Entertainment News Live Updates 7 October: टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
‘बिग बॉस मराठी 4’च्या घरात घुमणार ‘पुष्पा’चा आवाज; खास पाहुणा येणार प्रेक्षकांच्या भेटीला!
लवकरच ‘बिग बॉस मराठी सीझन 4’च्या घरात ‘पुष्पा’चा दमदार आवाज घुमणार आहे. अर्थात अभिनेता श्रेयस तळपदे (Shreyas Talpade) ‘बिग बॉस मराठी सीझन 4’च्या घरात दमदार एन्ट्री घेणार आहे. नुकताच या शोचा नवा प्रोमो रिलीज करण्यात आला आहे. या प्रोमोमध्ये अभिनेता श्रेयस तळपदे ‘बिग बॉस मराठी 4’च्या घरात एन्ट्री करताना दिसत आहे. तर, श्रेयस एन्ट्री करतानाच खास पुष्पाच्या आवाजात ‘मै झुकेगा नही साला’ हा प्रसिद्ध डायलॉग म्हणताना दिसत आहे.
सलमान खान अन् चिरंजीवी यांच्या 'गॉडफादर'ची बॉक्स ऑफिसवर जादू; पहिल्या दिवशी केली एवढी कमाई
दाक्षिणात्य चित्रपटसृष्टीतील प्रसिद्ध अभिनेता चिरंजीवीचा 'गॉडफादर' (Godfather) हा चित्रपट काल (5 ऑक्टोबर) प्रेक्षकांच्या भेटीस आला. पहिल्या दिवशी या चित्रपटानं बॉक्स ऑफिसवर कोट्यवधींची कमाई केली आहे. 'पोन्नियिन सेलवन: 1'आणि 'विक्रम वेधा' या चित्रपटांची बॉक्स ऑफिसवर टक्कर झाली. हे दोन्ही चित्रपट बॉक्स ऑफिसवर धुमाकूळ घालत आहे. चिरंजीवी (Chiranjeevi) आणि सलमान खान (Salman Khan) यांच्या गॉडफादर (GodFather) या चित्रपटानं पहिल्या दिवशी केलेल्या कलेक्शनबद्दल जाणून घेऊयात...रमेश बाला यांनी दिलेल्या माहितीनुसार गॉडफादर या चित्रपटानं जगभरात 38 कोटींची कमाई केली.
'उंच उंच उडू आज, आभाळात फिरू...'; 'पल्याड' चित्रपटाचा टीझर रिलीज
फोर्ब्ससारख्या जागतिक किर्तीच्या मासिकानं दखल घेतलेला, राष्ट्रीय-आंतरराष्ट्रीय चित्रपट महोत्सव आणि पुरस्कार सोहळ्यांमध्ये मानाचे समजले जाणारे सर्वच पुरस्कार आपल्या नावे करणाऱ्या 'पल्याड' (Palyad) या आगामी मराठी चित्रपटाची सध्या सगळीकडे जोरदार चर्चा आहे. मीडियापासून सोशल मीडियापर्यंत सर्वच ठिकाणी या चित्रपटावर स्तुतिसुमनांचा वर्षाव केला जात असल्यानं रसिकांनाही हा चित्रपट पाहण्याची उत्सुकता लागली आहे. हि उत्सुकता आणखी शिगेला पोहोचवणारा 'पल्याड'चा टिझर रिलीज करण्यात आला आहे. चित्रपटाचा विषय, आशय आणि वातावरणाची झलक दाखवणारा 'पल्याड'चा टिझर सोशल मीडियावर केवळ धुमाकूळ घालत नसून, या चित्रपटात नेमकं काय पहायला मिळेल याचा अंतर्मुख होऊन विचार करायला लावतो. 4 नोव्हेंबर रोजी 'पल्याड' हा चित्रपट संपूर्ण महाराष्ट्रात प्रदर्शित होणार आहे.
विनोदाच्या जगतातील आणखी एक तारा निखळला; कॉमेडियन पराग कंसारा यांचे निधन
टीव्ही विश्वातील लोकप्रिय कॉमेडियन राजू श्रीवास्तव (Raju Srivastava) यांच्या निधनाने मनोरंजन विश्वावर शोककळा पसरली आहे. या धक्क्यातून लोक सावरलेही नाहीत, तर आता ‘लाफ्टर चॅलेंज’मध्ये झळकलेल्या कॉमेडियन पराग कंसारा (Comedian Parag Kansara) यांचेही आकस्मिक निधन झाले आहे. पराग कंसारा यांच्या निधनानंतर संपूर्ण कॉमेडीविश्व पुन्हा एकदा शोकसागरात बुडाले आहे. कॉमेडियन सुनील पाल यांनी पराग यांच्या निधनाची बातमी चाहत्यांना दिली आहे.
Varhadi Vajantri: प्रेक्षकांना मिळणार मनोरंजनाची मेजवानी, रसिकांच्या भेटीला येणार मकरंद अनासपुरेंचा 'वऱ्हाडी वाजंत्री'!
Varhadi Vajantri: सर्वांचे लाडके अभिनेते मकरंद अनासपुरे आणि विनोदाचे बादशहा विजय पाटकर ही जोडी त्यांचा आगामी विनोदी चित्रपट ‘वऱ्हाडी वाजंत्री’मधून प्रेक्षकांचे मनोरंजन करण्यासाठी सज्ज झाली आहे.
View this post on Instagram
PHOTO : मोकळे केस, गळ्यात नेकलेस अन् सिंदूर, नुसरत जहाँ लूकने वेधलं चाहत्यांचं लक्ष!
बंगाली अभिनेत्री आणि तृणमूल काँग्रेसची खासदार नुसरत जहाँ सोशल मीडियावर तिच्या हॉटनेसने सर्वांनाच घायाळ करत आहे. नुकतेच नुसरतने तिचे अतिशय सुंदर आणि पारंपारिक अवतारातील फोटो इंस्टाग्रामवर शेअर केले आहेत. या फोटोंमध्ये ती अतिशय सुंदर दिसत असून, तिचा लूकही चाहत्यांच्या पसंतीस उतरला आहे. नुसरतचे हे फोटो इंटरनेटवर मोठ्या प्रमाणात व्हायरल होत आहेत, ज्यामध्ये ती लाल आणि पांढऱ्या रंगाच्या पारंपारिक बंगाली साडीमध्ये दिसत आहे.
View this post on Instagram
Bigg Boss Marathi 4 : आज 'बिग बॉस'च्या घरात पडणार पैशांचा पाऊस
Bigg Boss Marathi 4 : 'बिग बॉस मराठी'चं चौथं पर्व (Bigg Boss Marathi 4) नुकतचं प्रेक्षकांच्या भेटीला आलं असून या पर्वातील स्पर्धक आणि त्यांच्यात होणाऱ्या वादामुळे चर्चेत आहे. 'बिग बॉस मराठी'च्या घरामध्ये काल 'चान्स पे डान्स' या उपकार्यात टीम A विजयी ठरली. आज बिग बॉसच्या घरात पैशांचा पाऊस पडणार आहे. तसेच या पर्वातील पहिलं कॅप्टन्सी कार्यदेखील पार पडणार आहे.
View this post on Instagram
Zee Talkies Comedy Awards : 'हम भी कुछ कम नही' म्हणत ज्येष्ठ अभिनेते थिरकणार
Zee Talkies Comedy Awards : 'झुकेगा नही साला' म्हणत साऊथच्या 'पुष्पराज'ने चांगलाच धुमाकूळ घातला. या सिनेमातील समंथाचं 'ऊ अंटवा मावा ऊ ऊ अंटवा मावा' हे गाणं प्रेक्षकांच्या पसंतीस उतरलं. आता या गाण्यावर बॉलिवूड अभिनेत्री मराठीतील चार ज्येष्ठ अभिनेत्यांसोबत डान्स करणार आहे. 'झी टॉकीज कॉमेडी अॅवार्ड'मध्ये (Zee Talkies Comedy Awards) प्रेक्षकांना हा डान्स पाहायला मिळणार आहे.
Rakhi Sawant : ‘मला मुख्यमंत्री करा’ राखी सावंतची अजब मागणी, सोशल मीडियावर व्हिडीओ चर्चेत!
यापूर्वी हेमा मालिनी यांनी देखील एक व्हिडीओ शेअर केला होता. या व्हिडीओमध्ये त्या राखी सावंतच्या राजकारणातील प्रवेशाबद्दल बोलल्या होत्या. हेमा मालिनी यांच्या या व्हिडीओवर राखी सावंतने प्रतिक्रिया दिली आणि म्हणाली की, ‘आज मी खूप आनंदी आहे, हे गुपित होते की यावेळी मी 2022मध्ये निवडणूक लढवणार आहे. बरं, पंतप्रधान मोदीजी आणि आमचे अमित शाहजी यांची घोषणा करणार होते… पण मी भाग्यवान आहे की माझ्या आवडत्या अभिनेत्री ड्रीमगर्ल हेमा मालिनीजी यांनी यावेळेस मी निवडणुकीत उभी आहे, अशी घोषणा केली आहे.
#WATCH | Mathura, Uttar Pradesh: When asked about speculation that actor Kangana Ranaut could contest elections from Mathura, BJP MP Hema Malini says, "Good, it is good...You want only film stars in Mathura. Tomorrow, even Rakhi Sawant will become." pic.twitter.com/wgQsDzbn5Z
— ANI (@ANI) September 24, 2022
महत्त्वाच्या बातम्या
ट्रेंडिंग न्यूज
