Entertainment News Live Updates 14 January : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Urfi Javed : चित्रा वाघ यांच्या विरोधात उर्फी जावेदची अद्याप लेखी तक्रार नाही : सूत्रांची माहिती
Urfi Javed : गेल्या काही दिवसांपासून सुरु असलेला उर्फी जावेद (Urfi Javed) आणि भाजप महिला प्रदेशाध्यक्ष चित्रा वाघ यांच्यातील वाद आणखी वाढण्याची शक्यता आहे. कारण उर्फी जावेद महिला आयोगाच्या अध्यक्षा रूपाली चाकणकर यांच्याकडे ऑनलाईन तक्रार करणार असल्याचे सूत्रांच्या माहितीनुसार समोर आले आहे.
उर्फी जावेदने आज महिला आयोगाच्या ऑफिसमध्ये महिला आयोगाच्या अध्यक्षा रूपाली चाकरणकर यांची भेट घेतली. यावेली तिने घातलेल्या टीशर्टवर लिहिलेले इंग्रजी वाक्य विशेष चर्चेत होतं. Not A Nepo baby (आपण कोणत्याही सेलिब्रिटीचं मुल नव्हे) अशा आशयाचं वाक्य टीशर्टवर लिहिण्यात आलं असल्याचं पाहायला मिळालं. आपल्याला कोणताही वारसा नसताना देखील आपण स्वतःच्या पायावर उभे असून आपण आपली लढाई देखील स्वतःच लढत असल्याचा संदेश देण्याचा प्रयत्न उर्फी जावेदने यानिमित्ताने दिला असल्याचं पाहायला मिळालं.
Joshi Abhyankar Serial Murders : ज्या संक्रांतीला पुण्यावर खऱ्यारितीने संक्रांत आली...
Joshi Abhyankar Serial Murders : जोशी अभ्यंकर हत्याकांडाला (Joshi Abhyankar Serial Murders) 14 जानेवारीला सुमारे 47 वर्ष पूर्ण होतील. याच अनुषंगाने जनसंपर्क व सोशल मीडिया क्षेत्रात कार्यरत असणाऱ्या सीमा खंडागळे यांनी पुणे किलिंग्स जक्कल केस (Pune Killings: Jakkal Case) या नावाने या घटनेबद्दल मराठीमध्ये (Marathi) पॉडकास्ट सादर केला आहे. या पॉडकास्टचे कथन हे सिद्धार्थ नाईक याने केले आहे. तर या पॉडकास्टचा पहिला भाग अमेझॉन म्युझिकवर उपलब्ध झाला आहे.
Ghar Bandook Biryani: 'आशेच्या भांगेची नशा भारी...'; नागराज मंजुळेंच्या 'घर, बंदूक, बिरयानी' सिनेमाची रिलीज डेट जाहीर
मराठी चित्रपटसृष्टीतील प्रसिद्ध दिग्दर्शक नागराज मंजुळे (Nagraj Manjule) हा त्याच्या चित्रपटांमुळे चर्चेत असतो. त्याच्या आगामी चित्रपटांची प्रेक्षक उत्सुकतेने वाट बघत असतात. लवकरच त्याचा 'घर, बंदूक, बिरयानी' हा चित्रपट प्रेक्षकांच्या भेटीस येणार आहे. या चित्रपटाचा टीझर प्रेक्षकांच्या भेटीस आला होता. त्या टीझरला प्रेक्षकांची पसंती मिळाली. नुकतंच नागराजनं या चित्रपटाचं नवं पोस्टर सोशल मीडियावर शेअर केलं. या पोस्टरला त्यानं दिलेल्या कॅप्शननं अनेकांचं लक्ष वेधलं आहे.
Urfi Javed : बलात्कार, डान्सबार, कपड्यांवरुन एखाद्याला मारणं हा भारतीय संस्कृतीचा भाग नाही; पोलीस चौकशीनंतर उर्फीचं ट्वीट
उर्फीने दुसरं ट्वीट केलं आहे,"बलात्कार, डान्सबार, कपड्यांवरुन एखाद्याला मारणं हा भारतीय संस्कृतीचा भाग नाही. एकीकडे त्यांना हिंदू राष्ट्र हवं आहे तर दुसरीकडे महिलांच्या कपड्यांवर नियंत्रण ठेवण्याचे तालिबानी नियम लागू करायचे. हिंदू धर्म हा सर्वात जुना धर्म आहे. तो स्त्रियांच्या बाबतीत खूप उदारमतवादी म्हणून ओळखला जातो. मग तुम्ही कोणत्या संस्कृतीबद्दल बोलत आहात?"
I’ll tell you what’s not part of ‘Bhartiya Sanskriti’ , rape , dance bars , politicians openly threatening to hit a women because of her clothes .
— Uorfi (@uorfi_) January 14, 2023
Makar Sankranti 2023 : Shilpa Shetty ते Arjun Kapoor; सेलिब्रिटींनी चाहत्यांना दिल्या मकरसंक्रांतीच्या शुभेच्छा
Celebs Wishes Makar Sankranti : मकरसंक्रांतीचा (Makar Sankranti 2023) सण देशभरात धुमधडाक्यात साजरा केला जाणार आहे. शिल्पा शेट्टीपासून (Shilpa Shetty) अर्जुन कपूरपर्यंत (Arjun Kapoor) अनेक सेलिब्रिटींनी सोशल मीडियाच्या माध्यमातून चाहत्यांना मकरसंक्रांतीच्या शुभेच्छा दिल्या आहेत.
Makar Sankranti 2023 : Shilpa Shetty ते Arjun Kapoor; सेलिब्रिटींनी चाहत्यांना दिल्या मकरसंक्रांतीच्या शुभेच्छा
Mazhi Tuzhi Reshimgath : 'माझी तुझी रेशीमगाठ' मालिका घेणार प्रेक्षकांचा निरोप
Mazhi Tuzhi Reshimgath Marathi Serial : 'माझी तुझी रेशीमगाठ' (Mazhi Tuzhi Reshimgath) ही छोट्या पडद्यावरील लोकप्रिय मालिका आहे. पण गेल्या काही दिवसांपासून ही मालिका टीआरपीच्या शर्यतीत मागे पडली असून आता ही मालिका प्रेक्षकांचा निरोप घेणार आहे.
View this post on Instagram
Piccolo Official Trailer: राजसाहेब ठाकरे यांच्या हस्ते 'पिकोलो' चा ट्रेलर प्रदर्शित; चित्रपट 'या' दिवशी येणार प्रेक्षकांच्या भेटीस
Piccolo Official Trailer: जगण्याच्या रोजच्या संघर्षाशी, त्यांच्या जाणीवांशी साधर्म्य असलेल्या वेगळ्या वळणाच्या चित्रपटांची निर्मीती मराठीत सातत्याने होत आहे. याच पठडीतला ‘पिकोलो’ (Piccolo) हा चित्रपट 26 जानेवारीला प्रेक्षकांच्या भेटीला येणार आहे. तत्पूर्वी या चित्रपटाचा शानदार ट्रेलर मनसे अध्यक्ष मा. राजसाहेब ठाकरे (Raj Thackeray) यांच्या हस्ते नुकताच प्रदर्शित करण्यात आला. राजसाहेबांनी चित्रपटाला मनापासून शुभेच्छा दिल्या. याप्रसंगी चित्रपटाचे दिग्दर्शक अभिजीत मोहन वारंग तसेच मध्यवर्ती भूमिकेतले कलाकार प्रणव रावराणे आणि अश्विनी कासार उपस्थित होते. फोर्टिगो मोशन पिक्चर प्रा.लि प्रस्तुत आणि अभिजीत मोहन वारंग दिग्दर्शित ‘पिकोलो’ ह संगीतमय चित्रपट असून राजेश मुद्दापूर यांनी या चित्रपटाची निर्मिती केली आहे.
Shah Rukh Khan Pathaan : शाहरुख खानच्या 'पठाण'चा ट्रेलर बुर्ज खलिफावर झळकणार
Shah Rukh Khan Pathaan Trailer On Burj Khalifa : बॉलिवूडचा बादशाह शाहरुख खानच्या (Shah Rukh Khan) 'पठाण' (Pathaan) या सिनेमाचा ट्रेलर नुकताच आऊट झाला आहे. आज या सिनेमाचा ट्रेलर बुर्ज खलिफावर झळकणार आहे.
Brace yourselves for a visual spectacle - catch #PathaanTrailer on Burj Khalifa on 14th Jan 🔥🔥🔥
— Yash Raj Films (@yrf) January 13, 2023
Celebrate #Pathaan with #YRF50 only at a big screen near you on 25th January. Releasing in Hindi, Tamil and Telugu. pic.twitter.com/GcckgWTdIo
महत्त्वाच्या बातम्या
ट्रेंडिंग न्यूज
