Kiran Mane: 'दादांना अश्लील म्हणून का हिणवलं गेलं...'; किरण मानेंच्या पोस्टनं वेधलं लक्ष
किरण माने (Kiran Mane) यांनी पोस्टमध्ये दादा कोंडके (Dada Kondke) यांच्या चित्रपटांचा उल्लेख केला आहे.
Kiran Mane: अभिनेते किरण माने (Kiran Mane) यांनी अभिनेते दादा कोंडके यांच्याबाबत नुकतीच एक पोस्ट सोशल मीडियावर शेअर केली आहे. या पोस्टमध्ये किरण यांनी दादा कोंडके (Dada Kondke) यांच्या चित्रपटांचा उल्लेख केला आहे. 'जळजळीत परखड सत्य आपल्या अनेक सिनेमांमधून सांगणाऱ्या दादांना 'अश्लील' म्हणून का हिणवलं गेलं? हे मला आजपर्यंत कळलेलं नाय दोस्तांनो!' असं या पोस्टमध्ये किरण माने यांनी लिहिलं आहे.
किरण माने यांनी फेसबुकवर दादा कोंडके यांचा एक फोटो शेअर केला. या फोटोला त्यांनी खास कॅप्शन दिले. या कॅप्शनमध्ये त्यांनी 'राम राम गंगाराम' या चित्रपटामधील एका डायलॉगचा उल्लेख केला. किरण माने यांनी पोस्टमध्ये लिहिलं, "जळजळीत परखड सत्य आपल्या अनेक सिनेमांमधून सांगणाऱ्या दादांना 'अश्लील' म्हणून का हिणवलं गेलं हे मला आजपर्यंत कळलेलं नाय दोस्तांनो! स्पष्टच बोलू का? दादा कोंडके म्हणलं की ज्यांना फक्त 'डबल मिनिंग'चे संवाद आठवत्यात त्यांना दादा कळलेच नाहित!"
"श्रेष्ठ कलावंत तोच असतो भावांनो, जो मनोरंजन करता-करता समाजाच्या खर्या वेदनांना वाचा फोडतो. जनजागृतीची, समाजसुधारणेची जबाबदारी खांद्यावर घेतो. जातीधर्मापलीकडची 'मानवता' जपतो. त्या कलाकारालाच सर्वसामान्य प्रेक्षक मनापास्नं भरभरून प्रेम देतात.जसं दादांना दिलं!दादांनी आपल्या पिच्चरमधनं बिनधास्तपने सामाजिक-राजकीय भाष्य केलं त्या काळातल्या इंदिरा गांधी-संजय गांधींच्या धोरणांवर, आणीबाणीमधल्या अराजकावर सडकून आन् बेधडक टीका केली. गायवासरू हे काँग्रेसचं निवडणूक चिन्ह होतं. त्याकाळात नोटा खाणारं वासरू आणि त्याच्याकडे दुर्लक्ष करणारी गाय हे दाखवणं लै खतरनाक होतं गड्याहो."
"दादा, तुमच्यासारखा एकीकडे खळखळून हसवत, दूसरीकडं अतिशय अभ्यासपूर्वक, समाजातल्या विसंगतीवर बोट ठेवून, उघडंनागडं 'सत्य' बोलणारा एकही कलावंत आज आमच्या अवतीभवती दिसत नाही.अभिनेत्याकडं समाजभानातनं आलेली निर्भिडता आणि विद्रोह या गोष्टी अंगी असणं हे अत्यंत गरजेचं आहे, हेच बहुसंख्य कलाकारांना माहिती नाही.तुमचं आमचं जमलं' सिनेमात तुम्ही तुमच्या वाघ्या नावाच्या कुत्र्याला विचारता, "खोटं बोलूनी पोट भरतया म्हनून का रं जगायचं? माल कुनाचा कोन खातुया, किती दिस हे बघायचं??"...असो. "गेली सांगून द्यानेसरी..मानसापरास मेंढरं बरी !" हेच खरं. मिस यु दादा.
किरण माने यांची "सिंधुताई माझी माई - गोष्ट चिंधीची" ही मालिका लवकरच प्रेक्षकांच्या भेटीस येणार आहे.
संबंधित बातम्या :
महत्त्वाच्या बातम्या
