Women Health: तिच्या शक्तीला सलाम! डोळ्याने अंध, पण स्पर्शाने ओळखू शकते 'ब्रेस्ट कॅन्सर?' अंध महिला वाचवतायत असंख्य जीव! एकदा पाहाच..

Women Health: डोळ्याने अंध असल्याने ती पाहू शकत नाही, पण केवळ स्पर्श करून ती स्तनाचा कर्करोग ओळखू शकते, अंध महिला कशाप्रकारे जीव वाचवत आहेत? जाणून घ्या..

Women Health Blind woman can recognize by touch Breast cancer marathi news

Source : Google

Women Health: महिला शक्तीला खरोखरचं सलाम आहे. कारण कठीण परिस्थितीवर मात करून यश कसं मिळवायचं हे प्रत्येक स्त्रीला चांगलंच माहित असतं. दुर्दैवाने भारतात महिलांवरील अत्याचाराची प्रकरणं वाढत चाललीयत. ज्यामुळे अनेक स्त्रियांना मोकळा श्वास घेणं कठीण होऊन बसलंय. एकीकडे नवरात्रीत दुर्गा देवीचा जागर करायचा, अन् दुसरीकडे मात्र अनेक महिला या क्रूर अत्याचाराच्या बळी ठरत आहेत, जी अत्यंत चिंताजनक तसेच खेदजनक बाब आहे. आज आम्ही अशा एका महिला शक्तीबद्दल सांगत आहोत, जिची शक्ती खरंच एखाद्या वरदानापेक्षा कमी नाही. जाणून घ्या..

वैद्यकीय शास्त्रासाठी 'ती' वरदानापेक्षा कमी नाही!

सध्या ब्रेस्ट कॅन्सर म्हणजेच स्तनाचा कर्करोग हा सर्वात वेगाने पसरणाऱ्या आजारांपैकी एक आहे. उशीरा निदानापासून ते चुकीच्या निदानापर्यंत, या कर्करोगाच्या ट्यूमरच्या वाढीस हातभार लावणारे अनेक घटक आहेत.  परंतु, या सर्व समस्यांमध्ये, असे काही लोक आहेत जे या कर्करोगाच्या प्रकरणांमध्ये याची लहान गाठ शोधण्यात वैद्यकीय शास्त्रासाठी वरदानापेक्षा कमी नाहीत. आज आम्ही तुम्हाला अशाच एका व्यक्तिमत्त्वाबद्दल सांगणार आहोत, जिचे नाव आहे मीनाक्षी गुप्ता. मीनाक्षी अंध आहे, ती दिल्ली एनसीआरमध्ये वैद्यकीय स्पर्श परीक्षक आहे. डोळ्याने अंध असूनही ती एखाद्या स्त्रीच्या स्तनातील सर्वात लहान गाठ देखील शोधू शकते, टाईम्स ऑफ इंडियाच्या रिपोर्टनुसार, मीनाक्षी गुरुग्राममधील मेदांता हॉस्पिटलमध्ये काम करते. ती अशा एका प्रकल्पाचा भाग आहे, ज्यात दिसण्यात अडचण येत असलेल्या स्त्रियांच्या स्तनातील अगदी लहान समस्या शोधण्यासाठी स्पर्शज्ञानाचा वापर केला जातो.

"a powerful force for identifying breast cancer"
“so successful that they were 30% better at detecting tissue changes than doctors”
Fascinating story abt a group of women who work as Medical Tactile Examiners at the @NABIndiaWomenhttps://t.co/cFxnBwVOFU #WomenInSTEM

— Lab Hopping (@labhopping) September 10, 2024

 

वैद्यकीय स्पर्श परीक्षक म्हणजे काय? दृष्टीहीन महिलांसाठी व्यवसायाची संधी!

वैद्यकीय स्पर्श परीक्षक हे अंध किंवा दृष्टिहीन लोक असतात, ज्यांना त्यांच्या उच्च स्पर्शाच्या जाणिवेचा वापर करून विशेष स्तन तपासणी करण्याचे प्रशिक्षण दिले जाते. असे लोक स्तनाच्या ऊतींमधील त्या विकृती शोधण्यात महत्त्वाची भूमिका बजावतात, ज्यामुळे स्तनाच्या कर्करोगाची सुरुवातीची लक्षणे दिसू शकतात. हे लोक स्तन तपासणीची अचूकता सुधारण्यासाठी डॉक्टरांसोबत काम करतात. त्याच्या प्रगत संवेदनशीलतेद्वारे, ते शरीरातील अगदी लहान बदलही शोधू शकतात. यामुळे रोगाचे वेळेवर निदान होऊन रुग्णावर चांगले उपचार होण्यास खूप मदत होते. 2023 मध्ये प्रकाशित झालेल्या अभ्यासानुसार, दृष्टिहीन लोकांच्या स्तन तपासणीसाठी तंत्रशुद्ध स्तन तपासणीची प्रक्रिया योग्य आहे. अभ्यासानुसार, स्तनातील कोणतीही सामान्य किंवा घातक असामान्यता याद्वारे शोधली जाऊ शकते. दृष्टीहीन महिलांसाठी ही प्रक्रिया व्यवसायाची संधी बनू शकते.

Unfortunately, in India, one woman dies of breast cancer every 13 minutes. Through earlier detection, we can reverse this. By training women with visual impairment as medical tactile examiners, an NGO is doing just this. An innovative screening technique.https://t.co/0f6TYW8W4c pic.twitter.com/COcTYSxgDI

— Saurabh Srivastava (@TheSaurabhSri) October 18, 2023

कोण आहे मीनाक्षी गुप्ता? 

टाईम्स ऑफ इंडियाच्या रिपोर्टनुसार, मीनाक्षी गुप्ता दिल्लीची रहिवासी आहे. 2018 पासून ती मेडिकल टॅक्टाइल एक्झामिनर म्हणून काम करत आहे. मीनाक्षीच्या म्हणण्यानुसार, तिच्या शालेय दिवसांमध्ये, तिला अकरावीसाठी विज्ञान शाखेत प्रवेश घ्यायचा होता, परंतु दृष्टिहीन विद्यार्थ्यांसाठी ह्यूमॅनिटीज शिवाय दुसरा पर्याय नव्हता. 2017 मध्ये, मीनाक्षीला हँड्स प्रोजेक्टबद्दल माहिती मिळाली, जी स्तनाचा कर्करोग लवकर शोधण्यावर लक्ष केंद्रित करते. मीनाक्षीही त्यात सामील झाली. प्रशिक्षण आणि इंटर्नशिप पूर्ण केल्यानंतर, त्याने वैद्यकीय स्पर्शा परीक्षक म्हणून आपला नवीन प्रवास सुरू केला. मीनाक्षीच्या म्हणण्यानुसार, तिला रुग्णाला तपासण्यासाठी 25 ते 30 मिनिटे लागतात. आतापर्यंत तिने सुमारे 1100 रुग्णांची तपासणी केली आहे, त्यापैकी 250 ते 400 अशी प्रकरणे आहेत, ज्यांना अधिक लक्ष देण्याची गरज आहे.

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )