Udit Narayan : गायक उदित नारायण यांना हृदयविकाराचा झटका आला? मॅनेजरने दिलं स्पष्टीकरण

Udit Narayan : बॉलिवूडचे प्रसिद्ध गायक उदित नारायण (Udit Narayan) यांना हृदयविकाराचा झटका आल्याची बातमी सोशल मीडियावर मोठ्याप्रमाणावर व्हायरल होत आहे.

Udit Narayan

Udit Narayan : बॉलिवूडचे प्रसिद्ध गायक उदित नारायण (Udit Narayan) यांना हृदयविकाराचा झटका आल्याची बातमी सोशल मीडियावर मोठ्याप्रमाणावर व्हायरल होत आहे. या बातम्या ऐकून त्यांचे चाहते काळजीत पडले आहेत. चाहत्यांना त्यांच्या प्रकृतीची अपडेट जाणून घ्यायची आहे. आपल्या लाडक्या गायकाला हृदयविकाराचा झटका आल्याचे कळताच चाहते त्यांना लवकर बरे वाटावे म्हणून प्रार्थना करत आहेत. मात्र, आता गायक उदित नारायण यांच्या मॅनेजरने या प्रकरणावर स्पष्टीकरण दिले आहे.

उदित नारायण यांच्या मॅनेजरने ही संपूर्ण बातमी अफवा असल्याचे म्हटले आहे. उदित नारायण पूर्णपणे ठीक असून, त्यांना काहीही झालेले नाही, असे त्यांच्या  मॅनेजरने म्हटले आहे.

ही केवळ अफवा!

उदित नारायण यांच्या मॅनेजरने सांगितले की, त्यांची प्रकृती पूर्णपणे ठीक आहे आणि उदितजींना काहीही झाले नाही. या अफवांना पूर्णविराम देत ते म्हणाले की, अशा बातम्या कुठून व्हायरल होत आहेत हेच आम्हाला कळत नाहीय. मात्र, ही बातमी व्हायरल झाल्यानंतर त्यांना सतत कॉल येऊ लागले आहेत आणि ट्विटरवर देखील चाहते प्रश्नांचा भडीमार करत आहेत. त्यानंतर त्यांनी स्वतः उदित नारायण यांच्याशी चर्चा केली. या व्हायरल बातम्यांमुळे उदित नारायण देखील अस्वस्थ असल्याचे त्यांनी म्हटले आहे.

नेपाळहून अफवा पसरवली जात असल्याचा संशय

प्रसिद्ध गायक उदित नारायण यांचे मॅनेजर याबद्दल सांगताना पुढे म्हणाले की, आम्हाला वाटते की, ही अफवा नेपाळमधून पसरवली जात आहे. कारण ज्या फोन क्रमांकावरून हा संदेश पसरवला जात आहे, तो नेपाळचाच कोड नंबर आहे. तिथे या असल्या खोट्या बातम्या कोण पसरवत आहे आणि अशा चुकीच्या बातम्या देऊन लोकांना का त्रास देत आहे, याची कल्पना नाही. पण, या चर्चांमुळे त्यांना सतत फोन येत असून, त्यामुळे ते त्रस्त झाले आहेत.

उदितजीही झाले नाराज

खरं तर, गेल्या काही वर्षांत हृदयविकाराचा झटका आणि त्यामुळे जीव गमावणारे कलाकार यांच्या अनेक बातम्या समोर आल्या आहेत. यामुळेच उदित नारायण यांचे चाहते या बातमीने अस्वस्थ झाले होते. मात्र, त्यांच्या मॅनेजरने या सगळ्या वृत्तांचे खंडन केले आणि सांगितले की, लोक सतत त्यांना याबद्दल विचारत आहेत, मात्र असे काहीही घडलेले नाही. उदित नारायण यांच्या प्रकृतीची विचारपूस करण्यासाठी त्यांना अनेक फोन येत आहेत. इतकाच नाही तर, हे वृत्त सोशल मीडियावर देखील ट्रेंड होत आहे. ट्विटरवरचा याबद्दलचा ट्रेंड पाहून उदितजीही खूप नाराज झाले आहे, असे त्यांच्या मॅनेजरने म्हटले.

हेही वाचा :