एक्स्प्लोर

Tejashri Pradhan: तेजश्री प्रधान नव्या मालिकेमधून येणार प्रेक्षकांच्या भेटीस; अभिनेत्रीनं खास व्हिडीओ शेअर करुन दिली माहिती

आता लवकरच तेजश्रीची (Tejashri Pradhan) एक नवी मालिका प्रेक्षकांच्या भेटीस येणार आहे.

Written By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 27 Jul 2023 05:14 PM (IST)

Tejashri Pradhan

Tejashri Pradhan: अभिनेत्री तेजश्री प्रधान (Tejashri Pradhan) ही अनेक मालिका आणि चित्रपटांमधून प्रेक्षकांच्या भेटीस आली. होणार सून मी ह्या घरची या मालिकेमुळे तेजश्रीला विशेष लोकप्रियता मिळाली. तसेच ‘अग्गंबाई सासूबाई’ या मालिकेतील तेजश्रीच्या भूमिकेला देखील प्रेक्षकांची पसंती मिळाली. आता लवकरच तेजश्रीची एक नवी मालिका प्रेक्षकांच्या भेटीस येणार आहे. या मालिकेबद्दल तेजश्रीनं एक व्हिडीओ शेअर करुन माहिती दिली आहे.

तेजश्रीनं तिच्या नव्या मालिकेबद्दल एक खास व्हिडीओ शेअर करुन माहिती दिली. या व्हिडीओमध्ये तेजश्री म्हणते, "आपली मराठी परंपरा मराठी प्रवाह", बरोबर ओळखलं, मी येतील आपल्या लाडक्या स्टार प्रवाहच्या नव्या मालिकेतून तुमच्या भेटीसाठी.मालिकेचं नाव, तारीख, वेळ ही सगळी उत्सुकता पूर्ण होणर आहे, आमच्या नव्या प्रोमोमधून. त्यासाठी बघत राहा स्टार प्रवाह.' आता तेजश्रीच्या या नव्या मालिकेचं नाव काय असणार आहे? या मालिकेत आणखी कोणते कलाकार प्रमुख भूमिका साकारणार? असे प्रश्न तेजश्रीच्या चाहत्यांना पडले आहेत.

View this post on Instagram

A post shared by Star Pravah (@star_pravah)

अभिनेत्री शुभांगी गोखले या देखील या नव्या मालिकेत काम करणार आहेत, असं म्हटलं जात आहे. शुभांगी गोखले यांनी सोशल मीडियावर एक व्हिडीओ शेअर करुन त्या नव्या मालिकेच्या माध्यमातून प्रेक्षकांच्या भेटीस येणार आहेत, असं नेटकऱ्यांना सांगितलं आहे.

लेक लाडकी या घरची,प्रेम हे,अग्गाबाई सासूबाई या मालिकांमध्ये तेजश्रीनं काम केलं आहे. तेजश्रीच्या होणार सून मी ह्या घरची या मालिकेतील जान्हवी या भूमिकेनं प्रेक्षकांची मनं जिंकली. झेंडा, लग्न पाहावे करुन, शर्यत या चित्रपटांमध्ये तेजश्रीनं काम केलं. ती साध्या काय करते या चित्रपटामधील तेजश्रीच्या अभिनयाला प्रेक्षकांची विशेष पसंती मिळाली. तेजश्री ही तिच्या नव्या प्रोजेक्टची माहिती चाहत्यांना सोशल मीडियाच्या माध्यमातून देते. तेजश्रीच्या सोशल मीडियावरील पोस्ट अनेकांचे लक्ष वेधतात. तेजश्रीला इन्स्टाग्रामवर 1.2 मिलियन फॉलोवर्स आहेत. आता तेजश्रीच्या या आगामी मालिकेची प्रेक्षक उत्सुकतेने वाट बघत आहेत.