Underwater Painting of Pushpa :  अल्लू अर्जुनचा 'जबरा फॅन'; साकारले पुष्पा चित्रपटातील लूकचे अंडर वॉटर पेंटिंग

अल्लू अर्जुनच्या  'पुष्पा: द राइज' (Pushpa : The Rise) या चित्रपटामधील लूकचे अंडर वॉटर पेंटिंग साकारले आहे.

Allu Arjun

Underwater Painting of Pushpa :  अनेक वेळा सेलिब्रिटींचे चाहते त्यांचे चित्र काढतात. दाक्षिणात्य चित्रपटांमधील प्रसिद्ध कलाकार अल्लू अर्जुनचा (Allu Arjun) चाहता वर्ग मोठा आहे. नुकतच त्याच्या एका  चाहत्याने अल्लू अर्जुनच्या  'पुष्पा: द राइज' (Pushpa : The Rise) या चित्रपटामधील लूकचे अंडर वॉटर पेंटिंग साकारले आहे. त्या अल्लू अर्जुनच्या चाहत्याने पाण्यामध्ये पेंटिंग काढतानाचा व्हिडीओ देखील शेअर केला आहे. 

आर्टोहोलिक शिंदे या यूट्यूब अकाऊंटवरून अल्लू अर्जुनच्या चाहत्यानं हा व्हिडीओ शेअर केला आहे. व्हिडीओमध्ये असं दिसत आहे की, अर्जुनचा चाहता स्विमिंग  पूलमध्ये उडी मारतो. पाण्यात गेल्यानंतर त्या स्विमिंगपूलच्या आत असणाऱ्या पेटिंग बोर्टवर तो अल्लू अर्जुचं पेटिंग काढायला सुरूवात करतो. अवघ्या काही मिनिटांमध्ये तो अल्लू अर्जुचं पेंटिंग काढतो. अनेक नेटकऱ्यांनी या व्हिडीओला कमेंट करून त्या पेंटिंग काढणाऱ्या अल्लू अर्जुच्या फॅनचं कौतुक केलं आहे. 

'पुष्पा' सिनेमात अल्लू अर्जुन आणि रश्मिका मंदाना मुख्य भूमिकेत आहेत. त्यांच्या अभिनयाचेदेखील कौतुक होत आहे. पुष्पाचा पहिला भाग पाहिल्यानंतर प्रेक्षक आता सिनेमाच्या दुसऱ्या भागाची प्रतीक्षा करत आहेत. एका मुलाखतीदरम्यान अल्लू अर्जुन म्हणाला, दोन महिन्यांनंतर 'पुष्पा-2' सिनेमाच्या शूटिंगला सुरुवात होणार आहे. 'पुष्पा-1' ते 'पुष्पा-2' दरम्यान 30-40 दिवसांचा ब्रेक घेत आहे. पुष्पा च्या दुसऱ्या भागाविषयी अल्लू म्हणाला,"पुष्पा च्या पहिल्या भागापेक्षा दुसरा भाग अधिक आव्हानात्मक आहे".  7 जानेवारी रोजी हा सिनेमा ओटीटीवर तेलुगू, तमिळ, मल्याळम आणि कन्नड भाषेत प्रदर्शित झाला आहे. तर लवकरच हिंदी भाषेतदेखील प्रदर्शित होणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha