Gyanvapi Case : ज्ञानवापी वाद प्रकरणी खटला चालवणं योग्य की नाही? वाराणसी जिल्हा न्यायालयात आज महत्त्वाची सुनावणी
Gyanvapi Case : वाराणसीतील वादग्रस्त ज्ञानवापी मशीद प्रकरणाची दिशा आज ठरवली जाऊ शकते.
Gyanvapi Case : ज्ञानवापी मशीद वादात या प्रकरणी खटला चालवायचा की नाही? यावर आज वाराणसी जिल्हा न्यायालयात महत्त्वपूर्ण सुनावणी होणार आहे. सर्वोच्च न्यायालयाच्या आदेशानंतर हे प्रकरण जिल्हा न्यायालयाकडे वर्ग करण्यात आले आहे. वाराणसीतील वादग्रस्त ज्ञानवापी मशीद प्रकरणाची दिशा आज ठरवली जाऊ शकते. आज वाराणसीच्या जिल्हा न्यायालयासमोर हा खटला चालवण्यास योग्य आहे की नाही हा सर्वात मोठा प्रश्न आहे. जिल्हा न्यायाधीश ए.के.विश्वेश यांच्या कोर्टात आज दुपारी 2 वाजता या प्रकरणाची सुनावणी होणार आहे.
ज्ञानवापी वादावर वाराणसी न्यायालयात महत्त्वाची सुनावणी
मुस्लीम पक्षाच्या मागणीवर प्रथम सुनावणी करून वाराणसी न्यायालय आज या प्रकरणी निर्णय देऊ शकते. ज्ञानवापींचे प्रकरण पुढे जाईल की नाही हे आज ठरवता येईल. याशिवाय सर्वेक्षण अहवाल, फोटो किंवा व्हिडीओबाबत हिंदू बाजूच्या मागणीवरही जिल्हा न्यायालयात चर्चा होऊ शकते. आयुक्तांच्या कारवाईवर आक्षेप नोंदवण्यासाठी न्यायालयाने दोन्ही पक्षांना एका आठवड्याची मुदत दिली आहे.
मुस्लिम पक्षाने घेतला आक्षेप
राखी सिंगसह पाच महिलांनी दाखल केलेल्या खटल्याची सुनावणी करता येईल की नाही? हे न्यायालयाला ठरवायचे आहे. या प्रकरणी मुस्लिम पक्षाने आपला आक्षेप नोंदवला आहे. मुस्लीम पक्षाने हा खटला फेटाळण्याची मागणी केली आहे. या खटल्यात पक्षकार होण्यासाठी अनेकांनी अर्ज दाखल केले आहेत.
सुप्रीम कोर्टाच्या आदेशानुसार हे प्रकरण जिल्हा न्यायालयात वर्ग
20 मे रोजी सर्वोच्च न्यायालयाच्या तीन सदस्यीय खंडपीठाने ज्ञानवापी प्रकरण वाराणसी येथील दिवाणी न्यायाधीश (वरिष्ठ विभाग) यांच्या न्यायालयातून जिल्हा न्यायाधीशांच्या न्यायालयात वर्ग करण्याचे आदेश दिले. तत्पूर्वी, मंगळवारी सुनावणी झाली. सुनावणीनंतर हिंदू पक्षाचे वकील विष्णू जैन यांनी सांगितले की, मुस्लिम बाजूच्या आदेश 7, नियम 11 याचिकेवर 26 मे रोजी सुनावणी होईल. न्यायालयाने दोन्ही पक्षांना आयोगाच्या अहवालावर आक्षेप नोंदवून आठवडाभरात अहवाल सादर करण्यास सांगितले होते.
महत्त्वाच्या बातम्या:
महत्त्वाच्या बातम्या
