मोफत आधार अपडेट करण्याची तारीख वाढवली, आधार कार्ड वापरकर्त्यांना मोठा दिलासा, नवीन तारीख किती?
आधारकार्ड (Aadhaar Card) वापरकर्त्यांना मोठा दिलासा देणारी बातमी समोर आली आहे. मोफत आधार अपडेट (Aadhaar Free Update) करण्याची अंतिम मुदत वाढवण्यात (Deadline Extend) आली आहे.
Aadhaar Free Update Deadline Extend: आधारकार्ड (Aadhaar Card) वापरकर्त्यांना मोठा दिलासा देणारी बातमी समोर आली आहे. मोफत आधार अपडेट (Aadhaar Free Update) करण्याची अंतिम मुदत वाढवण्यात (Deadline Extend) आली आहे. आधार कार्ड मोफत अपडेट करण्याची अंतिम मुदत आज 14 सप्टेंबर रोजी म्हणजे आजच संपत होती. परंतू, UIDAI ने आता ही मुदत 14 डिसेंबर 2024 पर्यंत वाढवली आहे.
आधार कार्डधारकांसाठी आज मोठी बातमी आली आहे, आधार कार्ड अपडेट करण्याची अंतिम मुदत यूआयडीएआयने वाढवली आहे. आता हे काम 14 डिसेंबर 2024 पर्यंत मोफत करता येणार आहे. ही मुदत आज संपत होती, मात्र प्राधिकरणाने ती तीन महिन्यांसाठी वाढवण्याचा निर्णय घेतला आहे. युनिक आयडेंटिफिकेशन अथॉरिटी ऑफ इंडिया (UIDAI) ने 10 वर्षांपूर्वी बनवलेले आधार कार्ड (आधार कॅड) मोफत अपडेट करण्याची सुविधा आज संपणार होती. मात्क, यामध्ये आता वाढ करण्यात आली आहे.
अंतिम तारीख अनेकवेळा वाढवण्यात आली
यापूर्वीही हे काम मोफत करून घेण्याची अंतिम तारीख अनेकवेळा वाढवण्यात आली आहे. प्रथम ती 14 मार्च ते 14 जून 2024 पर्यंत वाढवण्यात आली होती. नंतर ही अंतिम तारीख पुन्हा एकदा 14 सप्टेंबरपर्यंत वाढवण्यात आली. शनिवारी त्यात आणखी वाढ करण्यात आली आहे. आता आधार कार्ड वापरकर्ते हे काम 14 डिसेंबरपर्यंत पूर्णपणे मोफत करू शकतात. आधार कार्ड मोफत अपडेट करण्याच्या अंतिम मुदतीनंतर हे जास्त शुल्क आकारले जाईल. विशेष बाब म्हणजे UIDAI द्वारे प्रदान केलेली आधार कार्ड अपडेट करण्याची ही मोफत सेवा फक्त myAadhaar पोर्टलवर उपलब्ध आहे.
ऑनलाइन आधार कसे कराल अपडेट?
UIDAI च्या अधिकृत वेबसाइट https://uidai.gov.in/ वर लॉग इन करा. होमपेजवरील My Aadhaar पोर्टलवर जा आणि नोंदणीकृत मोबाइल क्रमांकावर मिळालेला OTP वापरून लॉग इन करा. यानंतर, तुमचे तपशील तपासा आणि तपशील बरोबर असल्यास, योग्य बॉक्सवर खूण करा. लोकसंख्याशास्त्रीय माहिती चुकीची आढळल्यास, ड्रॉप-डाउन मेनूमधून ओळख दस्तऐवज निवडा. दस्तऐवज अपलोड करा. दस्तऐवज JPEG, PNG आणि PDF स्वरूपात अपलोड करा.
मोफत आधार अपडेट करण्याची सुविधा फक्त ऑनलाइन करता येणार
मोफत आधार अपडेट करण्याची सुविधा फक्त ऑनलाइन उपलब्ध आहे. आधार कार्डमध्ये कोणत्याही प्रकारच्या अपडेटसाठी, तुम्हाला आधार केंद्रावर जाऊन विहित शुल्क भरावे लागेल. दरम्यान, लक्षात ठेवा की काही अपडेट्स आहेत जे ऑनलाइन नसून केंद्रावर जाऊन करावे लागतील. यामध्ये तुम्हाला आयरिस किंवा बायोमेट्रिक डेटा अपडेट करायचा असल्यास. मग यासाठी तुम्हाला आधार केंद्रात जावे लागेल.
महत्वाच्या बातम्या:
जवळ मास्क्ड आधार कार्ड असेल तर कधीच होणार नाही फसवणूक; जाणून घ्या कसे डाऊनलोड करावे?
महत्त्वाच्या बातम्या
ट्रेंडिंग न्यूज
