World Cup 2023: भारत-ऑस्ट्रेलिया सामना कोण जिंकणार? रजनीकांतनंतर आता भाईजानची भविष्यवाणी
अभिनेता सलमान खाननं (Salman Khan) देखील विश्वचषकाबद्दल भविष्यवाणी केली आहे.
India vs Australia Final World Cup 2023: वर्ल्ड कप 2023 (World Cup 2023) चा अंतिम सामना भारत आणि ऑस्ट्रेलिया (India vs Australia) यांच्यात अहमदाबाद येथे होणार आहे. या सामन्याकडे संपूर्ण जगाचे लक्ष लागले आहे. भारत आणि ऑस्ट्रेलिया या संघांमध्ये होणाऱ्या सामन्यात कोण विजयी ठरणार? याची भविष्यवाणी अनेक जण करत आहेत. काही दिवसांपूर्वी सुपरस्टार रजनीकांत (Rajinikanth) यांनी भविष्यवाणी केली होती. त्यांनी सांगितलं होतं की, "विश्वचषक आपलाच असणार याची मला 100% खात्री आहे". आता अभिनेता सलमान खाननं (Salman Khan) देखील विश्वचषकाबद्दल भविष्यवाणी केली आहे.
भाईजान म्हणतो, वर्ल्ड कप आपलाच!
टायगर-3 चित्रपटाच्या फॅन इव्हेंट दरम्यान सलमाननं भविष्यवाणी केली की, "टीम इंडिया रविवारी ऑस्ट्रेलियाविरुद्धच्या सामन्यात विजयी ठरेल."
पुढे सलमान म्हणाला, "भारताने आत्तापर्यंतचे सर्व सामने जिंकले आहेत आणि विश्वचषकादरम्यान, आम्ही टायगर 3 चित्रपट घेऊन आलो. आमच्या चित्रपटाने चांगले कलेक्शन केले. आता भारत वर्ल्ड कप जिंकेल आणि तुम्ही सर्व चित्रपटगृहात परत जाल," तो म्हणाला.
#WATCH | Mumbai: Superstar #SalmanKhan during a fan event of #Tiger3 expressed confidence that Team India will win the World Cup title clash against Australia on Sunday.
— ANI (@ANI) November 18, 2023
"India won all matches so far and during the ongoing World Cup, we came up with Tiger 3. Our film drew good… pic.twitter.com/O4WMik1uoG
भारताने उपांत्य फेरीत न्यूझीलंडचा 70 धावांनी पराभव केला. या विजयासह भारतानं अंतिम फेरीत धडक मारली. टीम इंडियाने सेमीफायनलपूर्वी या स्पर्धेत 9 सामने खेळले आणि ते सर्व जिंकले. उपांत्य फेरीत दक्षिण आफ्रिकेचा पराभव करून ऑस्ट्रेलियाने अंतिम फेरीत धडक मारली.
प्रसिद्ध गायक करणार परफॉर्म
अंतिम सामन्यासाठी बीसीसीआयने प्रेक्षकांसाठी विविध गायकांच्या परफॉर्मन्सचं आयोजन केलं आहे. गायक प्रीतम, जोनिता, नकाश अझीझ, अमित मिश्रा, आकासा सिंह आणि तुषार जोशी परफॉर्म करणार आहेत. दुसऱ्या डावाच्या ड्रिंक ब्रेक दरम्यान लेझर आणि लाइट शो केला जाईल.
सलमानचे चित्रपट
सलमान खानचा टायगर-3 हा चित्रपट सध्या प्रेक्षकांचे मनोरंजन करत आहे. या चित्रपटाला प्रेक्षकांची पसंती मिळत असून या चित्रपटानं बॉक्स ऑफिसवर धुमाकूळ घातला आहे. आता सलमानचा टायगर वर्सेस पठाण हा चित्रपट प्रेक्षकांच्या भेटीला येणार आहे.
संबंधित बातम्या:
महत्त्वाच्या बातम्या
ट्रेंडिंग न्यूज
