Satvya Mulichi Satavi Mulgi : अस्तिकाला नागरुपात आणण्यासाठी घडणार अनोखं महानाट्य, खरं रुप कळल्यानंतर नेत्रा कोणती शिक्षा देणार?
Satvya Mulichi Satavi Mulgi : झी मराठी वाहिनीवरील सातव्या मुलीची सातवी मुलगी या मालिकेत अस्तिकाचं खरं रुप समोर आणण्यासाठी नेत्रा युक्ती आखणार आहे.
Satvya Mulichi Satavi Mulgi : झी मराठी (Zee Marathi) वाहिनीवरील सातव्या मुलीची सातवी मुलगी (Satvya Mulichi Satavi Mulgi ) ही मालिका अल्पावधीच प्रेक्षकांच्या पसंतीस उतरली आहे. दरम्यान या मालिकेत बऱ्याच अनपेक्षित गोष्टी घडतात. पण नेत्राला असलेल्या त्रिनैना देवीच्या वरदानामुळे ती येणाऱ्या प्रत्येक संकटाचा सामना करत असल्याचं पाहायला मिळालं आहे. तसेच नेत्राला या अडणींवर मात करण्यासाठी इंद्राणी देखील तितकीच मदत करते. त्यामुळे नेत्रा आणि इंद्राणी मिळून विरुचकावर म्हणजे रुपालीवर प्रत्येक संकटात मात करु शकतात. पण आता या दोघींच्या वाटल्या अस्तिका नावचं नवं संकट आलं आहे.
दरम्यान अस्तिका ही मूळ नाग असून तिचं हे स्वरुप लवकरच इंद्राणी आणि नेत्रा सगळ्यांच्या समोर आणणार आहेत. त्यासाठी एक मोठं महानाट्य आता मालिकेत घडणार आहे. नेत्राने ज्या नागाचं वर्णन केलं होतं, तोच नाग आबांच्या स्वप्नात येत असल्याचं नेत्राला कळतं. दरम्यान या नागाच्या मागचं नेमकं काय सत्य आहे, याचा शोध नेत्रा घेत असते. त्याचवेळी इंद्राणीला अस्तिकाच्या रुपावर संशय येतो. तसेच रुपालीच्या शरीरावर देखील इंद्राणी आणि नेत्राला नागाच्या काही खुणा दिसतात. त्यामुळे या दोघींचा संशय आणखी बळावतो.
अस्तिकाला तिच्या मूळ रुपात आणण्यात नेत्रा यशस्वी होणार
अस्तिकाच्या अंगावर कात दिसल्याने इंद्राणीला अस्तिकाचा संशय येतो. त्यावेळी अस्तिका हे मी बाहेर नाग पाहिला त्यामुळे ती कात माझ्या अंगाला लागली असणार असल्याचं सांगते. पण तिच्या या बोलण्यावर अस्तिका आणि नेत्रा या दोघींनाही विश्वास बसत नाही. त्यामुळे अस्तिकाचं मूळ रुप समोर आणण्यासाठी नेत्रा आणि इंद्राणी कोणता डाव टाकणार आणि अस्तिकाला तिच्या मूळ रुपात आणण्यात यशस्वी होणार याची उत्सुकता सध्या प्रेक्षकांना लागून राहिली आहे.
नेत्रा अस्तिकाला शिक्षा देणार?
नेत्रा आणि इंद्राणीचा हा डाव यशस्वी झाला आणि अस्तिका तिच्या मूळ रुपात आली तर पुढे काय होणार याची देखील उत्सुकता प्रेक्षकांना लागून राहिली आहे. तसेच नेत्राची ही युक्ती यशस्वी झाली तर नेत्रा अस्तिकाला काय शिक्षा देणार हे पाहणं देखील उत्सुकतेचं ठरणार आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
