राष्ट्रपती द्रौपदी मुर्मू करवीर निवासिनी श्री अंबाबाई देवीच्या दर्शनाला; केली विधिवत पूजा

President Draupadi Murmu : राष्ट्रपती द्रौपदी मुर्मू यांनी करवीर निवासिनी श्री अंबाबाई देवीला कुंकुमार्चन अभिषेक करुन विधिवत पूजा केली.

President Draupadi Murmu Visits Karveer Niwasini Ambabai Devi Temple

राष्ट्रपती द्रौपदी मुर्मू यांनी आज करवीर निवासिनी श्री अंबाबाई देवीला कुंकुमार्चन अभिषेक करुन विधिवत पूजा केली.

तसेच एकारती, पंचारती व कर्पुरआरती करुन देवीचे दर्शन घेतले.

यावेळी त्यांच्यासोबत त्यांची कन्या इतिश्री मुर्मू व भाऊ तारिणीसेन टुडू यांनीही देवीचे दर्शन घेतले.

सुरुवातीला जिल्हाधिकारी अमोल येडगे यांनी राष्ट्रपती द्रौपदी मुर्मू व राज्यपाल सी.पी. राधाकृष्णन यांना पुष्पगुच्छ देऊन त्यांचे स्वागत केले.

दर्शनानंतर राष्ट्रपती द्रौपदी मुर्मू यांनी जिल्हाधिकारी अमोल येडगे यांच्याकडून श्री अंबाबाई देवीच्या मंदिराविषयी माहिती जाणून घेतली.

तसेच मंदिरातील दगडी झुंबर व शिल्पकलेची पाहणी केली.

देवीच्या किरणोत्सवाची माहिती जिल्हाधिकारी श्री. येडगे यांनी त्यांना दिली.

देवीचे दर्शन झाल्याबद्दल राष्ट्रपती द्रौपदी मुर्मू यांनी समाधान व्यक्त केले.

श्री अंबाबाई मंदिराच्या इतिहासात प्रथमच भारताच्या राष्ट्रपती यांनी श्री अंबाबाई मंदिराला भेट देऊन देवीचे दर्शन घेतल्याची माहिती सचिव शिवराज नाईकवाडे यांनी सांगितले.

राष्ट्रपती दौऱ्यामुळे कोल्हापूर शहरात अत्यंत कडेकोट बंदोबस्त तैनात करण्यात आला होता.