PM Modi : PM मोदी आज 'उद्योजक भारत' कार्यक्रमात होणार सहभागी, सुरू करणार 'या' योजना
PM Modi : यावेळी PM मोदी 2022-23 साठी PMEGP च्या लाभार्थ्यांना डिजिटल पद्धतीने साहाय्य हस्तांतरित करतील, MSME Idea Hackathon-2022 चे निकाल जाहीर करतील
PM Modi : पंतप्रधान नरेंद्र मोदी आज विज्ञान भवन येथे 'उद्योजक भारत' कार्यक्रमात सहभागी होतील. यावेळी मोदी 'एमएसएमईची कामगिरी वाढवणे आणि गतिमान करणे' (RAMP) तसेच 'फर्स्ट टाइम एक्सपोर्टिंग MSMEs' (CBFTE) या योजनांची क्षमता वाढवण्यावर लक्ष केंद्रित करतील. पंतप्रधान रोजगार निर्मिती कार्यक्रम (PMEGP) मध्ये नवीन वैशिष्ट्ये देखील सादर केली जातील. अशी माहिती पंतप्रधान कार्यालयाने (PMO) दिली.
MSME Idea Hackathon-2022 चे निकाल जाहीर करणार
मोदी 2022-23 साठी PMEGP च्या लाभार्थ्यांना डिजिटल पद्धतीने साहाय्य हस्तांतरित करतील, MSME Idea Hackathon-2022 चे निकाल जाहीर करतील, राष्ट्रीय MSME पुरस्कार, 2022 आत्मनिर्भर भारत (SRI) फंडामध्ये 75 एमएसएमईंना 'डिजिटल इक्विटी सर्टिफिकेट' जारी करणार आहेत
देशभरातील लाखो लोकांना लाभ
PMO ने म्हटले आहे की, उद्योजक भारत हे सूक्ष्म, लघु आणि मध्यम उद्योगांच्या (MSME) सक्षमीकरणाच्या दिशेने काम करण्यासाठी पहिल्या दिवसापासून सरकारची सतत वचनबद्धता दर्शवते. एमएसएमई क्षेत्राला आवश्यक आणि वेळेवर मदत देण्यासाठी सरकारने मुद्रा योजना, इमर्जन्सी क्रेडिट लाइन गॅरंटी स्कीम आणि पारंपरिक उद्योगांच्या उन्नतीसाठी निधी (SFURTI) यासारखे अनेक उपक्रम वेळोवेळी सुरू केले आहेत, असे निवेदनात म्हटले आहे.
मोदी लॉन्च करणार ही योजना
सुमारे 6,000 कोटी रुपये खर्चाची रॅम्प योजना मोदी लॉन्च करणार आहेत. विद्यमान योजनांची परिणामकारकता वाढवण्याबरोबरच राज्यांमधील एमएसएमईची अंमलबजावणी क्षमता आणि व्याप्ती वाढवणे हा त्याचा उद्देश आहे. CBFTE चे उद्दिष्ट MSMEs ला जागतिक बाजारपेठेत आंतरराष्ट्रीय दर्जाची उत्पादने आणि सेवा देण्यासाठी प्रोत्साहित करणे आहे.
प्रकल्पाची कमाल किंमत 50 लाखांपर्यंत
PMEGP च्या नवीन वैशिष्ट्यांमध्ये उत्पादन क्षेत्रासाठी प्रकल्पाची कमाल किंमत 50 लाख रुपये (रु. 25 लाखांवरून) आणि सेवा क्षेत्रासाठी 20 लाख रुपये (10 लाखांवरून) तसेच आकांक्षी जिल्ह्यांतील अर्जदार आणि उच्च अनुदान प्राप्त करण्यासाठी विशेष श्रेणीतील अर्जदारांमध्ये ट्रान्सजेंडरचा समावेश करण्यात येणार आहे.
महत्त्वाच्या बातम्या
