Vishakha Subhedar Birthday : समीर चौगुलेंनी विशाखा सुभेदारला दिल्या वाढदिवसाच्या हटके शुभेच्छा

Sameer Chougule : समीर चौघुलेंनी अभिनेत्री विशाखा सुभेदारला वाढदिवसाच्या खास शुभेच्छा दिल्या आहेत.

Written By : एबीपी माझा वेब टीम | Edited By: मंजिरी पोखरकर | Updated at : 22 Mar 2022 09:42 PM (IST)

Vishakha_Subhedar_Birthday

Vishakha Subhedar Birthday : महाराष्ट्राला खळखळून हसवणारी लाडकी जोडी म्हणजे समीर चौगुले (Sameer Chougule) आणि विशाखा सुभेदारची (Vishakha Subhedar). अभिनेत्री विशाखा सुभेदारचा आज वाढदिवस असल्याने समीर चौगुलेंनी विशाखा सुभेदारला वाढदिवसाच्या खास शुभेच्छा दिल्या आहेत.

समीर चौगुलेंनी विशाखा सुभेदारसोबतचा एक फोटो शेअर केला आहे. फोटो शेअर करत त्यांनी लिहिले आहे,"विशु... वाढदिवसाच्या खूप खूप शुभेच्छा.... विलक्षण आणि विस्मयकारक ताकदीची कलावंत...अफाट आणि अचाट टायमिंग गाठीशी ठेऊन रंगमंचावर धुमाकूळ घालणारी अभिनेत्री....विनोदाची उत्तम समज आणि क्षणार्धात कमालीचे भाव चेहेऱ्यावर आणून प्रेक्षकांना अचंबित करणारी आमची विशु....माझं भाग्य की ही अतरंगी बहुगुणी माझी जोडीदार आहे आणि माझी सखी मैत्रीण आहे..."सम्या विशु" या जोडीच्या यशात बहुतांशी वाटा विशुचा आहे...आतून प्रेमळ माऊली असलेल्या आमच्या विशुत कुशल कठोर नेतृत्वगुण ही दडलेले आहेत..आणि याच गुणांमुळे ती आज उत्कृष्ट नाट्यनिर्माती म्हणून घट्ट पाय रोवतेय.....विशु तुझं माझ्या बरोबर असणं भाग्याचं आणि आनंदाचं आहे..जे मनात आहे ते सगळं तुला मिळो ही गणराया चरणी प्रार्थना".

View this post on Instagram

A post shared by Samir Choughule (@samirchoughule)

समीर चौघुले आणि विशाखा सुभेदार हास्यजत्रेच्या माध्यमातून त्यांच्या धम्माल स्किट्सद्वारे रसिकांच्या हदयावर अधिराज्य गाजवत आहेत. विनोदाच्या अचूक टायमिंगमुळे ही जोडी प्रेक्षकांच्या पसंतीस उतरत आहे.

संबंधित बातम्या