Mahakumbh 2025 : आज महाकुंभाचा शेवटचा दिवस, पहाटेपर्यंत 41 लाख भाविकांनी घेतली डुबकी; 45 दिवस चाललेल्या महाकुंभाची सांगता महाशिवरात्री उत्सव स्नानाने होणार
गेल्या 44 दिवसांत 65 कोटी भाविकांनी स्नान केल्याचा दावा केला जात आहे. 45 दिवस चाललेल्या महाकुंभाची सांगता महाशिवरात्री उत्सव स्नानाने होणार आहे. आज शिवरात्रीला तीन कोटी भाविक येण्याची शक्यता आहे.
Mahakumbh 2025 : आज (26 फेब्रुवारी) महाकुंभ सोहळ्याचा शेवटचा दिवस आहे. सकाळी 6 वाजेपर्यंत 41.11 लाख लोकांनी आंघोळ केली आहे. गेल्या 44 दिवसांत 65 कोटी भाविकांनी स्नान केल्याचा दावा केला जात आहे. 45 दिवस चाललेल्या महाकुंभाची सांगता महाशिवरात्री उत्सव स्नानाने होणार आहे. आज शिवरात्रीला तीन कोटी भाविक येण्याची शक्यता आहे. म्हणजेच एकूण आकडा 66 ते 67 कोटींवर पोहोचेल.
महाकुम्भ में अब तक 64 करोड़ से अधिक श्रद्धालुओं ने त्रिवेणी में स्नान किया है जो किसी भी धार्मिक सांस्कृतिक या सामाजिक आयोजन में सबसे बड़ी सहभागिता है। #महाशिवरात्रि_महाकुम्भ | @MahaaKumbh pic.twitter.com/WeiIT6jYeM
— MahaKumbh 2025 (@MahaaKumbh) February 26, 2025
संगममध्ये डुबकी मारणाऱ्यांची ही संख्या 193 देशांच्या लोकसंख्येपेक्षा जास्त आहे. महाकुंभासाठी आलेल्या भाविकांपेक्षा केवळ भारत आणि चीनमध्येच जास्त लोकसंख्या आहे. जगातील हिंदूंच्या निम्म्या लोकसंख्येइतके लोक येथे आले आहेत, असा दावा योगी सरकारने केला आहे. महाकुंभातील शेवटच्या स्नानानिमित्त प्रयागराज शहरात 25 फेब्रुवारीच्या संध्याकाळपासून वाहनांना प्रवेशबंदी करण्यात आली आहे. रात्रीपासून संगमाकडे जाणाऱ्या रस्त्यांवर मोठी गर्दी असते. संगम घाटावर स्नान केल्यानंतर तेथे गर्दी होऊ नये, यासाठी भाविकांना घाट रिकामा करण्यात येत आहे.
महाकुम्भ-2025, प्रयागराज में भगवान भोलेनाथ की उपासना को समर्पित महाशिवरात्रि के पावन स्नान पर्व पर आज त्रिवेणी संगम में आस्था की डुबकी लगाने हेतु पधारे सभी पूज्य साधु-संतों, कल्पवासियों एवं श्रद्धालुओं का हार्दिक अभिनंदन!
— Yogi Adityanath (@myogiadityanath) February 25, 2025
त्रिभुवनपति भगवान शिव और पुण्य सलिला माँ गंगा सभी का…
मुख्यमंत्री योगी आदित्यनाथ यांनी महाशिवरात्रीच्या शुभेच्छा दिल्या
उत्तर प्रदेशचे मुख्यमंत्री योगी आदित्यनाथ यांनी महाशिवरात्रीला त्रिवेणी संगमात स्नान करण्यासाठी आलेल्या भाविकांचे अभिनंदन केले, तसेच शुभेच्छा दिल्या.
आज दोन कोटी भाविकांची अपेक्षा
आज महाकुंभ नगरीत दोन कोटी भाविक येण्याची शक्यता आहे. कोणत्याही प्रकारची अडचण येऊ नये म्हणून 4 एडीजी दर्जाचे अधिकारी, 7 आयजी दर्जाचे अधिकारी आणि 2 डीआयजी दर्जाचे अधिकारी आज महाकुंभनगरीत अंतिम स्नानासाठी तैनात करण्यात आले आहेत.
3 हजार ट्रेनने 13 हजार फेऱ्या केल्या, 600 चार्टर्ड विमाने उतरली
महाकुंभासाठी रेल्वेने ३ हजारहून अधिक गाड्या धावल्या. या गाड्यांनी 13 हजारांहून अधिक फेऱ्या केल्या. त्याच वेळी, प्रयागराजमध्ये दर आठवड्याला सुमारे 300 उड्डाणे आहेत. यामध्ये चार्टर्ड फ्लाइट, स्पाइसजेट, एअर इंडिया आणि इंडिगो फ्लाइटचा समावेश आहे. आतापर्यंत 600 हून अधिक चार्टर्ड विमाने उतरली आहेत. यासह, प्रथमच देशातील टॉप 20 विमानतळांमध्ये त्याचा समावेश झाला आहे. दररोज 4 हजारांहून अधिक बोटी सुटल्या.
इतर महत्वाच्या बातम्या
महत्त्वाच्या बातम्या
