Tejashri Pradhan: 'काहीही हा श्री' डायलॉग ते युनिक मंगळसूत्र; होणार सून मी या घरची मालिकेतील जान्हवी 'या' कारणामुळे होती चर्चेत
होणार सून मी ह्या घरची (Honaar Soon Mee Hyaa Gharchi) या मालिकेमध्ये तेजश्रीनं (Tejashri Pradhan) जान्हवी ही भूमिका साकारली होती.
Tejashri Pradhan: अभिनेत्री तेजश्री प्रधान (Tejashri Pradhan) ही लवकरच एका नव्या मालिकेमधून प्रेक्षकांच्या भेटीस येणार आहे. तेजश्रीनं अनेक मालिका आणि चित्रपटांमध्ये काम केलं आहे. पण होणार सून मी ह्या घरची (Honaar Soon Mee Hyaa Gharchi) या मालिकेमुळे तेजश्रीला विशेष लोकप्रियता मिळाली. या मालिकेत तेजश्रीनं जान्हवी ही भूमिका साकारली होती. या मालिकेमधील तेजश्रीच्या अभिनयाला प्रेक्षकांची विशेष पसंती मिळाली. जान्हवी या भूमिकेचे डायलॉग्स आणि बोलण्याची, हसण्याची स्टाईल या सगळ्यांनीच प्रेक्षकांची मनं जिंकली होती. जान्हवीच्या मंगळसूत्राच्या डिझाइननं देखील अनेकांचे लक्ष वेधले होते. जाणून घेऊयात तेजश्रीनं साकारलेल्या जान्हवी या भूमिकेबद्दल
'काहीही हा श्री' डायलॉग होता चर्चेत
होणार सून मी ह्या घरची या मालिकेमधील श्री ही भूमिका अभिनेता शशांक केतकरनं साकारली. होणार सून मी ह्या घरची या मालिकेमध्ये जान्हवीचा 'काहीही हा श्री' हा डायलॉग फेमस झाला होता. तेजश्रीच्या या डायलॉगनं अनेकांचे लक्ष वेधले.
जान्हवी मंगळसूत्र
तेजश्रीनं साकारलेल्या जान्हवी या भूमिकेचं मंगळसूत्र हे लोकप्रिय ठरलं. या तीन पदरी मंगळसूत्रानं त्यावेळी अनेक महिलांचे लक्ष वेधले होते. अनेक महिलांनी जान्हवीच्या मंगळसूत्राच्या डिझाइसारखं तीन पदरी मंगळसूत्र त्यावेळी घेतले होते. आजही अनेक महिला जान्हवीच्या मंगळसूत्रासारखी डिझाइन असणारं मंगळसूत्र घालतात.
जान्हवी आणि श्री यांच्या जोडीला मिळाली प्रेक्षकांची पसंती
होणार सून मी ह्या घरची या मालिकेतील जान्हवी आणि श्री यांच्या जोडीला देखील प्रेक्षकांची पसंती मिळाली होती. या दोघांची मालिकेतील केमिस्ट्री प्रेक्षकांची मनं जिंकत होती.
तेजश्रीनं तिच्या नव्या मालिकेबद्दल एक खास व्हिडीओ शेअर करुन माहिती दिली. या व्हिडीओमध्ये तेजश्री म्हणते, 'आपली मराठी परंपरा मराठी प्रवाह", बरोबर ओळखलं, मी येतील आपल्या लाडक्या स्टार प्रवाहच्या नव्या मालिकेतून तुमच्या भेटीसाठी. मालिकेचं नाव, तारीख, वेळ ही सगळी उत्सुकता पूर्ण होणर आहे, आमच्या नव्या प्रोमोमधून.' तेजश्रीच्या या आगामी मालिकेची प्रेक्षक उत्सुकतेने वाट बघत आहेत.
View this post on Instagram
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
