Piccolo : संगीताचा सूर घेऊन 'पिकोलो' प्रेक्षकांच्या भेटीला; प्रणव आणि अश्विनी दिसणार मध्यवर्ती भूमिकेत

Piccolo : 'पिकोलो' हा सिनेमा 26 जानेवारीला प्रेक्षकांच्या भेटीला येणार आहे.

Piccolo

Piccolo : मराठी  चित्रपटांमधून नावीन्यपूर्ण  विषयांची निवड जाणीवपूर्वक होऊ लागली आहे. प्रेक्षकही त्याकडे मोठया प्रमाणात आकर्षित होताना  दिसत आहेत.  हीच बाब लक्षात घेत अभिजीत मोहन वारंग  दिग्दर्शित ‘पिकोलो’ (Piccolo) या मराठी चित्रपटाची निर्मिती करण्यात आली आहे. येत्या 26 जानेवारीला हा चित्रपट प्रदर्शित होणार आहे. राजेश मुद्दापूर यांनी या चित्रपटाची निर्मिती केली आहे.

आजच्या पिढीसमोर असणारे प्रश्न, त्यांना पेलावी लागणारी आव्हानं या साऱ्याचं चित्रण करत नातेसंबंधांचे सूक्ष्म पदर संगीताच्या माध्यमातून अलगदपणे उलगडून सांगणारा ‘पिकोलो’ हा संगीतमय चित्रपट आहे. प्रत्येकालाच आयुष्यात काही ठोस असे ईप्सित साध्य करायचे असते त्यात अनेक अडथळे येतात, त्यावर मात करून पुढे जायचे असते. या चित्रपटातही हा संघर्ष आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ashwini Kasar (@ashwinikasar18)

‘पिकोलो’ या चित्रपटात मध्यवर्ती भूमिकेत असलेले प्रेमीयुगुल जगण्याच्या संघर्षावर संगीताची फुंकर घालून त्यातून कसा मार्ग काढतात?  हे ‘पिकोलो’ चित्रपटात पाहणं रंजक ठरणार आहे. प्रणव रावराणे आणि अश्विनी कासार यांची मध्यवर्ती भूमिका या चित्रपटात आहे. 

‘पिकोलो’ चित्रपटात किशोर चौघुले, अभय खडपकर, दीक्षा पुरळकर, नमिता गावकर, पद्मा वेंगुर्लेकर, विश्वजीत पालव, मिलिंद गुरव, हर्षद जाधव,  रघु जगताप, रोहन जाधव, हर्षद राऊळ, शुभम सुतार, हर्षद परब, विद्याधर कार्लेकर आदी कलाकारांच्या भूमिका आहेत. चित्रपटाची कथा प्रमोद शेलार यांची आहे. या सिनेमाचे पोस्टर आऊट झाल्याने चाहत्यांना या सिनेमाची उत्सुकता आहे. तसेच अश्विनी आणि प्रणव ही नवी जोडी या सिनेमाच्या माध्यमातून रुपेरी पडद्यावर झळकणार आहे. 

संबंधित बातम्या