Breaking News LIVE | पक्ष वाढवूया, कोरोना नको; मुख्यमंत्र्यांचं राजकीय नेतेमंडळींना आवाहन

Breaking News LIVE Updates, 21 February 2021: दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

1. नव्या कोरोना रुग्णांच्या संख्येत अमरावतीनं मुंबईलाही मागे टाकलं, २४ तासांत अमरावतीत १ हजार ५५ नव्या रुग्णांची नोंद

 

2. मुंबईत पुन्हा डोकं वर काढणाऱ्या कोरोनाला ब्रेक लावण्यासाठी पालिकेनं कंबर कसली, अनेक बार आणि पबवर कारवाई, १ हजाराहून अधिक इमारती सील

 

3. पुण्यात लॉकडाऊन लागू झाल्याच्या खोट्या बातम्यांचा व्हीडिओ व्हायरल, अफवांवर विश्वास न ठेवण्याचं जिल्हाधिकाऱ्यांचं आवाहन

 

4. कोरोनाच्या संकटात कार्यालयीन वेळांबाबत धोरण आखण्याची गरज, नीती आयोगाच्या बैठकीत मुख्यमंत्र्यांचं पंतप्रधानांना आवाहन,

 

5. चारित्र्यावरचा संशयाचा डाग पुसण्यासाठी पत्नीला उकळत्या तेलातून नाणं बाहेर काढण्यास सांगितलं, व्हीडिओ व्हायरल झाल्यानंतर नाशकात गुन्हा दाखल

 

6.बोचऱ्या थंडीपासून सैनिकांचं संरक्षण करण्यासाठी रँचोकडून खास तंबूची निर्मिती, सोनम वांगचुक यांच्या अविष्कारची सर्वत्र चर्चा

 

7. हिमप्रलयानंतर तापमान घसरल्यानं अमेरिकेवर मोठं संकट, दीड कोडी जनतेवर बर्फ वितळून पाणी पिण्याची नामुष्की, इलेक्ट्रिसिटी ग्रीडही ठप्प

 

8. सांगली महापालिकेतील सत्ताकारण! महापौर-उपमहापौर निवडणूक चुरशीच्या वळणावर

21:12 PM (IST)  •  21 Feb 2021

पालघर जिल्ह्यात कोरोना बाबतचे नियम कठोर करण्यात आले असून आजपासूनच जिल्ह्यातील सर्वच भागात कारवाईला सुरुवात करण्यात आली आहे. पालघरचे जिल्हाधिकारी डॉक्टर माणिक गुरसळ ,पोलीस अधीक्षक दत्तात्रय शिंदे ,सहाय्यक जिल्हाधिकारी डॉ किरण महाजन,तहसीलदार सुनील शिंदे,यांच्या विशेष पथकाने आज रात्री पासूनच कारवाईला सुरुवात केली असून मंगल कार्यालय,रिसॉर्ट ,लग्न समारंभाच्या ठिकाणी धाडसत्र सुरू केल असून पालघर मधील जलदेवी रिसॉर्टवर पहिली धाड टाकली असून येथे सुरू असलेल्या लग्न समारंभात कारवाई केली आहे. या कारवाईत कोरोना नियम न पाळणार्याअ रिसॉर्ट मालकासह वर आणि वर पिता यांना ताब्यात घेतले असून सातपाटी पोलीस ठाण्यात नेण्यात आलं आहे.

20:46 PM (IST)  •  21 Feb 2021

कुख्यात गुंड गजानन मारणेंच्या सतरा साथीदारांना पिंपरी चिंचवड पोलिसांनी अटक केलेली आहे. याशिवाय साडे चार कोटींची अकरा आलिशान वाहनं जप्त करण्यात आली आहेत. मात्र अद्याप गजा मारणे पोलिसांच्या हाती लागलेला नाही. त्याच्या शोधासाठी चार पथकं रवाना करण्यात आलेली आहेत. शिरगाव पोलीस चौकीत त्याच्यासह साथीदारांवर सोमवारी गुन्हा दाखल झाला आहे. पुणे-मुंबई द्रुतगती मार्गावरून विनापरवाना प्रवास करणे, फटाके फोडणे, आरडाओरडा करणे आणि या सर्वांचे ड्रोनद्वारे चित्रीकरण करणे याप्रकरणी हा गुन्हा दाखल आहे.

19:31 PM (IST)  •  21 Feb 2021

कार्यालयीन वेळांची विभागणी करा, शक्य असेल तिथं वर्क फ्रॉम होम सुरु ठेवा असं आवाहन मुख्यमंत्र्यंनी केलं आहे.

19:29 PM (IST)  •  21 Feb 2021

मी जबाबदार! ही एक नवी मोहिम राबवूया. घराबाहेर पडताना मास्क वापरणं, सॅनिटायझर वापरणं, सोशल डिस्टन्सिंग पाळणं, कार्यालयीन वेळा बदलणं या साऱ्याचा यात समावेश.

19:25 PM (IST)  •  21 Feb 2021

शासकीय कार्यक्रम ऑनलाईन पद्धतीनं सुरु करण्याचं आवाहन. राजकीय कार्यक्रम, मोर्चे, गर्दी करणारी आंदोलनं यांच्यावर उद्यापासून बंदी : मुख्यमंत्री उद्धव ठाकरे