Health Tips : यकृत खराब झाल्यावर 'ही' सुरुवातीची लक्षणे शरीरात दिसतात; चुकूनही दुर्लक्ष करू नका

Health Tips : यकृत खराब झाल्यामुळे व्यक्तीला अनेक गंभीर समस्यांना सामोरे जावे लागते.

Health Tips

Health Tips : आपल्या शरीरातील सर्व अवयव आपल्यासाठी खूप महत्वाचे आहेत. यकृत (Liver) हे या अवयवांपैकी एक आहे, जे त्याच्या अनेक महत्त्वपूर्ण कार्यांसाठी ओळखले जाते. यकृत केवळ पचन आणि चयापचय सुधारत नाही तर पोषक तत्वांचा साठा करण्याबरोबरच शरीरातील विषारी पदार्थ काढून टाकण्यातही महत्त्वाची भूमिका बजावते. अशा परिस्थितीत, यकृताची काळजी घेणे खूप महत्वाचे आहे, जेणेकरुन ते त्याचे कार्य योग्यरित्या करू शकेल.

मात्र, सध्या झपाट्याने बदलणाऱ्या जीवनशैलीमुळे लोक अनेक समस्यांना बळी पडत आहेत. यकृत खराब होणे ही यापैकी एक समस्या आहे, ज्यामुळे आजकाल बरेच लोक त्रस्त आहेत. यकृत खराब झाल्यामुळे व्यक्तीला अनेक गंभीर समस्यांना सामोरे जावे लागते. अशा वेळी वेळीच ओळखले तर त्याचे गंभीर परिणाम टाळता येऊ शकतात. 

मळमळ आणि उलटी होणे

तुम्हाला वारंवार उलट्या किंवा मळमळ होत असल्यास, ही यकृत खराब होण्याची लक्षणे असू शकतात. याशिवाय रक्ताची उलटी किंवा रक्त येत असेल तर ते यकृत खराब झाल्याचे लक्षण असू शकते. ही लक्षणे दिसल्यास त्याकडे अजिबात दुर्लक्ष करू नका.

ओटीपोटात सूज येणे

यकृताच्या दिर्घकालीन आजारामुळे तुमच्या पोटात द्रव साचू शकतो, त्यामुळे पोटाच्या आकारात अचानक बदल दिसू लागतो. पोटाचा आकार वाढणे हे देखील यकृताच्या नुकसानीचे लक्षण असू शकते.

खाज सुटलेली त्वचा

त्वचेवर खाज येणे हे यकृताच्या आजाराच्या सामान्य लक्षणांपैकी एक आहे. जर तुमच्या त्वचेला खाज येत असेल तर ते कावीळचे लक्षण असू शकते. याशिवाय, पित्त नलिकातील दगड, पित्त नलिकाचा किंवा स्वादुपिंडाचा कर्करोग, प्राथमिक पित्तविषयक सिरोसिसमुळे देखील हे होऊ शकते.

झोपेचा अभाव

जर तुम्हाला झोपेशी संबंधित समस्या येत असतील तर एकदा नक्कीच तुमच्या डॉक्टरांशी संपर्क साधा. खरंतर, यकृत शरीरातील विषारी पदार्थ काढून टाकण्याचे काम करते, परंतु जर ते खराब झाले तर हे विष रक्तामध्ये जमा होऊ लागते, ज्यामुळे झोपेचे चक्र बिघडू शकते. यकृत सिरोसिसचे रुग्ण अनेकदा झोपेची आणि निद्रानाशाची तक्रार करतात.

पायांना सूज येणे

दिर्घकालीन यकृत रोगात, तुमच्या पायांमध्ये द्रव जमा होऊ शकतो. त्यामुळे पाय फुगतात. जर तुम्हाला तुमच्या पायात विनाकारण सूज आल्याचे दिसले तर त्याकडे अजिबात दुर्लक्ष करू नका आणि ताबडतोब डॉक्टरांचा सल्ला घ्या.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :