लागत आहे. चिकन खाल्याने कोरानाची लागण होत नसल्याचे वारंवार सांगितल्यानंतर देखील चिकनचे दर अद्याप ही खाली उतरलेलेच आहेत. सोलापुरातील पोल्ट्रीफार्म उद्योजकांनाही दररोज लाखोंचं नुकसान सहन करावं लागत आहे. त्यामुळे शासनातर्फे आता या नुकसानीची भरपाई मिळावी अशी मागणी कुक्कुटपालक करत आहेत. रोज पसरणाऱ्या अफवामुळे उद्योगात मोठा फटका बसत आहे. त्यामुळे ही मानवनिर्मित आपत्ती समजून शासनाने मदत करावी यासाठी कुकुटपालकांनी सोलापुरच्या जिल्हाधिकाऱ्यांना निवेदन देखील दिलं आहे.

21:54 PM (IST)  •  13 Mar 2020

कोरोनाच्या वाढत्या प्रादुर्भावामुळे अधिवेशन उद्या गुंडाळणार आहोत. सर्व आमदार त्यांच्या मतदारसंघात परतणार आहेत. त्यांच्या समोर सर्वात मोठं आव्हान असणार आहे, ती कोरोनाबाबतची जनजागृती आणि त्याबाबत उठणाऱ्या अफवांवर चाप लावणं. त्यासाठी ते काय पावलं उचलणार आहेत.

21:54 PM (IST)  •  13 Mar 2020

अहमदनगरमध्ये एक कोरोना पॉझिटिव्ह, जे 40 जण दुबईला गेले होते त्या गटातील व्यक्ती कोरोना पॉझिटिव्ह, सिव्हिल रुग्णालयात दाखल

22:03 PM (IST)  •  13 Mar 2020

गुढीपाडवा जवळ येताच सर्वांना वेध लागतात ते नववर्ष स्वागत यात्रेचे. मात्र या वर्षीच्या नववर्ष स्वागत यात्रेला देखील कोरोना व्हायरसचे ग्रहण लागले आहे. कारण ठाणे जिल्ह्यातील जवळजवळ सर्वच आयोजकांनी आपल्या नववर्ष स्वागत यात्रा या रद्द केल्या आहेत. याबाबत ठाण्याचे जिल्हाधिकारी राजेश नार्वेकर यांनी सर्व आयोजकांना आवाहन केले होते. त्या आवाहनाला प्रतिसाद देत आज जिल्हाधिकारी कार्यालयात झालेल्या बैठकीत सर्वच आयोजकांनी आपल्या नववर्ष स्वागतयात्रा रद्द करत असल्याचे जाहीर केले आहे. त्यासोबत जमा झालेला पैसा हा समाजकार्यासाठी वापरणार असल्याचे देखील सांगितले. या बैठकीत कोपीनेश्वर मंदिराच्या सर्व स्वागत यात्रा डोंबिवलीच्या गणपती मंदिराची स्वागत यात्रा तसेच कल्याण मीरा-भाईंदर कळवा अशा वेगवेगळ्या शहरातील स्वागत यात्रा रद्द करण्यात आल्याचे सर्वांनी सांगितले.

19:36 PM (IST)  •  13 Mar 2020