डॉक्टरांच्या बनावट सही अन् नोंदणी क्रमांकाचा उपयोग करून विमा कंपनीची मोठी फसवणूक; रक्त चाचणीचे बनावट अहवाल देणाऱ्या टोळीचा भांडाफोड

Buldhana News : पॅथॉलॉजिस्ट डॉक्टरांच्या बनावट सही व नोंदणी क्रमांकाचा उपयोग करून विमा कंपनीची दिशाभूल करून लाखो रुपये उकळणाऱ्या टोळीचा भांडाफोड करण्यात पोलिसांना यश आले आहे.

Buldhana News

Source : ABP Majha

Buldhana News खामगाव : पॅथॉलॉजिस्ट डॉक्टरांच्या बनावट सही व नोंदणी क्रमांकाचा उपयोग करून विमा कंपनीची दिशाभूल करून लाखो रुपये उकळणाऱ्या टोळीचा भांडाफोड करण्यात पोलिसांना यश आले आहे. या प्रकरणात चौघांविरुद्ध खामगाव (Khamgaon) येथील डॉ.ब्रह्मानंद टाले या पॅथॉलॉजिस्ट डॉक्टरांच्या तक्रारीवरून फलटण पोलिसांनी गुन्हा दाखल केला आहे. अतिशय धक्कादायक बाब म्हणजे फलटण येथे डॉ. ब्रह्मानंद टाले यांची बनावट सही व नोंदणी क्रमांक वापरून हे भामटे रक्त चाचणीचे रिपोर्टही देत होते.

राज्याभरात बनावट रक्त चाचणीचे अहवाल देणारी टोळी उघडकीस

मिळलेल्या माहितीनुसार, 5 ऑगस्ट 2025 रोजी 'बुलेट हेल्थकेअर सर्व्हिसेस फॉर रॉयल सुंदरम हेल्थ इन्शुरन्स' कंपनीचे प्रतिनिधी यांनी खामगाव येथे येऊन डॉ. ब्रह्मानंद टाले यांना काही रक्त चाचणीचे अहवाल दाखवले व हे तुम्ही प्रमाणित केले आहे का? अस विचारल असता डॉ. ब्रह्मानंद टाले यांना शंका आली, आणि हे रिपोर्ट मी प्रमाणित केले नाही, यावर माझी बनावट स्वाक्षरी व बनावट नोंदणी क्रमांक आहे. अस विमा कंपनीच्या प्रतिनिधींना सांगितलं. या अहवालावर डॉ. ब्रह्मानंद टाले हे चालवत असलेल्या धन्वंतरी पॅथॉलॉजी लेबलोटरी च नाव व बनावट स्वाक्षरी आणि बनावट नोंदणी क्रमांक असल्याच आढळल.

चौघांविरुद्ध गुन्हा दाखल

यावरून फलटण येथील डॉ. बी. जे.राऊत, फलटण येथीलच धन्वंतरी लॅबोरेटरी साखरवाडी चे चालक विशाल एम.नाळे, श्रीराम हेल्थ केअर सर्विसेस लाब्रोटरी इंदापूरचे चालक शंकर खडसे व प्रतिभा सोळुंके यांच्याविरुद्ध खामगाव शहर पोलीस ठाण्यात तक्रार देण्यात आली. या तक्रारीवरून पोलिसांनी डॉ. ब्रह्मानंद टाले यांचे नाव, बनावट सही व बनावट नोंदणी क्रमांक वापरून रक्ताचे खोटे अहवाल तयार केल्याप्रकरणी वरील चौघांविरुद्ध गुन्हा दाखल केलाय. हा गुन्हा फलटण ग्रामीण पोलीस स्टेशनमध्ये वर्ग करण्यात आला आहे. पोलिसांनी या चौघांविरुद्ध भारतीय दंड संहिता कलम 34, 420, 465, 438,471 नुसार गुन्हा दाखल केला आहे.

इतर महत्त्वाच्या बातम्या