शिवतारेंनी बारामतीत अडचण केल्यास कल्याणमध्येही अडचण होऊ शकते; मिटकरींचा मुख्यमंत्री शिंदेंना थेट इशारा
Ajit Pawar Vs Vijay Shivtare : विजय शिवतारे यांच्या भूमिकेनं बारामतीत महायुतीच्या अडचणी वाढल्या आहेत. तर, अजित पवार गट देखील आक्रमक होतांना पाहायला मिळत आहे.
Ajit Pawar Vs Vijay Shivtare : बारामती लोकसभा मतदारसंघ (Baramati Lok Sabha Constituency) अजित पवारांसाठी (Ajit Pawar) प्रतिष्ठेचा मुद्दा झाला असतानाच, आता शिवसेना शिंदे गटाचे माजी आमदार विजय शिवतारे (Vijay Shivtare) यांनी देखील बारामती लोकसभा मतदारसंघातून निवडणूक लढवण्याची घोषणा केली आहे. त्यामुळे अजित पवार गटाचे (Ajit Pawar Group) नेते आक्रमक होतांना पाहायला मिळत आहे. दरम्यान, विजय शिवतारे यांनी बारामती लोकसभा मतदारसंघात अडचण निर्माण केल्यास, कल्याण लोकसभा मतदारसंघात (Kalyan Lok Sabha Constituency) देखील अडचण होऊ शकते. तिथे श्रीकांत शिंदे (Shrikant Shinde) उमेदवार असतील, असा थेट इशारा अजित पवार गटाचे नेते अमोल मिटकरी (Amol Mitkari) यांनी मुख्यमंत्री एकनाथ शिंदे (CM Eknath Shinde) यांना दिला आहे.
दरम्यान यावर बोलतांना मीटकरी म्हणाले की, "महायुतीचे घटक असतांना देखील विजय शिवतारे हे राष्ट्रवादी काँग्रेस पक्षाच्या विरोधात बोलत असतील, आणि मुख्यमंत्री एकनाथ शिंदे त्यांना समज देत नसतील. तसेच शिवतारे बारामती लोकसभा मतदारसंघात अडचण निर्माण करत असतील, तर कल्याण लोकसभा मतदारसंघात अडचण निर्माण होऊ शकते. तिथे श्रीकांत शिंदे उमेदवार असतील. सर्वांनी सर्वांचं सन्मान ठेवला पाहिजे, आम्ही त्याचं पालन करतोय. पण, याचा अर्थ शिवतारेंनी वाचळवीरांसारखं काहीही बडबड करावी हे आम्ही सहन करून घेणार नाही," असे अमोल मिटकरी म्हणाले.
मुख्यमंत्री शिंदेंकडून शिवतारेंना समज...
पुढे बोलतांना मिटकरी म्हणाले की, "शिवतारे यांनी निवडणूक लढवायची का? हा त्यांचा वैयक्तिक प्रश्न आहे. लोकशाहीत सर्वांना तो अधिकार आहे. मात्र, महायुतीमध्ये राहून आमच्याच वरिष्ठ नेत्यांबद्दल अपशब्द वापरण्याचे जे काही त्यांनी मागील काही दिवसांपासून सत्र चालवला आहे, त्याला आमचा तीव्र विरोध आहे. आमचे नेते सुनील तटकरे यांनी याबाबत मुख्यमंत्री एकनाथ शिंदे यांच्याकडे देखील कळवले आहे. मुख्यमंत्री शिंदे यांनी देखील त्यांना समज दिली असल्याचं कळत आहे. अजित पवारांबद्दल चुकीचं बोलून मी खासदार होईल असं शिवतारे यांना वाटत असेल, तर मागील काळात मतदारसंघात कोणी कामं केली हे बारामतीकरांना माहित आहे. शिवतारे यांना निवडणूक लढवण्याचा अधिकार आहे, मात्र त्यांचा तीळ मात्र फरक देखील राष्ट्रवादी काँग्रेस पार्टीला पडणार नाही. तसेच, शिवतारे यांना जनता त्यांची जागा दाखवून देतील असेही मिटकरी म्हणाले.
शिवतारे मुळात वादग्रस्त वक्तव्य करण्यासाठी प्रसिद्ध असलेले व्यक्ती आहे. त्यामुळे त्यांच्या वक्तव्याच्या मागे कोणी मास्टरमाइंड असेल असे वाटत नाही. त्यांच्या मागे फक्त त्यांचे सडके मेंदूत असू शकतात, दुसरं कोणी असणार नाही, असेही मिटकरी म्हणाले.
इतर महत्वाच्या बातम्या :
Vijay Shivtare : विजय शिवतरे बारामती लोकसभेला अपक्ष शड्डू ठोकणारच! एकमताने ठराव मंजूर
महत्त्वाच्या बातम्या
ट्रेंडिंग न्यूज
