तुमच्याही मुलांना लठ्ठपणाची समस्या सतावतेय?

नवी दिल्ली : आरोग्याची समस्या सध्या कामकाज करणाऱ्या व्यक्तींसोबतच लहान मुलांमध्येही आढळून येत आहे. त्यामुळेच लहान मुलांमध्ये लठ्ठपणाचं प्रमाण वाढत चाललं आहे. आई-वडिलांची व्यस्त जीवनशैली, मुलांची खाण्यापिण्याची निवड, जंक फूड आणि मोबाईलचा उपयोग ही लहान मुलांचा लठ्ठपणा वाढण्यामागची महत्वाची कारणं आहेत. लठ्ठपणा टाळण्यासाठी काही महत्वाच्या टिप्स :

• मुलं लठ्ठ होत असतील, तर त्यांना सतत रागावू नका किंवा टोमणे मारु नका. त्यामुळे लहान मुलांमधला आत्मविश्वास कमी होतो.
• मुलांचं आरोग्य उत्तम ठेवण्यसाठी पालकांनीच स्वतः पोषक आहार घ्यावा, ज्यामुळे मुलंही पालकांनी घेतलेलाच आहार घेतील.
• कोणत्याही बाबतीत तुमच्या मुलांची तुलना इतरांच्या मुलांशी करु नका. अभ्यास, राहणीमान किंवा लठ्ठपणा, अशा कोणत्याही बाबतीत इतरांच्या मुलांशी तुमच्या मुलांची तुलना करु नका.
• मुलं सध्या मोबाईल, व्हिडिओ गेम्स आणि कंप्युटर यामुळे घरातच मग्न असतात. त्यांना बाहेर खेळण्याची सवय लावा.
• मुलांचा एक डाएट प्लॅन तयार करा. त्यानुसारच पोषक आहार मुलांना द्या.
• मुलांना पिझ्झा-बर्गर यांसारख्या फास्ट फूडची सवय असते. त्यामुळे मुलांना शक्य होईल तेवढे घरचेचं खाद्यपदार्थ देण्याचा प्रयत्न करा.

टीप : ही माहिती संशोधनाच्या आधारावर देण्यात आलेली आहे. एबीपी माझा याबाबत पुष्टी करत नाही. त्यामुळे कोणत्याही सल्ल्यानुसार उपचार सुरु करण्यापूर्वी डॉक्टरांचा सल्ला घ्या.