Covid19 : कोरोना संसर्ग घटला, देशात 556 नवीन कोरोना रुग्ण, सक्रिय रुग्णांची संख्या सहा हजारांवर
Coronavirus in India : केंद्रीय आरोग्य मंत्रालयाने दिलेल्या माहितीनुसार, भारतात एकाच दिवसात 556 नवीन कोरोना विषाणू संसर्गाची नोंद झाली आहे.
Coronavirus Cases in India : देशातील कोरोना विषाणूचा संसर्ग सातत्याने घटताना दिसत आहे. देशात गेल्या 24 तासांत 556 नवीन रुग्णांची नोंद झाली आहे. काल देशात 656 रुग्णांची नोंद आणि असून सात रुग्णांचा कोरोनामुळे मृत्यू झाला होता. त्यामुळे आज तुलनेने रुग्ण संख्येत 100 रुग्णांची घट झाली आहे. भारतात 24 तासांत 500 हून अधिक नवीन कोविड प्रकरणांची नोंद झाली आहेत. केंद्र सरकारने शनिवारी नवीन आकडेवारी जारी केली आहे. तर देशातील उपचाराधीन रुग्णांची संख्या सहा हजारांवर पोहोचली आहे.
देशातील कोरोना संसर्गात घट
भारतातील कोरोना संसर्गात घट झाली आहे. 2022 च्या सुरुवातीच्या महिन्यांमध्ये कोरोनाचा उद्रेक पाहायला मिळाला होता. दररोज लाखो नवीन कोरोनाबाधितांची प्रकरणं समोर येत होती. मात्र, आता हे प्रमाण एक हजारांच्याही खाली पोहोचलं आहे. कोरोना लसीकरणामुळे कोरोनाचा वेग मंदावला आहे. आरोग्य मंत्रालयाच्या माहितीनुसार, देशव्यापी लसीकरण मोहिमेअंतर्गत आतापर्यंत भारतात कोविड प्रतिबंधात्मक लसीचे 219.84 कोटी डोस देण्यात आले आहेत.
With 556 new Covid cases reported in a day, India's infection tally rises to 4,46,68,523; death toll reaches 5,30,570: Union Health Ministry
— Press Trust of India (@PTI_News) November 19, 2022
सक्रिय रुग्णांची संख्या 6,782
देशात सध्या 6,782 सक्रिय कोरोना रुग्ण आहेत. काल ही संख्या 7,034 इतकी होती. नव्याने नोंद झालेल्या रुग्णांमुळे देशातील कोरोना संसर्ग झालेल्यांची एकूण संख्या 4 कोटी 46 लाख 68 हजार 523 झाली आहे. यामधील चार कोटीहून अधिक रुग्ण बरे झाले आहेत. तर देशात आतापर्यंत 5 लाख 30 हजार 570 रुग्णांचा कोरोनामुळे मृत्यू झाला आहे.
Active Covid cases decline to 6,782 from 7,034 a day earlier: Union Health Ministry
— Press Trust of India (@PTI_News) November 19, 2022
चीनमध्ये 24,473 नवे कोरोना रुग्ण
कोरोनाचं उगम स्थान समजलं जाणाऱ्या चीनमध्ये पुन्हा एकदा कोरोनाचा कहर पाहायला मिळत आहे. गेल्या 24 तासांत 24 हजार 473 नवीन कोरोना रुग्ण आढळले आहेत. कोरोनाचा वाढता उद्रेक पाहता काही शहरांमध्ये पुन्हा लॉकडाऊन लावण्यात आलं आहे. सरकारने पुन्हा निर्बंध कठोर करत झिरो कोविड धोरणाला लक्ष्य केलं आहे.
महत्त्वाच्या बातम्या
