Indian Railway : रेल्वेचे तात्काळ कन्फर्म तिकीट रद्द करता येऊ शकते का? तात्काळ आणि वेटिंग तिकीट रद्द करण्यासाठी किती शुल्क आकारले जाईल?
Tatkal Ticket Cancelation Rule : तात्काळ कन्फर्म टिकीत रद्द केल्यानंतर आपल्याला रिफंड मिळू शकते का, वेटिंग तिकिट कॅन्सल झाल्यानंतर तिकिटाच्या किती टक्के रक्कम परत मिळू शकते असे प्रश्न बुकिंग करताना मनात असतात.
मुंबई : भारतीय रेल्वेने (Indian Railway) दररोज लाखो लोक प्रवास करतात. अशा परिस्थितीत प्रत्येकाला प्रवासाचे कन्फर्म तिकीट मिळणे शक्य होत नाही. त्यामुळे लोक तात्काळ किंवा वेटिंग तिकीट घेतात. रेल्वेची तत्काळ सेवा आपत्कालीन परिस्थितीत प्रवासासाठी तिकीट बुक करण्यासाठी खूप उपयुक्त आहे. अनेकदा रेल्वेमध्ये कन्फर्म सीट मिळणे कठीण होते. अशा परिस्थितीत आपल्याला प्रश्न पडतो की, तात्काळ तिकीट रद्द करता येईल की नाही? तात्काळ तिकीट रद्द केल्यास, रद्द करण्याचा शुल्क किती लागेल?
तात्काळ तिकीट रद्द करता येईल का? (Tatkal Ticket Cancelation Rule)
तात्काळ तिकीट देखील इतर तिकिटांप्रमाणे रद्द केले जाऊ शकते. तात्काळ तिकीट रद्द करण्याच्या काही प्रकरणांमध्ये रेल्वे परतावा देते, तर काहींमध्ये नाही. हे तिकीट रद्द करण्याच्या कारणांवर अवलंबून आहे. IRCTC वेबसाइटनुसार, जर एखाद्या प्रवाशाने तात्काळ तिकीट बुक केले असेल आणि काही कारणास्तव तो प्रवास करत नसेल, तर रेल्वे त्याला तिकीट रद्द केल्यावर परतावा मिळणार नाही.
ट्रेन जिथून निघते त्या ठिकाणाहून निघण्यास तीन तासांपेक्षा जास्त उशीर झाल्यास कन्फर्म तात्काळ तिकीट रद्द करून रिफंडचा दावा केला जाऊ शकतो. यासाठी प्रवाशाला टीडीआर म्हणजेच तिकीट जमा पावती घ्यावी लागेल. रक्कम परत करताना रेल्वे फक्त बुकिंग चार्ज वजा करते. त्याचप्रमाणे ट्रेनचा मार्ग बदलला असेल आणि प्रवाशाला त्या मार्गाने प्रवास करायचा नसेल तर तिकीट रद्द करून परतावा मिळू शकतो.
तिकीट रद्द करण्याचे नियम काय आहेत? (Waiting Ticket Cancelation Rule)
तात्काळ तिकीट बुक केल्यानंतरही रेल्वे प्रवाशाला बुक केलेल्या आरक्षण वर्गात जागा देऊ शकत नसल्यास, तिकीट रद्द केल्यावर परतावा मिळू शकतो. त्याचप्रमाणे जरी रेल्वे आरक्षण श्रेणीच्या खाली असलेल्या श्रेणीतील प्रवाशाला सीट देत असेल आणि प्रवाशाला त्या वर्गात प्रवास करायचा नसेल, तरीही प्रवाशी तत्काळ तिकीट रद्द करू शकतो आणि परताव्याची मागणी करू शकतो.
एकाहून अधिक व्यक्तींनी प्रवास करण्यासाठी जारी केलेल्या कौटुंबीक तात्काळ तिकिटांवर, काही लोकांची तिकिटे कन्फर्म झाली असतील आणि काही वेटिंग असतील, तर सर्व प्रवासी तिकीट रद्द करू शकतात आणि परतावा मिळवू शकतात. पण ट्रेन सुटण्याच्या 6 तास आधी असे तिकीट रद्द करावे लागेल.
वेटिंग तिकिटाचे रिफंड (Waiting Ticket Refund Rule)
वेटिंग तिकीट कन्फर्म न झाल्यास ते रेल्वेकडून तात्काळ रद्द केले जाते. तिकीट रद्द झाल्यास 3 ते 4 दिवसात पैसे परत केले जातात. यामध्येही पूर्ण पैसे परत केले जात नाहीत तर बुकिंग चार्ज वजा केला जातो. बुकिंग शुल्क तिकिटाच्या किमतीच्या दहा टक्के आहे. ते ट्रेन आणि त्याच्या वर्गावर अवलंबून असते.
ही बातमी वाचा:
महत्त्वाच्या बातम्या
ट्रेंडिंग न्यूज
