Smart Bulletin | स्मार्ट बुलेटिन | 03 मार्च 2020 | मंगळवार

देश विदेशातील महत्त्वाच्या घडामोडींचा आढावा स्मार्ट बुलेटिनमध्ये

1. 1. राज्यभरातल्या दहावीच्या विद्यार्थ्यांना शुभेच्छा, आजपासून दहावीच्या परीक्षेला सुरुवात, 17 लाख 65 हजार 898 विद्यार्थी परीक्षा देणार, गैरप्रकार टाळण्यासाठी 273 भरारी पथकांची नेमणूक
   2. तेलंगणासह दिल्ली आणि राजस्थानमध्येही कोरोनाचे रुग्ण, तर अमेरिकेतही कोरोनामुळे सहा जणांचे बळी
   3. पंतप्रधान नरेंद्र मोदींकडून सोशल मीडिया सोडण्याचे संकेत, ट्विटर नको, द्वेष सोडा, राहुल गांधींचा सल्ला, येत्या रविवारी काय घोषणा करणार याकडे देशाचं लक्ष
   4. दिल्लीची निर्भया पुन्हा न्यायाच्या प्रतिक्षेत, पटियाला हाऊस कोर्टाच्या निर्णयानं नराधमांची फाशी पुन्हा लांबणीवर
   5. मराठा आरक्षण मंत्रिमंडळ उपसमितीतून अशोक चव्हाणांना हटवा, मराठा आंदोलकांची संभाजीराजेंकडे मागणी, मुस्लिम आरक्षणाला खुल्या वर्गाचा विरोध

1. रत्नागिरीतल्या नाणारच्या जमिनी ठाकरेंच्या नातेवाईकांकडून खरेदी, भाजपच्या प्रमोद जठार यांचा आरोप, तर नाणार समर्थकांकडून सत्यनारायणाला साकडं
2. आठवडा उलटल्यानंतरही पुण्यातील कचराकोंडीवर तोडगा नाही, शहरात जागोजागी कचऱ्याचे ढीग, ओपन डंपिंगविरोधात फुरसुंगीतले ग्रामस्थ आंदोलनावर ठाम
3. राष्ट्रवादीच्या आमदार विद्या चव्हाणांविरोधात सुनेचा छळ केल्याचा आरोप, घरगुती हिंसाचार प्रकरणी विलेपार्ले पोलीस स्थानकात गुन्हा दाखल
4. मुंबई महानगरपालिकेचा प्लास्टिक कारवाईचा पुन्हा धडाका, दोन दिवसांत 1028 किलो प्लास्टिक जप्त, सर्वाधिक प्लास्टिकचा साठा मशिद बंदर येथून जप्त
5. वातावरणातील बदल मुंबईकरांच्या जीवावर बेतणार, 2050पर्यंत मुंबईत पूरस्थिती येऊन 64 लाख कोटींचं नुकसान होणार, मकेन्झी ग्लोबल इन्स्टिट्यूटचा अहवाल