Kissing Disease: KISS घेतल्याने खरंच पसरतात 'हे' गंभीर जीवघेणे आजार? 'ही' लक्षणं तुम्हाला नाही ना? नेमकं सत्य काय? जाणून घ्या

Kissing Disease: चुंबनामुळे अनेक आजार होऊ शकतात? जाणून घेऊया किस म्हणजेच एकमेकांचे चुंबन घेतल्याने होणाऱ्या आजारांबद्दल...

Health Kissing Disease lifestyle marathi news serious diseases really spread through kissing

Source : google

Kissing Disease: प्रेम म्हणजे प्रेम असतं... तुमचं आमचं सेम असतं...प्रेमात बुडालेले जोडप्यासाठी प्रेम व्यक्त करण्याचे अनेक मार्ग असले तरी, जोडीदार त्यापैकी एक चुंबनाचा आधार घेतात हे तुम्ही पाहिले असेल. यामुळे जोडीदारांमधील नाते अधिक घट्ट होते. एकमेकांना किस केल्याने भावनिक बंध निर्माण होतात आणि प्रेम वाढते. पण हे देखील सत्य आहे की, चुंबनामुळे अनेक आजार होऊ शकतात. जाणून घेऊया किस म्हणजेच एकमेकांचे चुंबन घेतल्याने होणाऱ्या आजारांबद्दल...

लिप किसिंगमुळे विषाणूजन्य रोग होऊ शकतात?

ओठांचे चुंबन हे कुठल्याही जोडप्यांसाठी सुखाचे औषध असल्याचे वैद्यकीय शास्त्र सांगते. जेव्हा जोडपे एकमेकांना मिठी मारतात आणि तेव्हा प्रेमाच्या भावनेने चुंबन घेतात, या प्रक्रियेमुळे मेंदूमध्ये चांगल्या रसायनांचे कॉकटेल सोडणे सुरू होते. यापैकी ऑक्सीटोसिन, डोपामाइन आणि सेरोटोनिन यांसारखे हार्मोन्स प्रमुख आहेत. हे तीन हार्मोन्स मनात उत्साह निर्माण करतात. यामुळे शरीरात आनंदी ऊर्जा वाढते आणि इतरांबद्दल प्रेम वाढते. इतके फायदे असूनही, विज्ञान असेही म्हणते की, लिप किसिंगमुळे कधीकधी बॅक्टेरिया किंवा विषाणूजन्य रोग होऊ शकतात..

चुंबनामुळे होऊ शकतात हे आजार-

सिफिलीस

आरोग्य तज्ञांच्या मते, चुंबन तुम्हाला सिफिलीसचा बळी बनवू शकते. सिफिलीस हा जीवाणूजन्य संसर्ग आहे. तो ओरल सेक्सद्वारे पसरतो. सिफिलीसच्या संसर्गामुळे तोंडात फोड येतात आणि चुंबन घेतल्याने जीवाणू एका व्यक्तीकडून दुसऱ्या व्यक्तीकडे जातात. या संसर्गावर नियंत्रण ठेवण्यासाठी तुम्ही प्रतिजैविकांची मदत घेऊ शकता. सिफिलीसमध्ये ताप, घसा दुखणे, दुखणे, लिम्फ नोड्सची सूज यासारख्या समस्या देखील उद्भवू शकतात.

इन्फ्लूएंझा

चुंबनामुळे इन्फ्लूएन्झा, श्वसनाचे आजार किंवा फ्लू सारख्या समस्या देखील होऊ शकतात. यामध्ये स्नायू दुखणे, घशातील संसर्ग, ताप यांसारखी लक्षणे दिसतात.

नागीण

चुंबनामुळे नागीणची समस्या देखील होऊ शकते. नागीण व्हायरसचे दोन प्रकार आहेत. HSV1 आणि HSV2. आरोग्य अहवालानुसार, HSV 1 विषाणू चुंबनाद्वारे सहजपणे पसरू शकतो. तोंडात लाल किंवा पांढरे फोड येणे ही त्याची सर्वात प्रमुख लक्षणे मानली जातात.

हिरड्या समस्या

जर तुमच्या जोडीदाराला हिरड्या आणि दातांची समस्या असेल तर किस केल्याने तुम्हालाही ही समस्या होऊ शकते. चुंबन घेताना निरोगी व्यक्ती लाळेच्या माध्यमातून बॅक्टेरियाच्या संपर्कात आल्यास हिरड्यांमध्ये सूज येऊ शकते.

काय आहे किसींग डिसीज?

मायोक्लिनिकच्या रिपोर्टनुसार, किसींग डिसीजचे वैद्यकीय नाव मोनोन्यूक्लिओसिस आहे. हा आजार लिप किसिंगमुळे होऊ शकतो, परंतु हे तेव्हाच होईल जेव्हा जोडीदारांपैकी एक आधीच या आजाराने ग्रस्त असेल. म्हणजेच, जर मोनोन्यूक्लियोसिस ओठांनी संक्रमित व्यक्तीने दुसर्या व्यक्तीला चुंबन केले तर या दुसऱ्या व्यक्तीला किसींग डिसीज होऊ शकतो. हा रोग मोनो किंवा इप्सिन बार व्हायरसने पसरतो. हा विषाणू लाळेमध्ये असतो आणि थुंकीद्वारे इतरांमध्ये पसरतो. त्याच वेळी, जर संक्रमित व्यक्ती ज्या ग्लासमधून पाणी पितात किंवा ज्या प्लेटमधून तो अन्न खातो किंवा इतर कोणतेही भांडी वापरत असेल, त्याच भांड्यातून दुसरी व्यक्ती देखील खात असेल तर यामुळे देखील चुंबन रोग होऊ शकतो. म्हणजेच, जर कोणी संक्रमित व्यक्तीसोबत अन्न सामायिक करत असेल तर त्याला हा आजार होऊ शकतो.

कोणाला धोका अधिक?

लहान आणि किशोरवयीन मुलांना किसींग डिसीजचा धोका जास्त असतो. मोनोन्यूक्लिओसिस फ्लू किंवा सर्दीसारखे संसर्ग पसरवत नाही. तसेच हा लैंगिक संक्रमित रोग (STI) नाही.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )