Rajiv Gandhi : राजीव गांधी यांच्या हत्येमागील षडयंत्रावर लवकरच येणार Trail Of An Assasin वेबसीरिज; नागेश कुकुनर करणार दिग्दर्शन

Rajiv Gandhi : राजीव गांधी यांच्या हत्येमागील षडयंत्रावर 'ट्रेल ऑफ अॅन असॅसिन' ही वेबसीरिज येणार आहे.

Rajiv Gandhi

Web series on Rajiv Gandhi : राजीव गांधी (Rajiv Gandhi) यांच्या हत्येमागील षडयंत्रावर लवकरच एक वेब सीरिज येणार आहे. अप्लॉज एंटरटेनमेंटच्या बॅनरखाली या वेबसीरिजची निर्मिती करण्यात आली आहे. 'नाइनटी डेज : द ट्रू स्टोरी ऑफ द हंट फॉर राजीव गांधीज असैसिन' (Ninety Days: The True Story of the Hunt for Rajiv Gandhi's Assassins) या पुस्तकावर आधारित ही वेब सीरिज असणार आहे. 'ट्रेल ऑफ अॅन असॅसिन' (Trail Of An Assasin) असं या वेबसीरिजचं नाव आहे. 

नागेश कुकुनूर 'ट्रेल ऑफ अॅन असॅसिन' या वेबसीरिजच्या दिग्दर्शनाची धुरा सांभाळत आहे. गेल्या काही दिवसांपूर्वी राजीव गांधी यांच्या हत्येमागील षडयंत्रावर भाष्य करणारा 'मद्रास कॅफे' हा सिनेमा प्रेक्षकांच्या भेटीला आला होता. शुजित सरकारने या सिनेमाच्या दिग्दर्शनाची धुरा सांभाळली होती. तर जॉन अब्राहम या सिनेमात मुख्य भूमिकेत होता. या सिनेमाला प्रेक्षकांचा उत्तम प्रतिसाद मिळाला होता. त्यामुळे आता प्रेक्षक वेब सीरिजची प्रतीक्षा करत आहेत. 

'Trail of an Assassin' web series on Rajiv Gandhi's assassination in the works

Read @ANI Story | https://t.co/vYe1Q3QGqv#TrailOfAnAssassin #rajivgandhi pic.twitter.com/XrNQg6R56X

— ANI Digital (@ani_digital) September 6, 2022

'नाइनटी डेज: द ट्रू स्टोरी ऑफ द हंट फॉर राजीव गांधीज असैसिन' हे पुस्तक पत्रकार अनिरुद्ध मित्राने लिहिलेलं आहे. त्याकाळी सर्व प्रकपणाचं अनिरुद्धने रिपोर्टिंग केलं होतं. त्याच तथ्यांच्या आधारावर नंतर त्यांनी हे पुस्तक लिहिलं. लवकरच प्रदर्शित होणाऱ्या सीरिजमध्ये सीबीआयकडून हत्याकांडाची कशाप्रकारे चौकशी करण्यात आली, यामागे कोणाचा हात होता अशा अनेक गोष्टींवर भाष्य करण्यात आले आहे. 

नागेश कुकुनर या वेबसीरिजचं दिग्दर्शन करत असून त्यांना अनेक राष्ट्रीय पुरस्काराने सन्मानित करण्यात आलं आहे. त्यांनी 'इकबाल' सारखे सिनेमे तर 'सिटी ऑफ ड्रीम्स' सारख्या वेबसीरिजचं दिग्दर्शन केलं आहे. या वेबसीरिजमध्ये प्रिया बापट, अतुल कुलकर्णी, सिद्धार्थ चांदेकर महत्त्वाच्या भूमिकेत होते.

संबंधित बातम्या