Sharad Pawar In Kolhapur : कोल्हापुरात शरद पवारांनी आणखी एक मोहरा गळाला लावला; जागावाटपाचा सुद्धा प्लॅन सांगितला
Sharad Pawar In Kolhapur : लोकांचा प्रचंड प्रतिसाद महाविकास आघाडीला असल्याचे राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी म्हटले आहे.
कोल्हापूर : लोकसभा निवडणुकीपूर्वी काय होतं? मी परदेशात असताना 54 लोक सोडून गेले, पण आगामी निवडणुकीत लोकांनी त्यांना जागा दाखवली. पक्षाचे नाव गेलं, चिन्ह गेलं, आमदार गेले, मंत्री गेले. लोकसभा निवडणुकीत आपण 10 जागा लढवल्या त्यापैकी आपण 8 जागा जिंकल्या. काँग्रेसची एक जागा होती त्या 13 जागा झाल्या. लोकांचा प्रचंड प्रतिसाद महाविकास आघाडीला असल्याचे राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी म्हटले आहे.
Video : भाजप आमदार गौतमी पाटीलसोबत बेभान नाचण्यात व्यस्त; काँग्रेस नेत्याकडून कडाडून हल्लाबोल https://t.co/QyDvulZAy0
— ABP माझा (@abpmajhatv) September 4, 2024
कोल्हापुरात शरद पवारांनी आणखी एक मोहरा गळाला लावला
शरद पवार यांच्या कोल्हापूर दौऱ्याचा आजचा दुसरा दिवस आहे. या दौऱ्यात त्यांनी आणखी एक मोहरा गळाला लावला आहे. लोकसभा निवडणुकीला बंडखोरी केलेले काँग्रेसचे माजी नेते बाजीराव खाडे यांचा राष्ट्रवादी काँग्रेस पक्षात प्रवेश केला आहे. बाजीराव खाडे यांनी काँग्रेस पक्षात राष्ट्रीय पातळीवर काम केलं आहे. प्रियांका गांधी यांच्या टीममध्ये बाजीराव खाडे यांनी काम केलं आहे.
तर मग संभाजीराजेंचा आतून पराभव तुम्हीच केला; अल्पसंख्याक वक्तव्यावर समरजित घाटगेंचा हल्लाबोल @NCPspeaks @ghatge_raje @mrhasanmushrif https://t.co/sNXaG0E1ZG
— ABP माझा (@abpmajhatv) September 4, 2024
जागावाटपाचा प्लॅन सुद्धा सांगितला
शरद पवार म्हणाले की, लोकांनी आता भाजप आणि त्यांच्यासोबत असलेल्या पक्षांकडून सत्ता काढून घ्यायची निर्णय घेतला आहे. महाविकास आघाडीमधील कोणत्या पक्षाने किती जागा लढवायच्या याचा निर्णय झालेला नाही. उद्याच्या 7 तारखेला महाविकास आघाडीचे नेते एकत्र बसून जागा वाटपाचा निर्णय घेतील, असे शरद पवार यांनी सांगितले. आम्ही तिन्ही पक्ष एकजूट आहोत. विधानसभा निवडणूक दीड महिन्यावर आली आहे. ज्या जागा आपल्याला मिळतील त्याठिकाणी उत्तम उमेदवार देऊ, असेही त्यांनी सांगितले. राज्य हे लोकांचेच येणार आहे, देशाला योग्य दिशा देण्याचं काम एकत्रित केलं जाईल याचं आश्वासन देतो, असेही त्यांनी सांगितले.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
