Naga Chaitanya on Divorce: 'ती खुश तर मी खुश'; समंथासोबत घटस्फोटाबद्दल पहिल्यांदाच व्यक्त झाला नागा चैतन्य

पहिल्यांदाच नागा चैतन्यनं (Naga Chaitanya) त्याच्या आणि समंथाच्या (Samantha) घटस्फोटाबद्दल एका मुलाखतीमध्ये त्याचं मत मांडलं.  

Naga Chaitanya,Samantha

Naga Chaitanya on Divorce with Samantha  : अभिनेत्री समंथा (Samantha) आणि नागा चैतन्य  (Naga Chaitanya) यांनी  काही दिवसांपूर्वी   विभक्त होण्याचा निर्णय घेतला. त्यांनी सोशल मीडियावर पोस्ट करून त्यांच्या चाहत्यांना घटस्फोटाबद्दल माहिती दिली. या पोस्टमध्ये त्यांनी वेगळं होण्याच्या निर्णयाबद्दल सांगितले होते. अनेकांनी त्यांच्या या पोस्टवर कमेंट्स केल्या. काही नेटकऱ्यांनी समंथा आणि नागा चैतन्यला तेव्हा ट्रोल देखील केले होते. घटस्फोटाबद्दल समंथा अनेकवेळा सोशल मीडियावर तसेच मुलाखतींमध्ये बोलत होती. पण पहिल्यांदाच नागा चैतन्यनं त्याच्या आणि समंथाच्या घटस्फोटाबद्दल एका मुलाखतीमध्ये त्याचं मत मांडलं.  

लवकरच नागा चैतन्य यांचा बंगाराजू हा चित्रपट प्रेक्षकांच्या भेटीस येणार आहे. या चित्रपटाच्या प्रमोशनसाठी सध्या अनेक ठिकाणी नागा चैतन्य मुलाखती देत आहेत. एका मुलाखतीमध्ये नागा चैतन्यला त्याच्या आणि समंथाच्या घटस्फोटाबद्दल विचारण्यात आले. त्यावर त्यानं उत्तर दिलं, 'जर तुम्ही स्वत:चा विचार करून  वेगळं होण्याचा निर्णय घेत असाल तर असं करणं  योग्य आहे. ती खुश आहे तर मी खुश आहे. त्यामुळे घटस्फोट घेणं हा निर्णय योग्य होता. '

समंथा आणि नागा चैतन्यची अशी होती लव्ह स्टोरी 
‘ये माया चेसावे’ या तेलगू चित्रपटाच्या शूटिंग दरम्यान समंथा आणि नागा चैतन्यची भेट झाली. त्यानंतर  ‘ऑटोनगर सूर्या’ या चित्रपटाच्या सेटवर ते पुन्हा भेटले. 6 ऑक्टोबर  2017 रोजी समंथा आणि नाग चैतन्य लग्नबंधनात अडकले. 

समंथाने पोस्ट शेअर करून दिली होती माहिती

समंथाने सोशल मीडियावर पोस्ट शेअर करून तिच्या घटस्फोटाबद्दल चाहत्यांना सांगितले होते. पोस्टमध्ये समंथाने लिहीले, 'आमच्या सर्व हितचिंतकांसाठी.. खूप विचार केल्यानंतर, चैतन्य आणि मी वेगळे होण्याचा निर्णय घेतला आहे. आम्ही पती-पत्नीसारखे आमचे मार्ग वेगळे करण्याचा निर्णय घेतला आहे. आम्ही खूप भाग्यवान आहोत की आम्ही दहा वर्षांहून अधिक काळ मित्र आहोत जे आमच्या नात्याचा आधार होता. आमच्यात मैत्री कायम राहील. आम्ही आमच्या चाहत्यांना, हितचिंतकांना आणि माध्यमांना विनंती करतो की तुम्ही सर्वांनी आमच्या या कठीण काळात आम्हाला साथ द्या आणि आमच्या दोघांनाही पुढे जाण्यासाठी प्रायव्हसी द्या. तुमच्या सर्वांच्या समर्थनाबद्दल खूप आभार.'

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha