Shahrukh Khan Yash Raj Films Supreme Court : 'यशराज फिल्मस'ला सुप्रीम कोर्टाचा दिलासा; एका गाण्यासाठी सुरू होता खटला, काय आहे प्रकरण?
Shahrukh Khan Yash Raj Films Supreme Court : शाहरुख खानच्या फॅन चित्रपटातील एका गाण्यावरून सुरू असलेल्या खटल्यात सुप्रीम कोर्टाने यशराज फिल्मसला दिलासा दिला आहे.
Shahrukh Khan Yash Raj Films Supreme Court : सुप्रीम कोर्टाने यशराज फिल्मसला (Yash Raj Films) मोठा दिलासा दिला आहे. सु्प्रीम कोर्टाने (Supreme Court) राष्ट्रीय ग्राहक विवाद निवारण आयोगाने (NCDRC) दिलेल्या निकालाविरोधात यशराज फिल्मसने सुप्रीम कोर्टात धाव घेतली होती. त्यावर सुप्रीम कोर्टाने हा निकाल दिला. न्या. पी.एस. नरसिंह आणि न्या. अरविंद कुमार यांच्या खंडपीठाने हा निकाल दिला.
'यशराज फिल्म'ने सुप्रीम कोर्टात आव्हान दिलेले प्रकरण नेमकं काय?
यशराज फिल्मसने वर्ष 2021 मध्ये ष्ट्रीय ग्राहक विवाद निवारण आयोगाने दिलेल्या आदेशाला याचिकेद्वारे आव्हान दिले होते. यशराज फिल्मने फॅन चित्रपटात जबरा फॅन हे गाणे न ठेवल्याने ग्राहकाला 15 हजार रुपयांची नुकसान भरपाई देण्याचे आदेश दिले होते. आफ्रिन झैदी यांनी ट्रेलरमध्ये हे गाणे पाहूनच सहकुटुंब हा चित्रपट पाहण्याचा निर्णय घेतला होता. मात्र, सगळ्या चित्रपटात हे गाणंच दिसून आले नाही.
सुप्रीम कोर्टाने आदेशाला दिली होती स्थगिती
सुप्रीम कोर्टाने राष्ट्रीय ग्राहक विवाद निवारण आयोगाने दिलेल्या आदेशाला आव्हान देणाऱ्या याचिकेवर सुनावणी करताना चित्रपट प्रमोशनमुळे ग्राहक आणि सेवा पुरवठादार यांच्यात काही संबंध आहेत का? एखादा प्रमोशनल कंटेट हटवल्यानंतर एखाद्याला नुकसानभरपाईचा अधिकार मिळेल का? या मुद्यांवर भर दिला.
सुप्रीम कोर्टाने आदेशाला दिली होती स्थगिती
सप्टेंबर 2021 मध्ये, NCDRC च्या निर्णयाला आव्हान देणाऱ्या यशराज फिल्म्सच्या अपीलवर सुनावणी करताना सर्वोच्च न्यायालयाने केंद्रीय चित्रपट प्रमाणन मंडळ आणि तक्रारदाराला नोटीस बजावून आयोगाच्या आदेशाला स्थगिती दिली होती. व्यवसायाने शिक्षक असलेल्या ग्राहक आफरीन फातिमा झैदी यांनी ‘जबरा फॅन’ या गाण्याचा प्रोमो पाहिल्यानंतर ‘फॅन’ हा चित्रपट तिच्या कुटुंबासह पाहिला तेव्हा हे गाणे चित्रपटात नसल्याचे त्यांना समजले.
तक्रारदारांची काय होती मागणी?
झैदी यांनी नुकसानभरपाईची मागणी करताना जबरा फॅन हे गाणे चित्रपटात नसल्याच्या डिसक्लेमरसह प्रोमो टेलिकास्ट करण्याची मागणी केली होती. तर, प्रोडक्शन हाऊसने सांगितले की, झैदी या ग्राहक नाहीत. त्याशिवाय, चित्रपट रिलीज होण्याआधीच हे गाणं चित्रपटात नसल्याची माहिती जाहीरपणे देण्यात आली होती. महाराष्ट्र ग्राहक तक्रार निवारण आयोगाने 2017 मध्ये झैदी यांच्या बाजूने निर्णय सुनावला. तर, यशराज फिल्मसला तक्रारदार महिलेला नुकसानभरपाई म्हणून 10 हजार रुपये आणि खटल्यासाठी आलेल्या खर्चापोटी 5000 रुपये देण्याचे आदेश दिले होते.
NCDRC ने काय दिला होता आदेश?
महाराष्ट्र ग्राहक तक्रार निवारण आयोगाने दिलेल्या आदेशाविरोधात दाखल करण्यात आलेली याचिका फेटाळून लावली होती. 2020 मध्ये दिलेल्या निकालात, आयोगाने म्हटले की, टीव्ही वाहिन्यांवर व्यापकपणे दाखण्यात आलेल्या प्रोमोमध्ये गाण्याचा समावेश करणे, मात्र त्याच वेळी चित्रपट रिलीज करताना त्या गाण्याला चित्रपटातून रद्द करणे हे चुकीचे आहे. या गाण्याला चित्रपटात स्थानच नव्हते तर प्रोमोमध्ये का दाखवण्यात आले, ही प्रेक्षकांनी फसवणूक असल्याचे राष्ट्रीय ग्राहक विवाद निवारण आयोगाने (NCDRC) म्हटले.
महत्त्वाच्या बातम्या
